A hmasa in Pa Pathian ngil nei leh mi thla muan tu hnenah lawmthu awm rawh se, khaw har chhungkua te pathian in awm pui rawh se. Pathian in min awm pui reng a ni tih hria I la.
Thlamuana
2 Korin 1:3-4
“Kan Lalpa Isua Krista Pa leh Pathian, khawngaihnaa khat, thlamuanna petu Pa Pathian hnênah chuan lâwmthu i sawi ang u.
Pathianin min thlamuannain hrehawm tinrêng tuarte kan thlamuan ve theih nân, ani chuan kan hrehawm tuar zawng zawngah min thlamuan ṭhîn.” A hmasa in heta lo kal te chung ah lawm thu ka sawi phawt duh a, mizo nih hi a va nuam em? Khawvel khwai hmun ah pawh awm I la, chhiatni that ni a mizo tlawmngaihna nen a kan in tawi awm hi a va nuam in a va han lawm awm tak em. Tawngkam te thiam vak lo mah I la, chhung hnai te in min han thih san hi chuan thian leh chhung te’n min rawn tlawh a min han zaipui te hi a thla muan awm ngawih ngawih, hetiang hun hrehawm leh lungaihthlak hun ah hi chuan in thut pui ringawt pawh hi awm ze thuk tak nei in, khaw har chhung te tan chuan a hlu hle a ni.
Boral ta a ngiahawm:
Rom 14:7-10
“Tu mah mahni tâna nung kan ni lo va, tu mah mahni tâna thi kan ni hek lo; kan nun chuan Lalpa tân kan nung a ni a, kan thih pawhin Lalpa tân kan thi a ni; chuvângin, kan nun pawhin, kan thih pawhin Lalpa ta kan ni.
Tichuan, mi nung leh mitthi Lal a nih theih nân Krista chu a thi a, a nung leh ta a ni.
Engtizia nge nangin i unaupa i sawisêl mai? Engati nge nang pawh i unaupa chu i hmuhsit mai? Pathian rorêlna ṭhutthlêng hmaah chuan kan la ding ṭheuh dâwn asin” Khawvel kan dam chhung hian Pathian tan kan nung theuh, tumah sawisel leh hmusit thei kan ni lo.
Vawiin a boral te hi a nun hian mi tam tak a khawih te chuan an dam chhung in an hre tawh ang, a that na te, a nghil neih na te kha tam tak chuan kan hre dawn a ni.
Keini pawh thi thei reng kan ni tih in hria in, kan nun te fimkhur I la, kan nitin nun ah kan thil in, ei emaw kan thu sawi te hi a malsawm em tih hi kan ngaihtuah fo a tha? Mi in eng tin nge an hriat dawn che. Mi thin chhe tak, mi hmasial tak, mi bum hmang nge mi zai dam, mi tanpui in huam leh mi fel in tih hi vawiin thih na hian keimah ni ah in enawn fo tur in ka rawn chah duh che u a ni. Khawvel sum leh hausakna hian awm zia a nei lo.
Job 14:1-2
Hmeichhe hrin mihring hi Sual rêng rênga thi thuai mai tûr a ni.
Pangpâr angin a lo pâr chhuak a, a vuai leh ṭhîn, Hlimthla angin a ral mai a, a awm hlen lo.
Joba ka chhuak a ni, Joba kha pathian in a test khan harsatna a kal tlang nasa a ni, Pathian in a fiah nan khan a fa te an boral vek, a khawvel hausak na ran te an thi vek. Joba khan khawvel ropuina leh hausakna te kha Pathian tel lo chuan eng tih na mah a nih loh zia kha a hre chiang em.
Tunah Joba rawn sawi an khan khawvel kan dam chhung hi chuan kan tar tial tial vek dawn, kan thawh rah kan seng dawn a ni. Joba ang khan tunah kan harsatna leh hrehawm na ah te hian Pathian hniah zawk nan hman tlat I tum ang u.
Beiseina kan nei.
Thupuan 21:4-6
An mit ata mittui zawng zawng a hru hul ang a, Thih a awm leh tawh lo vang.
Lu sûn te, ṭah te, nat te pawh a awm tawh hek lo vang.
Thil hluite chu a liam ta a,” a ti a. Lalṭhutthlênga ṭhu chuan, “Ngai teh, thil engkim ka siam thar e,” a ti a. “Ziak rawh, hêng ka thute hi a rinawmin a dik a ni,” a ti leh a.
Ka hnênah, “A lo thleng ta, kei Alfa leh Omega, a bul leh a tâwp ka ni. Tuihâl apiang hnênah nunna tuikhura mi a thlâwna in tûr ka pe ang.
Keini kristian te chuan kan bul hnai Hindu sakhua te ang lo tak in, min boral san ta te hmuh leh beiseina kan nei a ni, chu chu chatuan nun na leh Vanram kal beiseina a ni, mahse Vanram kal tur chuan Isua Krisa, kan Alfa leh Omega kan rin mai bak ah, Khawvel kan awm chhung in Isua zui tlak a kan nun a pawimawh a ni.
Khawvel hlimna leh Hausakna te hi chu kal leh mai tur, kan thlan khur feet 6 hnuai a ken theih a ni lo, mahse mit pawh in a hmuh theih loh, chatuan nun na chu Isua Krista chiah in a pe thei a ni.
He boral na hian kei mahni kristian nun pawh in en nawn na atan hman in, in siam that nan leh Pathian lo kal leh na in tawk tur in peih theuh ang u.
Pathian in khawhar chhungkua te awmpui in, thla muan se, Pathian hnaih zawk nan a hman theih nan ka dil e. Amen.
Comments
Post a Comment