Jehova - Jire (go to home page)

"LALPA, i puan inah chuan tunge lo miikhual ang? I tlâng thianghlimah chuan tunge lo awm ang? Dik taka awm a, fel taka tia, A rilrua thutak sawi mi chu."(Sam 15:1-2) I rin aiin Lalpa vanga dikna i thlannate leh ngilneihna hote i lantirnate khan chanchin tha a hril ring ang. Vawikhat chu kan Mizoram officer pakhat, MCS pakhat vuinaah ka kal alawm mawle. A ni kha pastor fapa a ni naa, mahse Pathian thu han sawi hluah chi chu a ni lem loa, inkhawm leh thawhlawm pekte erawh a ngai pawimawh viau thung chuan ka hria a. A pa in a zirtir tha viaute pawh a nih a rinawm, an pafa chanchin an saw dan ka hriat pakhatah phei chuan chu MCS chu junior te a nih laiin zan khat chu a pa ava phone a, ka pa hei pawisa a bang nual mai a, ka lo hawn ve mai dawn mi a ti a ni awm e. A pa chuan engmah dang sawi set set loin a hmingpumin a koha "bang mai rawh" a ti a ni awm e. Chuta tang chuan dik em em in, sorkara a hna thawhpuite zah kai khawpin a nung chho taa, office a tlai ng...

"Tin, LALPA Pathianin leia vaivutin mihring a siam a, a hnârah chuan nunna thaw chu a thaw lût a: tichuan mihring chu mi nung a lo ni ta a."(Genesis 2:7) Gary Vee business coach pakhat chu, eizawnnaa chhiat rupna chungchang an zawt a, ani chuan "eng thil tha lo nge thleng thei vak chuang ang, chhiat rupna hi ka hlau hran loa, a chhanchu chhiat rupnaah hian nidanga ka ngaihtuah theih bak ka ngaihtuah chhuah theih thin vang a ni" a ti a. Keini phei chu ringtu Pathianin amaha nunna thaw a thawk luh ngei leh a chhandamna changtute kan ni a. Eng ang pawhin kan nunah hian harsatna thleng mahse zam mai tur kan ni lo. Neih nei lo ber leh engkim chan veka kan inhriat lai pawh hian, lei leh van siamtu kan Pathian hi kan lo la nei zel a, min pui turin a ni chu a hnai reng a ni. Rawngbawltu pakhat pawh hi a zam em em maia, a hun kal tawha a hlawhchhamnate a ngaihtuah chhuaka, hlau thawng em emin a rilruin a tawngtaia, Pathianin "ka awm pui che" a rawn tia,...

Ngaihdamna hi thil pawimawh berte zinga mi a ni awm e. Pathian leh mihring inkarah a pawimawh ang bawkin, mihring leh mihring inkarah pawh a pawimawh a. Chhungkuaah pawh sengluh a nih loh chuan, inmihranna bak hmabak a awm thei lo. Ngaihdamna tel lovin ‘Pathian mi’ a nih theih lo va, Ngaihdamna tel lovin chhungkua a khawsakho theih bawk hek lo. Kohhranhovah ngei pawh hian ngaihdamna tel lo chuan rawng a bawl ho hleih theih loh a ni.             Ngaihdamna chungchang hi Bible ah eng ang takin nge hman a nih a, eng ang taka hmun pawimawh luah nge a nih i lo en ho teh ang. Thlahtu Evi leh Adama te’n thil an tihsual lai khan ngaihdamna hi chelek a nih awm reng reng a lang rih lo va. “In ei chuan in thi ang, a tawh pawh in tawk tur a ni lo” tih a ni. A nih ang taka hman a nih chuan khawvel hian a dawl zo lova , ‘Bawhchhiatna fa’ kan lo nih phah zo ta a ni. Ngaihdamna chelek a nih loh avangin khawvel leh a chhunga awm zawng zawng te pawh chu Path...

