KAN MISSIONARY ZAWNG ZAWNG TE TAN
Kan Missionary te mahni khaw lova hunpui hmang tur te tân, khawhar takin an awm thei, chuvangin Lalpa awmpuina i dîlsak ang u.
"A kotu che u chu a rinawm a, tih pawh a ti bawk ang."( 1 Thessalonians 5:24) Tisual pheng phungin kan tihsual man kan seng nawk nawk chang a awm a, thlemna leh sual do zawh loh chang a awm fo, kan tihtur kan tih loh avanga buaina tawh chang lah a tam, kan tihtur kan tih pawha chapona suala tluk changte nen mahse "min kotu zawk hi a rinawm em avang hian kan tluk hlen hi a phal ngai lo a ni." Philippians 1:6 Nangmahnia thil tha ti tantu khan Isua Krista ni thlengin a tifamkim zel dawn, chu ngei chu ka ring tlat si a. Bul min tansaktu, he khawvel eng hmu tura kan nu leh pate, kan pi leh pute, kan pi te pi leh kan pute pu intawntirtu Pathian hian kawng laklawhah min kalsan mai dawn lo a ni. Min hruai zel dawn a ni. "I khawngaih Kross kawng zawhin, i rawngbawl lamtluang ka chhui, Kawng nuam leh hahdam changte pawh thin; Kawng hahthlak leh raltia min hruai niah pawh hianin, I rinawm zia min hmuhtir leh thin."
Thatakin enkawl ang che..
ReplyDelete