Skip to main content

A RAM LEH A FELNA

"Tin, in ei tur te, in in tur te zawng suh u; tuilairap angin awm pawh awm suh u. Khawvela hnam tinin chung thil zawng zawng chu an zawng thin a ni; chung chu in mamawh tih in Pain a hre reng si a. Ama ram(Aram leh a Felna) zawng zawk rawh u, tichuan chung thil pawh chu a pek belhchhah dawn che u nia." (Luka 12:29-31).

Pathian ram leh a felna chu thildang zawng aiin zawng hmasa turin min phut a. Chu chu a duhber a ni bawk a. 

Hmanni khan PATHIAN DUHBER (1tim.2:4) hmangin kan lo sawi tawh a. Aduhber chu mi zawng zawng chhandama awmah leh thutak hriaah a duh a ni, tih kan sawi tawh kha. Kan Bible hi a tir ata a tawpthleng hian a entir duh chu Krista zel hi a ni a, ran thisen te, Sabbath te, thlai thar hmasaber te, chhangte, meia halral thilhlanna an lo neih thinte engkim mai hian Krista chauh hi a entir vek mai a ni. A chhan chu Krista chauh atang hian Pathian ram kan hmu theiin a felzia kan hre theih vang a ni.

Ahmasain Pathian felzia chu engtin nge kan hriat theih ang? Rom.3:25-26 ah chuan ''Pathian dawhtheihnaa hman lai sualte haiderin a awm avang khan, Pathianin Ama FELZIA entir nan Krista Isua chu, a thisena, rinna avanga, sual thuphachawinaah a ruat a; tun laia a FELZIA entir nan a ni, Amah ngei chu MI FEL a nih theihna tur leh, Isua ring apiang thiam chantirtu a nih theihna turin'' a ti a ni. Kan Bible tarlan atang hian Pathian felzia alanna chu kan hrethiam maiin ka ring. 

Nang leh kei chhandama kan awmna tura Krista rin avanga a thlawna thiamchantira kan awm theihna hi a ni. Pathian anga ti ve thei hi hring fate zingah tunge awm ni le??

Chutichuan a felzia chu hretawhin, a ram chu engtin nge kan hmuh theih ang le? Pathianin a felzia alantirna hi kan hriatfiah chuan aram chu kan hmu nghal a ni. A fapa Krista rin avanga thiamchantira kan awm tawh avangin chu mi ringtute chu Pathianin sualna leh bawhchhiatna neiah a ruat lo va (Rom.4:7-8),mi thianghlimte angin a hmu ta zawk a ni. Chu chu a fapa Krista rin avanga kan chanvo chu a ni. Chumi chanvo Krista rin avanga neitute tan chuan vanram chu an ta a ni nghal si a.

Engtin nge Krista rin avanga Ama ram chu kan chanvo a lo nihtak le? Israelte ran thisen inthawina khan ngaihdamna a lo siam thin a, an zain ran pakhat thisen an ring avangin ngaihdam an ni. Thisen an rin khan Pathian hnen ata ngaihdamna a siam a ni. Chutiang bawkin Krista thisen hlanna chuan kan bawhchhiatnate Pathian lak ata ngaihdamin min awmtir a ni.

THISENIN HNA A THAWH DAN:: Ran thisen hlandan chi hrang2 a awma,Tawite in sawi ila. Israelte chu Israelte chu Pathian nen inrema an awm theih nan ran thisen an hlan thin a,chu ran thisen avang chuan Pa nen inremin an lo awm a ni(Lev.17:11). An mahni tih that vang nilovin inremna atana an hlan halral thilhlan vang kha a ni. Tin, Israelten Pathian hmaah an Rimtui theih nan ran hmangin halral thilhlan an lo hlan thin bawk a (Lev.1:10-13) chu thilhlan avang chuan Pathianin rimtuiah a pawm a ni. Keini pawh pangchhiaa khat uih vut2 kan ni a(Isa.1:5-6),mahse Krista inhlanna chuan Pathian hmaah rimtuiin min lo siam ta a ni. Ava ropui em ve!

Ran thisen hlanna khan Israelte chungah Pathian ngaihdamna a siama, Pathian nen inremna a siam bawk a, Pathian hmaah rimtui nihna a pe bawk a ni. Rimtui awmzia chu thianghlim lohna nei lovah ruat tihna a ni, 

Pathian an chungah a lungawi a ni tih entirna a ni. Chung zawng zawng chu ran thisen hmanga anchanvo chu a ni.

Chutiang bawkin Krista thisen chuan nang leh kei Hi Pathian thinurna lak ata ngaihdamna min siama,inremna te, Pathian ngaiha rimtui nihna te min pe a ni. Rimtui awmzia chu khawlohna neilo, thianghlim tihna a ni. 

Pathian ngaiha rimtuia pawm kan nih na hi kan rimtui em vang leh kan Perfume hman vang a ni lo tih hria ila. 

Krista thisen vang zawkin a ni tih hi hre thar ang u. Chuti chuan Krista zarah Ama ram chu a thlawnin kan changa, a felzia chu kan lo hria in kan fakthei ta a ni.

Heng aram leh a felna te hi a nia zawng hmasa tura min duh ni. Keini chuan hengte hi nilo emaw tiin, nun kawng zawh thatna ngawt kan bei thin, chungte chu a tha hle a,mahse chungah chuan Pathian ram leh a felna a awm lo a ni. He chanchin tha a ram leh a felna hrefiah tawhte pawhin he thu hi thehdarh zel tur kan ni.

