Skip to main content

Thiltha Ti Tlaltute Chu, A Hun Takah Lalpan Rah Tha A Pe Thin

"Thil tha tih i ning suh ang u; kan inthlahdah loh zawngin a hun takah chuan kan seng dawn si a."(Galatia 6:9)

Rawngbawltu thawhhlawk leh khawvel deng chhuak hial khawp a rawngbawltu hriat hlawhte leh, rawngbawltu midangte Pathian hnena hruai theitute hi, miin an hmu emaw hmu lo emaw, "thil tha" ti tlat thinte an ni.

Billy Graham chanchin ka chhiar pakhatah chuan, tawngtai a duh thawh lutuk hi, a chhungte mitmei a veng hial a ni. Ti hian a sawi a, "Chhungkua'in holiday kan hmanga, ka chhungte hriat lohin fianrial ka zawnga, ka tawngtai a," tiin a tawngtai nun a sawi a.

Mi hmuhah emaw, mi hmuh lohah emaw pawh thil tha tih an ban ngai loh avangin a hun takah, rahtha chu an hmu thin a ni.

Chutiang ang tho chuan, khawvel mi hlawhtlingte hlawhtlin chhan bulpui ber pawh, "thil tha" tih an bang duh loh vang hi a ni.

Khawvel motivational speaker te lal, tih theih hial tur Les Brown pawh hi, a hnathawhna hmunah thahnem a ngai lutuk chu, a riak thak thak thin a ni.

Billy Graham te, Les Brown te hi, ngah nge an hlawhtlin loh ang, bible'in bang hauh loa thil tha tih chu, a hun taka rah tha sengna a ni alo ti tlat sia. Chu thu chu, an zawm miau a, hlawhtling lo chi an ni lo a ni.

Nang leh kei pawh hi, Pathian hnena midang hruaitu leh mi hlawhtling lo thei lo, kan nih ve na tur chu "bang hauh loa thil tha tih tlat hi a ni."

Comments

Post a Comment

Popular posts from this blog

KAN PATHIAN RINAWM HIAN, A TAWP THLENGIN MIN HRUAI DAWN

"A kotu che u chu a rinawm a, tih pawh a ti bawk ang."( 1 Thessalonians 5:24) Tisual pheng phungin kan tihsual man kan seng nawk nawk chang a awm a, thlemna leh sual do zawh loh chang a awm fo, kan tihtur kan tih loh avanga buaina tawh chang lah a tam, kan tihtur kan tih pawha chapona suala tluk changte nen mahse "min kotu zawk hi a rinawm em avang hian kan tluk hlen hi a phal ngai lo a ni." Philippians 1:6 Nangmahnia thil tha ti tantu khan Isua Krista ni thlengin a tifamkim zel dawn, chu ngei chu ka ring tlat si a. Bul min tansaktu, he khawvel eng hmu tura kan nu leh pate, kan pi leh pute, kan pi te pi leh kan pute pu intawntirtu Pathian hian kawng laklawhah min kalsan mai dawn lo a ni. Min hruai zel dawn a ni. "I khawngaih Kross kawng zawhin, i rawngbawl lamtluang ka chhui,  Kawng nuam leh hahdam changte pawh thin;  Kawng hahthlak leh raltia min hruai niah pawh hianin,  I rinawm zia min hmuhtir leh thin."
Post a Comment
Jehova - Jire »

Lalpa Neitu Ni La, Lalpa Neitu Zawng Rawh

"Chaw dangral mai umin phe phe suh u, chatuana nun thlenga awm reng tur chaw, Mihring Fapain a pek tur che u chu, umin phe zawk rawh u; Pa Pathian chuan ani chu a chhinchhiah tawh si a,” a ti a, a chhang a."(Johana 6:27) Mi thenkhat hi tinge kawppui an thlan fuh loh thin le? Tiin i in zawt ve thin em? He zawhna hi chhang dawn ta ila, chhandan tur tamtak a awm ang. Thenkhat chuan tihian an chhan a rinawm: 1) A nu leh pa thu a awi loa, 2) Hmel a en lutuk a, 3) Sum a en lutuk a, 4) A in dah hniam lutuk a, 5) A hmanhmawh lutuk a. etc, an tih a rinawm a. Hengte hi miin kawppui a thlansualna chhanah chuan, dik pawh a dik viau ang.  Kawppui emaw, nun kawng emaw kan thlan sual chhan ber chu, "rei lote, chhung choa hlimna kan thlakhlel lutuk vang" a ni ti ila kan sawi sual lo ang. Kan Pathian thu chuan tihian alo sawi a,"Chaw dangral mai umin phe phe suh u" a ti. Hei hi a awmzia tak chu, ei ral theih thil mai mai um suh u a tihna a ni, tihian han sawi z...
Post a Comment
Jehova - Jire »

Nun Hausa

"Ngai teh u, vawiinah hian in hmaah malsawmna leh ânchhia ka dah a; LALPA in Pathian thupêkte tuna ka pêk che u hi in zawm chuan, malsawmna."( Deuteronomy 11:26-27 )  Mi tamtak chuan, malsawmna chanchintha (prosperity gospel) hi a awm lo ang hial leh kalsualte thu lak dan maiah an ring thin. Mahse, kan Pathian thu kan bible ah hian, a malsawmna kan dawn theih dan tur tam tak a inziak a ni. Chutih rual chiah chuan, Pathian tum ber erawh kan khawvel nun nawmsakna leh hausakna lam a ni loa, kan thlarau chhandama a awma, vanah ro kan khawl zawk chu a ni. Kan hriselna, kan thilneih, kan chhungte zawng zawng pawh hi kan thlarau chhandama a awm theihna turin, kan Pathian hian min laksak tha a ti a nih chuan, min laksak hreh lo ang. Chutiang khawp chuan kan thlarau chhandamna hi kan Pathian hian a ngai pawimawha, chutih rual chuan kan tisa lam pawh hi min thlahthlam chuang lo a ni. Kan bible chang tarlan Deuteronomy 11:26-27 ah hian chiang em em in a inziaka, "Pathi...
Post a Comment
Jehova - Jire »