Skip to main content

Rangkachak tih thianghlim nan


Rangkachak tih thianghlim nan Mei an hmang angin, Kan nun chher nan Mittui a ṭul fo ṭhin.. Zirtirna duhawm leh nem tak hmanga chher ni la hrehawm kan ti lo tur a ni a,, Mahse, Ringtu nun chu Tuarna hmanga chher puitlinin a awm si ṭhin hi, tuar lai chuan,a lawmawm lohva, A mak a na a ni.

Nun hi enge a nih chiah le tih pawh hi hriat fiah a har a nih hi.. Nun hi, A Krista si loh chuan, Nun awmze neilo a lo ni a,, He nun ngei hi, Tuarna hmanga Lalpa hmu tura buatsaihin a awm fo ṭhin.

Ringtu nuna pawimawh em em mai chu, Midangte thiltih thlir fo lova, "Keia tan erawh zawng," tih ngam zelna hi a ni.. Miten, Sual an tih pawhin, "Keia tan erawh zawng Pathian hnaih zel a ṭul a ni," ti a, inserhhran ngamna zelah hian, Pathian a lawm ṭhin.

"Serhhran an awm tawhlo tawp e," phei zawng ti ngam bik chiahlo mah i la, Lalpa tana Inserhhrang ngamte nun zelah hian, Lalpan lawmna a hmu zel tawh zawng a nih hi.

Dik tak chuan, Kan hma a thim viau emaw kan tihlai pawh hian, Kan hma ah Nunna leh Malsawmna chuan min lo hmuak reng a sin. Malsawmna nge Anchhia, Nunna nge Thihna tih buaipui tura koh kan ni hauhlo, Nunna leh Malsawmna chu, Pathianin min lo thlan sak tawh sa reng zawk a, Pathian min thlanna tih hlawhchham loh hi, Pathian nena inpawmchilhna ṭha ber a ni fo ṭhin a ni.
 
Min Tlantu tan hreawm tam tak tuarin Vanah Ro i khawlkhawm tlat ang u...nilen nuam u le

Lalpan, malsawm che rawhse.

Ka blog min lo subscribe in min lo share sak ve dawnnia, enjoy.

Comments

Post a Comment

Popular posts from this blog

KAN PATHIAN RINAWM HIAN, A TAWP THLENGIN MIN HRUAI DAWN

"A kotu che u chu a rinawm a, tih pawh a ti bawk ang."( 1 Thessalonians 5:24) Tisual pheng phungin kan tihsual man kan seng nawk nawk chang a awm a, thlemna leh sual do zawh loh chang a awm fo, kan tihtur kan tih loh avanga buaina tawh chang lah a tam, kan tihtur kan tih pawha chapona suala tluk changte nen mahse "min kotu zawk hi a rinawm em avang hian kan tluk hlen hi a phal ngai lo a ni." Philippians 1:6 Nangmahnia thil tha ti tantu khan Isua Krista ni thlengin a tifamkim zel dawn, chu ngei chu ka ring tlat si a. Bul min tansaktu, he khawvel eng hmu tura kan nu leh pate, kan pi leh pute, kan pi te pi leh kan pute pu intawntirtu Pathian hian kawng laklawhah min kalsan mai dawn lo a ni. Min hruai zel dawn a ni. "I khawngaih Kross kawng zawhin, i rawngbawl lamtluang ka chhui,  Kawng nuam leh hahdam changte pawh thin;  Kawng hahthlak leh raltia min hruai niah pawh hianin,  I rinawm zia min hmuhtir leh thin."
Post a Comment
Jehova - Jire »

Lalpa Neitu Ni La, Lalpa Neitu Zawng Rawh

"Chaw dangral mai umin phe phe suh u, chatuana nun thlenga awm reng tur chaw, Mihring Fapain a pek tur che u chu, umin phe zawk rawh u; Pa Pathian chuan ani chu a chhinchhiah tawh si a,” a ti a, a chhang a."(Johana 6:27) Mi thenkhat hi tinge kawppui an thlan fuh loh thin le? Tiin i in zawt ve thin em? He zawhna hi chhang dawn ta ila, chhandan tur tamtak a awm ang. Thenkhat chuan tihian an chhan a rinawm: 1) A nu leh pa thu a awi loa, 2) Hmel a en lutuk a, 3) Sum a en lutuk a, 4) A in dah hniam lutuk a, 5) A hmanhmawh lutuk a. etc, an tih a rinawm a. Hengte hi miin kawppui a thlansualna chhanah chuan, dik pawh a dik viau ang.  Kawppui emaw, nun kawng emaw kan thlan sual chhan ber chu, "rei lote, chhung choa hlimna kan thlakhlel lutuk vang" a ni ti ila kan sawi sual lo ang. Kan Pathian thu chuan tihian alo sawi a,"Chaw dangral mai umin phe phe suh u" a ti. Hei hi a awmzia tak chu, ei ral theih thil mai mai um suh u a tihna a ni, tihian han sawi z...
Post a Comment
Jehova - Jire »

Nun Hausa

"Ngai teh u, vawiinah hian in hmaah malsawmna leh ânchhia ka dah a; LALPA in Pathian thupêkte tuna ka pêk che u hi in zawm chuan, malsawmna."( Deuteronomy 11:26-27 )  Mi tamtak chuan, malsawmna chanchintha (prosperity gospel) hi a awm lo ang hial leh kalsualte thu lak dan maiah an ring thin. Mahse, kan Pathian thu kan bible ah hian, a malsawmna kan dawn theih dan tur tam tak a inziak a ni. Chutih rual chiah chuan, Pathian tum ber erawh kan khawvel nun nawmsakna leh hausakna lam a ni loa, kan thlarau chhandama a awma, vanah ro kan khawl zawk chu a ni. Kan hriselna, kan thilneih, kan chhungte zawng zawng pawh hi kan thlarau chhandama a awm theihna turin, kan Pathian hian min laksak tha a ti a nih chuan, min laksak hreh lo ang. Chutiang khawp chuan kan thlarau chhandamna hi kan Pathian hian a ngai pawimawha, chutih rual chuan kan tisa lam pawh hi min thlahthlam chuang lo a ni. Kan bible chang tarlan Deuteronomy 11:26-27 ah hian chiang em em in a inziaka, "Pathi...
Post a Comment
Jehova - Jire »