Chuti chuan kan in turte, ei turte, sin leh fen turte etc te chu kan mamawh tih hretu chuan min pe ngei ngei dawn a ni. Engkim mai hi neitu kan ni tihna a ni ber. A chhan chu kan Bible in ' Leilung leh a chhunga thil awm zawng zawng hi LALPA ta a ni a; Khawvel leh a chhunga chengte nen hian(Sam.24:1)' a ti a ni. Aram neitu chuan heng zawng zawng hi a nei vek tihna a ni. 

Lungkham tur hi a awm reng reng lo. Kan neih hi chatuan daih a ni si a.

Mi mai mai kan ni tawh lo, KRISTA THISEN ZARAH PATHIAN RAM ZAWNG HMUTU KAN NI A, ENGKIM MAI HI KAN TA ALO NI VEK MAI A NI. Heng zawng zawng neitu nih iduh ve chuan Aram leh a Felna chu zawng hmasa rawh le! Lalpa ropui ber rawh se! Amen.

Comments

Post a Comment

Popular posts from this blog

KAN PATHIAN RINAWM HIAN, A TAWP THLENGIN MIN HRUAI DAWN

"A kotu che u chu a rinawm a, tih pawh a ti bawk ang."( 1 Thessalonians 5:24) Tisual pheng phungin kan tihsual man kan seng nawk nawk chang a awm a, thlemna leh sual do zawh loh chang a awm fo, kan tihtur kan tih loh avanga buaina tawh chang lah a tam, kan tihtur kan tih pawha chapona suala tluk changte nen mahse "min kotu zawk hi a rinawm em avang hian kan tluk hlen hi a phal ngai lo a ni." Philippians 1:6 Nangmahnia thil tha ti tantu khan Isua Krista ni thlengin a tifamkim zel dawn, chu ngei chu ka ring tlat si a. Bul min tansaktu, he khawvel eng hmu tura kan nu leh pate, kan pi leh pute, kan pi te pi leh kan pute pu intawntirtu Pathian hian kawng laklawhah min kalsan mai dawn lo a ni. Min hruai zel dawn a ni. "I khawngaih Kross kawng zawhin, i rawngbawl lamtluang ka chhui,  Kawng nuam leh hahdam changte pawh thin;  Kawng hahthlak leh raltia min hruai niah pawh hianin,  I rinawm zia min hmuhtir leh thin."
Post a Comment
Jehova - Jire »

Lalpa Neitu Ni La, Lalpa Neitu Zawng Rawh

"Chaw dangral mai umin phe phe suh u, chatuana nun thlenga awm reng tur chaw, Mihring Fapain a pek tur che u chu, umin phe zawk rawh u; Pa Pathian chuan ani chu a chhinchhiah tawh si a,” a ti a, a chhang a."(Johana 6:27) Mi thenkhat hi tinge kawppui an thlan fuh loh thin le? Tiin i in zawt ve thin em? He zawhna hi chhang dawn ta ila, chhandan tur tamtak a awm ang. Thenkhat chuan tihian an chhan a rinawm: 1) A nu leh pa thu a awi loa, 2) Hmel a en lutuk a, 3) Sum a en lutuk a, 4) A in dah hniam lutuk a, 5) A hmanhmawh lutuk a. etc, an tih a rinawm a. Hengte hi miin kawppui a thlansualna chhanah chuan, dik pawh a dik viau ang.  Kawppui emaw, nun kawng emaw kan thlan sual chhan ber chu, "rei lote, chhung choa hlimna kan thlakhlel lutuk vang" a ni ti ila kan sawi sual lo ang. Kan Pathian thu chuan tihian alo sawi a,"Chaw dangral mai umin phe phe suh u" a ti. Hei hi a awmzia tak chu, ei ral theih thil mai mai um suh u a tihna a ni, tihian han sawi z...
Post a Comment
Jehova - Jire »

Nun Hausa

"Ngai teh u, vawiinah hian in hmaah malsawmna leh ânchhia ka dah a; LALPA in Pathian thupêkte tuna ka pêk che u hi in zawm chuan, malsawmna."( Deuteronomy 11:26-27 )  Mi tamtak chuan, malsawmna chanchintha (prosperity gospel) hi a awm lo ang hial leh kalsualte thu lak dan maiah an ring thin. Mahse, kan Pathian thu kan bible ah hian, a malsawmna kan dawn theih dan tur tam tak a inziak a ni. Chutih rual chiah chuan, Pathian tum ber erawh kan khawvel nun nawmsakna leh hausakna lam a ni loa, kan thlarau chhandama a awma, vanah ro kan khawl zawk chu a ni. Kan hriselna, kan thilneih, kan chhungte zawng zawng pawh hi kan thlarau chhandama a awm theihna turin, kan Pathian hian min laksak tha a ti a nih chuan, min laksak hreh lo ang. Chutiang khawp chuan kan thlarau chhandamna hi kan Pathian hian a ngai pawimawha, chutih rual chuan kan tisa lam pawh hi min thlahthlam chuang lo a ni. Kan bible chang tarlan Deuteronomy 11:26-27 ah hian chiang em em in a inziaka, "Pathi...
Post a Comment
Jehova - Jire »