KHAWNGAIHNA MAK

EFESI 2:4

Nimahsela, Pathian khawngaihna chu a nasain, a mi hmangaihna chu a thûk êm a, kan bawhchhiatnate avânga thi kan nih lai khân Krista nên min tinung ta hlawm a. A khawngaihna avânga chhandam in ni.

John Newton-a hre lo chu mi tlêmte an ni ang. Kum 1725 khân a lo piang a. A pa chu kristian sakhaw awih lotu a ni a, a nu erawh chu thlaraumi kan tih ang hi a ni thung.

A nu’n a boralsan khân a pa zuiin lawng khalhtu a ni a, a nun chuan sual kawng a zawh a, nawmsipbâwlin a hun a hmang a, chutiang anih avang chuan bawih a hralh a ni a, mi thuhnuaia hrehawm taka awmin a tlân chhuak a, lawng khalhna lamah eizawngin Captain a rawn ni leh a. West Indies leh America inkâra sal hralhna kawngah thûk tak a inhnamhnawih nghe nghe a, chutianga nun bawraw tak nei chu a ni.

Kum 1748-ah Pathian khawngaihna mak a chungah a lang a, a rawn piangthar ta mai a. Chanchin Ṭha hrilin a hun a hmang ta thung a. Pathian hmangaihna a chungah a lang nasa êm êm a, ‘Khawngaihna mak mawi leh duhawm’ tih hla a lo phuah chhuak ta hial a ni.

Pathian khawngaihna mak hian sual riangvai pawh a chhandam thei a ni.

EFESI 2:1-3 ah chuan, “Hmânah chuan in bawhchhiatnate leh in sualte avângin thi in ni a. Chutih lai chuan he khawvêl dân ang hian in khawsa a, boruaka thuneitute lal, awih lote chunga tûna thawk mêk thlarau thu thu-a in awm kha. An zîngah chuan keini pawh kan tel vek a, kan tisa châkzâwng ûmin kan tisa duhzâwng leh ngaihtuahzâwng kan ti ṭhîn a, mi dangte ang bawkin Pathian thinurna tuar tûr rênga piang kan nih kha.” tiin.

Chhandam kan nih hnu-a kan bawhchhiatna te kan hriat rengna khan Pathian khawngaihna ropuizia min hriattir ṭhin.

Ka blog min lo subscribe in min lo share sak ve dawnnia, enjoy.