Skip to main content

RINGTU NUN.

Philippi 1:29,30 Krista avanga amah in rin chauh ni lovin, amah avanga in tuar pawh phal a ni si a; indona keimaha in hmuh thin, tunah pawh keimahah a awm tih in hriat, chu mi ngei chu in neih ve tak hi.

Ringtu nun hi mi chi hrang hrang sawi dan a in ang lo hle a, thenkhat chuan Kangaroo in a nuate a tlatchhiatpui nen te an thehkhin a, Kangaroo hian a naute a pumah a dah a a naute in a kuah bet tlat a, sa dang lakah an him nan an tlanchhe thin, chu chu Isua kraws thlah lova kan pawm tlat a ngai a ni an ti thin a, Kangaroo nun nen an tehkhin thin ani.

Watchman Nee-a’n zawhte nen a tehkhin ve leh a, zawhte hian a naute a thlanchhiatpui dawn chuan a seh beta a naute hah ve miah lovin a tlanchhiatpui thin a, chutiang nen chuan ringtu nun hi a tehkhin a, Johana 10:28 (an hnenah chatuana nunna ka pe a; kumkhuain an boral lo vang a, tuman ka kut ata mi chhuhsak hek lo vang.) thu hi tanchhanah a hmang bawk ani. A thlawna chhandam kan nihna te han chhut chuan a nih hmel riau a, mahse lak sual awl tak a nih hmel hle.

Ringtu nun diktak hi tehkhin thu a sawi lo hian Bible ah kan entawn turin a inziak nual a, Paula’n Krista avang kan rin chauh ni lovin kan tuar pawh phal a nih thu a sawi a, ‘indona keimaha in hmuh thin, tunah pawh keimahah a awm tih in hriat, chu mi ngei chu in neih ve tak hi,’ a tih hian a ngaihtuahna sual lam a sawina a ni lo tih a hriat theih a, a chhan chu Philippi khua a miten Paula’n eng ngaihtuahna thalo nge a neih, mi huat a neih leh neih loh an hriat sak thei lo va, indona amaha an hmuh chu zirtirna diklo a do avanga indona nei a ni tih an hre thei ang a, hmuh pawh an hmuh sak ngei a ni tih a sawi ani.

Ka Thian Duhtak, ringtu nun chu indo nun a ni a, Isua’n ka kut ata tuman mi chhuhsak thei lovang a tih ang khan keini pawn kan kut ata, kan hnena Isua hi tuman min laksak loh nan indona kan puan ve a ngai ani. 

Johana 10:28 hi chhandamna bo thei lo tih tanchhan ah kan hmang mai tur a ni lova, keimahni ngeiin entawn in keimahni a Thlarau Thianghlim tih mih theih hi tuman min tih mih sak tur a ni lo, keimahni a Isua hi tuman min laksak tur a ni lo tih nan i hmang zawk ang u. Rohlu Isua tih bo loh lam daih a ni chu.

Comments

Post a Comment

Popular posts from this blog

KAN PATHIAN RINAWM HIAN, A TAWP THLENGIN MIN HRUAI DAWN

"A kotu che u chu a rinawm a, tih pawh a ti bawk ang."( 1 Thessalonians 5:24) Tisual pheng phungin kan tihsual man kan seng nawk nawk chang a awm a, thlemna leh sual do zawh loh chang a awm fo, kan tihtur kan tih loh avanga buaina tawh chang lah a tam, kan tihtur kan tih pawha chapona suala tluk changte nen mahse "min kotu zawk hi a rinawm em avang hian kan tluk hlen hi a phal ngai lo a ni." Philippians 1:6 Nangmahnia thil tha ti tantu khan Isua Krista ni thlengin a tifamkim zel dawn, chu ngei chu ka ring tlat si a. Bul min tansaktu, he khawvel eng hmu tura kan nu leh pate, kan pi leh pute, kan pi te pi leh kan pute pu intawntirtu Pathian hian kawng laklawhah min kalsan mai dawn lo a ni. Min hruai zel dawn a ni. "I khawngaih Kross kawng zawhin, i rawngbawl lamtluang ka chhui,  Kawng nuam leh hahdam changte pawh thin;  Kawng hahthlak leh raltia min hruai niah pawh hianin,  I rinawm zia min hmuhtir leh thin."
Post a Comment
Jehova - Jire »

Lalpa Neitu Ni La, Lalpa Neitu Zawng Rawh

"Chaw dangral mai umin phe phe suh u, chatuana nun thlenga awm reng tur chaw, Mihring Fapain a pek tur che u chu, umin phe zawk rawh u; Pa Pathian chuan ani chu a chhinchhiah tawh si a,” a ti a, a chhang a."(Johana 6:27) Mi thenkhat hi tinge kawppui an thlan fuh loh thin le? Tiin i in zawt ve thin em? He zawhna hi chhang dawn ta ila, chhandan tur tamtak a awm ang. Thenkhat chuan tihian an chhan a rinawm: 1) A nu leh pa thu a awi loa, 2) Hmel a en lutuk a, 3) Sum a en lutuk a, 4) A in dah hniam lutuk a, 5) A hmanhmawh lutuk a. etc, an tih a rinawm a. Hengte hi miin kawppui a thlansualna chhanah chuan, dik pawh a dik viau ang.  Kawppui emaw, nun kawng emaw kan thlan sual chhan ber chu, "rei lote, chhung choa hlimna kan thlakhlel lutuk vang" a ni ti ila kan sawi sual lo ang. Kan Pathian thu chuan tihian alo sawi a,"Chaw dangral mai umin phe phe suh u" a ti. Hei hi a awmzia tak chu, ei ral theih thil mai mai um suh u a tihna a ni, tihian han sawi z...
Post a Comment
Jehova - Jire »

Nun Hausa

"Ngai teh u, vawiinah hian in hmaah malsawmna leh ânchhia ka dah a; LALPA in Pathian thupêkte tuna ka pêk che u hi in zawm chuan, malsawmna."( Deuteronomy 11:26-27 )  Mi tamtak chuan, malsawmna chanchintha (prosperity gospel) hi a awm lo ang hial leh kalsualte thu lak dan maiah an ring thin. Mahse, kan Pathian thu kan bible ah hian, a malsawmna kan dawn theih dan tur tam tak a inziak a ni. Chutih rual chiah chuan, Pathian tum ber erawh kan khawvel nun nawmsakna leh hausakna lam a ni loa, kan thlarau chhandama a awma, vanah ro kan khawl zawk chu a ni. Kan hriselna, kan thilneih, kan chhungte zawng zawng pawh hi kan thlarau chhandama a awm theihna turin, kan Pathian hian min laksak tha a ti a nih chuan, min laksak hreh lo ang. Chutiang khawp chuan kan thlarau chhandamna hi kan Pathian hian a ngai pawimawha, chutih rual chuan kan tisa lam pawh hi min thlahthlam chuang lo a ni. Kan bible chang tarlan Deuteronomy 11:26-27 ah hian chiang em em in a inziaka, "Pathi...
Post a Comment
Jehova - Jire »