Bible in a tarlan, khawvel leh mihringte Pathianin a siam a\anga hun in chher chhuan dan chi hrang hrang te awmze neia then hranna hi DISPENSATION an ti a. Chu Dispensation kalphung chu kan tarlan tura hi a ni, he hun then hrang hrang ah hian hemi khawvela piang tawh i nih ve avangin i la hmachhawn ve dawn a, i hmachhawn mek bawka, i tan pumpelhna kawng a awm silova chuvang chuan i hma a hun lo thleng tur tlanbo san tum ai chuan chu hun lo thleng ngei ngei tur atana inbuatsaih mai hi i tan leh ka tana kawng awm chhun chu a ni e.
1) KHAWVELIN A TAWN MEK ‘TUNLAI HUN’ LEH THIL AWMZIA CHU :
a) Tuna kan hun hman mek hi ‘Khawngaihna Hun’ a ni, mi zawng zawngin Lal Isua Krista chhandamna kan chan theih nana Thlarau Thianghlimin mimal tinte min tanpuina leh sawmna hun a ni.
Mahse, he ‘Khawngaihna Hun’ hi a tawp hnai tawh hle a chuvangin chhandamna i chan theihna tur atan chuan ‘Tun Hun’ hi i tana hun pawimawh ber a ni a (2 Kor 6:1-2)
b) Tin, tuna khawvelin a hun tawn mek hi Lal Isua’n a Mithianghlimte a rawn lawr hun (Rukru anga a lokal lehna) tuman an hriatloh lo thlen hma hun tlemte kan hmang mek a ni (Mat 24:30) Mahse, tuman kan hriatloh anih rualin a lo hnai tawh a ni tih kan hriat theih nan Lal Isua’n chhinchhiahna a sawi a, chungte chu, Indona, Lirnghing, |am tla te, Hrileng te a ni a (Luka 21:10-11). Tin, Lal Isua sawi nilo Tirhkoh Paula’n a tarlan sualna chi hrang hrang 18 te (2 Tim 3:1-5) Tluksanna lo thleng turte (2 Thess 2:3) Lal Isua ngeiin min hrilh Sual la pung tur leh chumi avanga Hmangaihna la dai tur (Mat 24:
12) te leh thil dang tam tak chu khawvelah hian a thleng mek a ni si a, hengte hian , ‘Hun Hnuhnung’ anih tawh zia a tilang chiang hle a ni.
2) MITHIANGHLIM LAWR / KHAWNGAIHNA HUN TAWPNA TUR CHU :
a) Lal Isua’n a sawi ‘Rukru anga a lokalna’ hun, Mithianghlim Lawr chu a thleng tep tawha (Mat 24 : 42-44) hemi hun lo thleng turah hian tunhma a Krista a muhil (Piangthar thi tawhte) chu an rawn tho leh anga, chumi hnu chuan Mihthianghlim Lawr thleng nungdama la awmte pawh tihdanglamin kan awm anga, Vanah kumkhuaa Lal Isua hnena cheng ve tawh turin chhum zingah hruaichhohvin kan awm tawh ang (1 Thes 4:13-18) chumi hun kan thlen hunah chuan thi thei hian thihtheihlohna, tawih thei hian \awihtheihlohna sinin tihdanglamin kan awm dawn a ni (1 Kor 15:50-54) A lawrkhawm zingah i telve dawn em?
b) He hun, ‘Mithianghlim Lawr’ lo thlen zawh hian khawvelah harsatna, manganna chi tinreng chu a lo thleng dawn ( Nimahsela, he hun rapthlak tak a lo thlen hma hian Ringtute chu Lal Isua’n a vantirhkoh te hmangin a rawn lawrkhawm dawn a ni Mat 24:
31) Hnutchhiah nih nge i duh Lawr ?
3) KHAWVELAH SAKAWLH A LO LANG / DANIELA HAPTA 70 NA HUN CHU :
a) Sakawlh kan tih hi Bible chuan chi hrang hrangin a sawia, Dan Bawhchhepa, Ti\iautu Tenawm, Krista Dodaltu ti te in a sawia. Heng hming chi hrang hrangte hian a sawi tum ber chu ‘SAKAWLH’ a ni.
