Lalpa,
Ka tah chang a ka inhnemna leh mangan ni a min tanpui thintu,
He hringnun hi ka khualzinna ram mai a nih zia, min hriat nawntir leh fo ang che.
Ka famkim lohna changchawi a, diriam tak a min sêl thin tute sêlna tuardam thei turin min pui la,
Mi dotu leh haw tute, huat lêtna thinlung mi malmâk tir fo thin ang che.
Mi thinlung ka lo tihnat tawhte tuam damin theihnghilh tir la,
Khawlohna a din, he hringnun nihphung hi hriatthiam dan mi zirtir fo rawh.
Nun dan ka thiam zâwk theih nan, Nunna hi eng hunah pawh tâwp thut thei a nihzia mi hriatnawn tir fo la,
Ral tawh ngai lo turin ka thinlungah, beidawngte tân beiseina êng i nih zia mi chhiah ang che.
He hringchan piallei hi bumna chantual mai a nih si chuan, ka pênsual loh nan ka ke pên tinte, min ven sak la....
Ka ding leh vei ah mi vêng la, khawhar a ka vahvaihna; he ramah hian mi hruai zel ang che...
Comments
Post a Comment