KAN INNGHAHNA CHU PATHIAN A NI

"Pathian chuan Krista Isua a ropuinaa a hausakzia ang zelin in mamawh apiangte chu a pe zel ang che u" (Philippi 4:19, ESV)

I nunkawng engkimah, sum leh pai chena Pathian malsawmna dawn i duh chuan mawlsawmtlaka i nun a ngai a ni. Pathianin hnenah mal a sawm hun chein a ken tel mawhphurhna i hlen dawn a ni tih hriattir la. Kan hma ni eng emaw berah sum enkawl dan chungchanga Pathian ruahman i hriatthiam theih nana thil pawimawh 7 kan la zir ang. 

A hmasa bera i hriat tur chu i hna thawhna chu khawi hmun pawh nise i mamawh pe thintu che chu Pathian a ni tih hi. I mamawh tinreng petu che chu amah hi a ni a, a ruaitu che kaltlangin a pe che a ni thei. Pathian ni lovin  thil dang emaw midang emaw hnen ata i dawn ni a i ngaih tlat chuan i hlauthawng reng ang, a chhan chu i hna emaw, i sum emaw, i thil neihte emaw kha engtik hunah pawh i hloh reng thei tlat a ni. 

Amaherawhchu Pathian nen chuan i mamawhte kha i nei thei lo palh ang tih hlauhthawnna tur reng reng a awm lo. Engkim mai hi a ta a ni hrim hrim a! Rom 11:36-ah chuan heti hian kan hmu, "Engkim mai hi Pathian hnen atang veka chhuak a ni a. Engkim mai hi chakna hmanga nung an ni a, engkim mai hi a ropui nan a ni" (TLB).

Tui herh hawna dawt pakhat hi khar ni ta sela Pathian chuan awlsam tein a dawt dang a hawng leh mai thei a ni. Hna pakhat chan ta la awlsam tein hna dang a pe leh mai thei che. Pathianin kawngka pakhat a khar pawhin kawngka dang a hawng leh mai thei a ni. Kawngka zawng zawng pawh inkhar mahsela tukverh a hawng leh thei mai a ni. 

Chu chu i hriatthiama Pathiana innghah mai i thlan chuan sum leh pai leh midang chunga rinna nghah i bansan tihna a ni. 

Philippi 4:19 ah chuan heti hian kan hmu, "Pathian chuan Krista Isua a ropuinaa a hausakzia ang zelin in mamawh apiangte chu a pe zel ang che u" (ESV). Pathianin i mamawhte a pe vek dawn che anih chu! Tin i mamawh hre bertu leh i neih theih dan tur hretu ber a ni.

Sum enkawl chungchanga zawhna awm chu: tu chungah nge emaw engah nge i rinna i nghah tih hi a ni. 

Pathiana rinna i ngah chuan zing i thawh hlimah heti hian Pathian i be thin ang, "Lalpa, engkim hi i ta a ni a. I hnen atanga chhuak vek a ni e. Ka mamawh min petu i ni, midang tumah an awm lo. Chuvangin ka mamawhte ka hmuh theih nan ka ring tlat ang che." 

Pathiana i innghahna khan i manganna leh rilru hahna te a chhawk zangkhaisak ringawt lo che anga, a hnen atanga malsawmna i dawn theih dan tur kawng a kawhhmuh bawk ang che.

Han ngaihtuah chhunzawm teh le.

Kan sum chungah mawh ka phur tih hi engvangin nge Pathian hian min hmuhtir kher a duh ang?

I sum enkawl dan chungchangah Pathiana rinna i nghah tlat khan engtinnge Pathianin i tan kawngka a hawng ni a i hriat?

Engtinnge i mamawh i phuhrukna kawnga Pathiana rinna nghat i ni tih a lan theih nan a takin sum i enkawl ang?

Ka blog min lo subscribe in min lo share sak ve dawnnia, enjoy.