Tin, Sakawlh hi khawvela lo lang tur a ni ngeia, mahse tunah hian engvangin nge a rawn lan loh? A chhan chu, khaptu leh dodaltu Thlarau Thianghlim avang a ni. Thlarau Thianghlim chu a channa (Piangtharte) nen Lal Isua a lokal hunah van lamah lak chhoh a ni anga, tichuan, Sakawlh (Dan Bawhchhepa) chu a lo lang ve nghal ang. (2 Thes 2:8)
Sakawlh rorelna hnuaia awm chu i ngam chiah ang em ?
b) Sakawlh hian number a neia, chu chu 666 a ni (Thup 13:18) chu Sakawlh chu tunah hian a lo la lang rih lova mahsela, ‘Dan Bawhchhiatna Thuruk’ chuan tunah hian a thawk mek a, a number 666 hian khawvel a fan chhuak mek a. Khawvelin inbiak pawhna a hman zinga pawimawh ber Internet/ Computer hmang thin i nih chuan i hria ang.
Code pawimawh ber ‘WWW’ (World Wide Web) hi Hebrai hawrawpa kan dah chuan ‘W’hian ‘6’ a tluk ve chiaha tichuan, ‘WWW’ chu ‘666’ a lo ni reng tihna anih chu. Tin, tuna kan thil lei leh hralhah (thingpuife, chi, toothpaste, sahbawn etc kawm en la i hmu ang ) hian ‘Bar Code’ (Inrin thla) a awm vek tawh a, he thil inrin thla hi ngun taka i en chuan a sir dinglam leh vei lama inrin thla hi a sei bik ve ve a, tin, a laia mi hi a sei bik bawka.
Heng line inrin sei bikte hian a tlukpui chu (ama Bar Code tawngah chuan) 666 tho hi a ni. Mahsela hei erawh kan hriat a tha number 666 anih avangin buailoh tur a ni a, tunah chuan heng thilte hi Pathian rawngbawlna kawngah leh thil danga pawimawh tak takah kan la hmanga, kan la hmangsual lo.
Mahse, Mithianghlim Lawr a lo thlen veleha Sakawlh lo lang chuan a la rawn hmang ve ngei dawn a ni.
Setana hian Pathian hmanrua bak hi ama thu in hman leh tih theih a nei silova.
c) Daniela Hapta chungchang hi Daniela 9: 24-26 ah kan hmu a, heta ziak kan hmuh ang hian Daniela Hapta hi, Pathianin, a Mite (Juda te) leh Khawpui Thianghlim (Jerusalem) tan bika a ruat anih avangin Kohhran leh Jentailte (Juda mi nilo zawng zawng) min huap velo a ni tih hre hmasa ila. Mahsela, nang leh kei hian kan hriat chian a tul si a. He Hapta 70 hi hetiang hian then a ni a Hapta 7, Hapta 62, Hapta 1; a vaiin Hapta 70 a ni a, hapta chhiar dan turah chuan Jerusalem kulh siam\ha tura Lal Artezerzia’n Nehemia hnena phalna a pek hun B.C. 445 / March 14 (Nehemia 2:1-8) a\ang khan Hriakthih a Lal (Isua sawina a ni) a lo lan thlengin hapta 62 a ni a, tin, chu hun atanga Hriakthih Lal Isua Jerusalem a lal anihna anga ropui taka a luh ni A.D. 30 / April 2 thleng khan hapta 7 a lo ni renga. Tichuan, a vaiin hapta 69 a ni tihna a lo ni a, mahse Daniela Hapta 70 chu a la kimlova, Hapta khat (1) hman tur a la awm tihna a ni.
d) Hapta 69 leh Hapta 70 inkarah hian ‘hun tlazep’ a awm tihna a ni. Chu hun chu tuna kan hman mek khawngaihna hun hi a ni. He khawngaihna hun hi, Thlarau Thianghlim Hun, Kohhran Hun tihte leh Jentailte Ni ti a sawi a ni.Tichuan he khawngaihna hun hi a la tawp dawna, Lal Isua’n a mi thianghlimte a rawn lawr zawhah he khawvelah hian Sakawlh rorelna hnuaiah Daniela Hapta 70-na chu a lo thleng tawh ang. He hun hian hapta khat (Kum
7) a awh dawn a ni.
