THIL DIK TIH BANSAN SUH

"Tichuan, thil țha tih i ning suh ang u; kan inthlahdah loh zawngin a hun takah chuan kan seng dawn si a_ ." (Galatia 6: 9)

I nuna i beisei thilte chu a thleng nghal lo fo va, i duh hunah a thleng lem lo bawk, chuvang chuan i tlawmsan tur tihna erawh a ni lo. Taima taka i awm a, chhel taka i nghah a ngai a ni. 

Bible chuan hetiang hian a sawi, " Tichuan, thil țha tih i ning suh ang u; kan inthlahdah loh zawngin a hun takah chuan kan seng dawn si a_ ." (Galatia 6:9)

I nunah eng emaw tawpsan mai duh i nei em? I nupui/pasal țhen mai chu duh chang i nei thei. In nupa nun chu kháwk riau leh beidawnthlak tak a ni thei. I eizawnna zawk pawh a ni thei. Vawi tam tak i beiin siamțhat i tum chiam tawh pawh a ni thei a, i la hlawhchham a ni thei. I thil beisei leh duhzawng tak te chu kalsan i duh a ni thei a- dam thlakhlelhna nei lo hialin i awm thei. 

Hengte hi thil pawimawh i hriat tur țhenkhatte chu an ni. I pian hma kum sang tam tak tawhah khan Pathian chuan he thuziak hi i la chhiar dawn a ni tih a hre lawk a,  Pathian chuan keimah angin țhian țha thurawn a pe thei che: Beidawng suh tiin. 

I kawng zawh chu a thim viau a ni thei e tunah tak chuan, mahse chu kawng tawpah chuan éng a awm. Pathianin a hria che, Pathianin a hmangaih che - Pathian chuan mak danglam takin a siam che a, chu a thil ruahman hlen chhuak tur chuan a beisei che. 

I thiltih ve chu pawimawh lo angah ngai suh. Thil țha tih chu bansan suh. I tel lovin mite chu hlim zawk tura ngaihna nei suh. Chung thu chu Setana ka ațang ngeia chhuak an ni. Pathianin a sawi dan che chu ngaihven leh rawh. Malsawm che a duh tih hre nawn ang che.

Beidawng suh. Pathian beisei rawh. Thlarauva i zawm tur chhungkua zawng la - chu mite chuan hun harsaah an țanpui  ang che. Pathian thu chu ngun taka ngaihtuahin infuihna atan hmang rawh. 

A pawimawh berah chuan Pathianah beidawng suh.  Amah pawh a beidawng  ngai lo.

Ngaihtuah zui atan. 

Vawiin atan eng nge kalsan i duh? Builung tawk tih awmzia chu nangmahah engtin nge a thawh?

Engtin nge thlarau chhungkua, entirnan pawl tê zawk chuan hun thim paltlang turin a thuam che? 

I thil țha tih mekah chhunzawm theih mumal loh i nei em? Eng angin nge Pathian chuan hmalam pan zel tur chuan a duh che? 

Ka blog min lo subscribe in min lo share sak ve dawnnia, enjoy.