PIANTHARNA

Piangtharlote’n piantharna kan lo chan theih nan Pa pakhat damlo chanchin atangin piantharna awmzia i zir ang u aw….

Pa pakhat hi natna khumah damlohna avangin kum tam tak a mu tawh a, thisen a tlakchham avanga serious taka awmin, biak pawh theih lovin engmah pawh a ti thei lo va, a chauh em avangin a muhil reng mai a ni(Bawhchhiatna avanga Piangtharlote nun a ni e).

Chutia thih hun chauh nghaka a awm lai chuan a nupuiin tlangvalte hnenah khawngaih taka an thisen pe turin a ngen a, tlangvalte chuan thisen chu an pe ta a, thisen an pek zawh chuan damlo chu a lo harh a, natna khuma rei tak hun a lo hman tawh avang leh a lo chauh em avangin amahin a tho thei mai lo va, an kaitho a, damlo chuan thisen petute hnenah chuan lawmthu a sawi ta a.

Bawhchhiatna avanga thi, damlo thisen mamawh ngawih ngawih, engmah hre lo leh engmah ti thei lo kan ni a, Pathianin Kros-ah Isua thisen min pe a ni. Kros chanchin kan ngaihtuah a piangin kan damna tur a Pathianin Isua min pekna a ni tih kan hre thin a, damlopa in tlangvalte hnenah thisen an pek hnuah chuah lawmthu a sawi thei angin, keini pawh Pathianin Isua thisen Kros-ah min pek hnuah chauh A hnenah lawmthu kan sawi thei a ni. Chhandamna chu thiltih vang a ni lo tih a va chiang tak em!(Ephesi 2:8) Min chhandam phawt a(Thisen min pe phawt a), Pathian hnenah lawmthu kan sawi thei chauh a lo ni.(Keimah lam ka inen chuan engmah hmuh tur a awm si lo, Krista lam ka en chuan min chhandam si, tih hla Sanglianthanga pawn a phuah kha)

Damlopa amahin a tho thei nghal mai lo angin, keini pawhin a tirin inkhawm a ringtu nun kawng zawh kan harsat thin, mahse damlopa an kaitho angin ringtu dangten inkhawm tur te in min sawm thin a, rawngbawlna a inhmang ve turin min sawm thin. Heng zawng zawng hi Pathian hnathawh, min kaihthawhna a ni e. 

👉Lalpa’n malsawm rawh se.

Ka blog min lo subscribe in min lo share sak ve dawnnia, enjoy.