[ Heng Daniela Hapta kan rawn tarlan te hi Pathianthu zir mite’n an chhutchhuah na atanga lakchhawn a ni a kimchang tur chuan hmunin min daihlo a ni e.]
4) LAWMMAN SEMNA LEH BERAMNO NUPUI NEIHNA RUAI ROPUI CHU:
a) Khawvela Sakawlh rorelna hnuaia mihringte (Piangtharlo, Mithianghlim Lawr-a telve lo) chunga harsatna a thlen mek lai hian Van lamah chuan Piangthar te, khawvela an dam laia Lal Isua tana an thawhrimna lawmman semna leh Beram No (Lal Isua) chuan a nupui (Amah ringtute) lawmna ruai buatsaihin kum 7 chhung tho hun hman a ni dawn a ni. Lawmman Semna (1 Kor 3:11-15) Beram No nupui neihna ruai (Thup 19: 6-10) chu a awm dawn a ni. He rorelna hunah hian misualte (Lal Isua ringlo tu te) chu an telve thei dawnlo a ni. (Sam 1: 5) Ringtute tan chuan a va nuam dawn em !
b) Tin, he hun, Lal Isua Krista Lalthutphah hma a Lawmman Semna hunah hian Ringtute chuan mahni chan tawkah fak kan hlawh theuh dawn a ni ( 1 Kor 4:5) Nimahsela, kan lawmman erawh a inang vek dawn lova, ‘Mitin an thiltih ang zela pek turin ka lawmman ka hnenah a awm a’ ti a Lal Isua’n a sawi ang khan (Thup 21:12) he Lal Isua Krista Rorelna Lalthutphah hi ‘BEMA’ an tih chu a ni.
5) LAL ISUA LOKAL LEHNA CHU : Lal Isua hian a lokal leh dan tur hi chi hnih
(2) a sawi a, a lokal leh na pakhat chu kan sawi tawh ang khan ‘Rukru angin’ a ni a, tuna kan sawi erawh hi chu Ama’n a sawi ang ngeiin ropui takin a lokal dawn a ni (Mat 24:31) Tin, hemi hunah hian Van-a a chhohva zirtir te’n mit ngeia an hmuh ang khan hmuh theihin a lokal leh dawn a ni. (Tirh 1: 11) Tin, a ke in Lei a rawn rap dawna (Zakaria 14 :
4) amah chhuntu te ngei pawhin Lal Isua chu an hmu ang a. ( Thup 1: 7) He khawvelah hian Beram / Kel a thliar dawn a ni (Mat 25: 33-34).
6) KUM SANG (1000) ROREL HUN TUR CHU :
a) He hun (Kum 1000 Rorel) thlen dawn hian Pathianin Setana chu phuarin Leilawt-ah a paih dawn a (Thup 20 :
3) tichuan, Lal Isua ringtute (Piangthar te leh Sakawlh Lim chibai buk duhlo tu te) Isua hriattirna thu avanga lu tan te’n he kum 1000 Rorel hi Lal Isua hovin an hmang dawn a ni.(Thup 20 : 4-6)
b) Tin, he Kum 1000 Rorel hun tawp lamah hian Setana chu reilote atana chhuah a ni leh anga, Setana chuan Lal Isua hova kum 1000 rorelna hmun chu mi chi hrang hrang (Goga & Magoga) tuifinriat a tiauvut anga tam te nen a do anga.
Nimahsela, Van atanga Pathian Mei lo tla chuan a kangral ang.Tin, Diabola / Setana chu Sakawlh leh Zawlneiderte awmna Mei leh Kata kang Dil ah chuan paih a ni tawh ang (Thup 20 : 7-10) Kum 1000 Rorel-ah hian i telve ang em? Thlang rawh le....
