I Thinlung Ngaihtuah Pawimawhna Chhan Nakinah Tunge I Nih Dawn?

thinlung ngaihtuahna lionKan thinlung ngaihtuahna pawimawh zia ka sawi fo tawh.

Ka sawi leh ang, I thinlung ngaihtuahna kha humhim tha rawh. Bawlhhlawh leh hnawmhnawk lakah veng fimkhur la chaw tha leh tuisik fim nen chawm ang che.

Nakinah engnge I nih dawn I hre chak em?

A chhana chu I thinlunga I ngaituahna a ni. I ngaihtuahnaa mi kha I ni ang.

Bawmah kan inkhung thin a. Sikul lama lehkha thiam lo chu mawlah an inngai a, an puitlin hnu thlengin an rilrua an la put reng avangin an nih theih tur an ni phak lo thin.

Thenkhatin an thinglungah hlauhna thuruk an nei a, an hlauhna chu chhun leh zan ngaihtuahin an chawm lian a, a rawn thleng ta tak tak thin.

Thenkhat erawh chuan an thinlung ngaihtuahnaah an duh dan leh an nih tur chiang takin an hmu a, an umzui a, nakinah an hlawhtling thin.

I rilru ngaihtuahna kha I duhnaah I thlak thei.

I rilru ngaihtuahna kha a nghet lova a that loh chuan I vanduai hlen dawn tihna a ni lo. I duh chuan I thlak thei.

Ka thinlung ngaihtuahna thlak lo ila vawiinah hian he thu hi ka ziak lovang. Mi phunchiar leh thikthuchhe tak ka ni thin a, tunah hian hmun tha lo takah ka awm ang.

I thinlung humhim tha rawh Ngaihtuahna tha leh fim kan duh theuh. 

Amaherawhchu pawnlam tibuaitu lak ata kan thinlung kan humhim a ngai. Kan thinlung hi a bawrhsawm em avangin thil hote pawh hian kawng thimah a hruai lut thin.

I thenrual kawm, I lehkha chhiar, I hun hmanpuite zawng zawng khan I rilru ngaihtuahna an khawih danglam vek thei. Mi tha lo bulah hun I hman chuan an rilru ngaihtuahna kha I la lut ang. Chutiang bawkin mi fel leh mi hlawhtling bulah hun I hman chuan an rilru ngaihtuahna kha I lo pu chho ve zel ang.

I hun hmanpui leh I rilru ngaihtuahnaa lut kha ngaihsak rawh. I ngaihtuahna I la ni dawn si a.

I thil ngaihtuah dânah fîmkhur hle la, I ngaihtuah chuan i nun a kaihruai ṭhîn a ni.

Thufingte 4:23

Saktea Hlawnchhing