7) LAL|HUTTHLENG VAR ROPUI LEH NUNNA LEHKHABU CHU :
a) Mitam takin ‘Khawvel a tawp tep tawh’ an ti fova amarawhchu, Bible kan en in Lalthutthleng Var a lo lan hunah chuan Lei leh Van a tlanbo ang tih kan hmu a (Thup 20 : 11, 21: 1) Hei hi khawvel tawp hun tur chu a ni. He Lalthutthleng Var ropui hma ah hian Rorelna Hnuhnung ber chu a lo thleng tawh ang.
b) Lalthutthleng a lo lan hunah hian Vanram kal turte hming ziahna ‘Beram No Nunna Lehkhabu’ chu an keu ang a, tu hming pawh ni se an hming ziah veloh te chu Pathianin chatuana boralna hmun ah paih turin ro a la relsak dawn a ni. Nunna Bu-ah i hming a chuang tawh em ?
8) CHATUAN VANRAM / CHATUAN HREMHMUN CHU :
Hei hi hria ila, Pathianin nunna min pek hi kan taksa a tawihral vek hnu pawha thi ve thei tawhlo tur thlarau a ni a chu kan thlarau chu Pathianin ro a la relsak dawn a, chu hun chu pumpelh theih a ni lo.
a) Mihringte thlarau hian hmachhawn tur pahnih kan nei a, chu chu Chatuan Vanram emaw Chatuan Hremhmun emaw hi a ni. Ringtute chu Lal Isua’n hmun min buatsaihsak Vanram ah hrehawmna leh manganna, sual hnathawh awm tawhlohna hmuna kan chawlhna turin Lal Isua’n hmun min buatsaihsak a (Johana 14 :1-3) chu hmun chu mi piangthar te tan a ni. Vanram nge i duh Hremhmun ?
b) Tin ringtute Chatuan Vanrama kan awm ang bawkin ringlote pawh Pathianin Diabola leh a tirhkohte tana hmun a buatsaihsak (Mat 25 : 41) Chatuan Hremhmun ah chuan Pathian hremna leh thinurna tuarin an chatuan hun an hmang ve ang. A chunga kan sawi tawh angin he hmuna kal turte chu Beram No Nunna Lehkhabu-a an hming chuang velo te an ni ang. Chu hmun chu Mei Dil a ni a, THIH HNIHNA chu (Thup 20 11-15) Chuvangin, i Kristianna ringawt chuan a chhandam theilo ang che Lalpa ,Lalpa ti nazawngte chu Vanram an lut dawnlo ani tih Lal Isua’n a sawi a ni.(Matt 7 : 21-23) Lal Isua chauh hi Vanram kan kalna tur atana Kawng, Thutak leh Nunna a ni si a.
Amaha kal lo chu Pa hnenah a thlen theih loh (Johana 14 : 6)
He thu i chhiar hian in ngaihtuah chiang rawh, Lal Isua a lokal tep tawh a; Mithianghlim Lawr, Hun Hrehawm Rapthlak, Beram No Nupui Neihna Ruai, Ringtute tana Lawmman Semna, Kum 1000 Rorel te leh Lalthutphah hma a Rorelna te chu kan hmabak a ni a.
Chuvangin, i chatuan hmun tur chu i damlai ni a tlak hma ngei hian Vanrama kal ve turin inbuatsaih rawh le. Hun i la nei ania, Lal Isua’n ‘Tupawh ka hnena lokal chu ka hnawtchhuak tawp lo xang’ a ti si a.
(Johana 6: 37) Chuvangin, a duh apiang te tan Nunna Tui chu Lal Isua’n a thlawnin min pe si a (Thup 22: 17) Lal Isua hnenah i kal ang u.Matthaia 22:14 “Sawmte chu tam tak an ni a, thlante erawh chu tlemte an ni,” a ti a.Thupuan 22:12 ‘Ngai teh, ka lo kal thuai dawn e....’
Comments
Post a Comment