(Johana 3 : 16,17, 14 : 15,21; I Johana 2 : 4-6,15-17)     Pathian hmangaihna sawi dawn chuan Mihringte kan sual zia hi kan sawi lan hmasak phawt a tula a, Adama atang tawh khan bawhchhetu kan ni a. Kan kohhran Thurin no.5-na ah chuan “Mihring chuan a ma duhthu ngeiin Pathian dan a bawhchhia a, chhiatna leh khawlohna ah chuan amah a in barhlut ta a” tiin a sawi a. Israel fate Pathianin Mosia hmang a Aigupta ram atanga a hruai chhuah pawh khan hun rei tak chhung kha chu Pathian duh dan in sual lam hawi lovin an awm thei a , mahse a lo rei deuh hnu khan Sual lam an lo hawi leh thin a nih kha. Khatih hun lai pawh khan Pathian duhloh zawng leh Pathianin tilo tura a tih chu an hrereng, anmahni duhthu leh an duhthlanna ngeiin an sual leh thin a nih kha. Keini hunah pawh hian chu thu chu kan la chhawm zel a, Kan Pathian duhloh zawng chu hrereng siin kan duhthlanna ngeiin kan sual leh thin a nih hi. Lalpan a Kohhran hote hi ama duhzawng titurin min din a engvangin nge min ...

                                       Sam 96:1-9; Joh. 4:23-24     Pathianin mihringte a siam chhan ber chu amah be turin a ni a. Chuvangin Pathian biak hi kan tih tur a ni satliah mai lo va, a bata kan bat tlat a nih chu. Miin Pathian a biak duh loh chuan a siam chhan a hloh va, a siamtu a do a, dam chhan pawh a nei lo tihna a ni hial awm e. Pathian biak hi kan biak Pathian lalzia leh chungnun bikzia puan chhuahna a ni tiin kan sawi thei ang. Miin Pathian ropuizia a hriat a, a nihna ril tak leh th<k tak a hriat phawt chuan a hmaah a kun lo thei lo vang. RWF Wooton-a chuan, “ Pathian chibai buk chu Siamtu zahawmna sawi hleih theih lohva hmaa a thil siam a kunna hi a ni,” a ti. Pathian ropuizia hriatna chuan a betu nunah Pathian zahna leh \ihna a awmtir nghal a ni.      Ringtu chuan a hun kal tawha Parthianin a tana a thil tihsak te, a tihsak mek te...

Enge ka lungngaih ang, enge ka hlauh ang Engah nge ka buai fo vang le; Khawvel mawina zawng chan dawn mahila, Rohlu Isua ka nei. Ka hlau lawng, ka ui lawng Engkim pawh chan dawn mahila; Ka hlau lawng, ka vui lawng Rohlu Isua ka nei Khawvel ropuina, mawina tinreng leh A sanna ka lo zawn thin te; Chanin nei dawn lo mahila, Rohlu Isua ka nei Enge ka lungkham ang, enge ka zawn ang Engah nge ka mangan ang le; Khawvel zawng pawh hi bo dawn mahsela Rohlu Isua ka nei.

"Tin, ani chuan, "Lo kal ta che," a ti a. Petera chu lawng ata a chhuk a, Isua hnen lam panin tui chungah chuan kein a kal a." (Matthaia 14:29) Ringtu hmasa zingah khan Petera hi tinge Pathianin puipa bera a hman le, tih hi han ngaihtuah han ngaihtuah hian, a dai ngam bik vang a ni ti ila kan sawisual lutuk awm lo e. Isua an khenbeh dawn khan, Petera khan a zui ve ngar ngar a mahse a zui thleng ngam ta loa, a phatsat taa. Mahse, chutia a zui ngar ngarnaah leh a phatsatnaahte chuan zirtur tha bik a chhar chhuah zel a rinawm. Kha tia a phat chiah khan, Isua a hmangaihna kha a tawk loa, Isuan amah Petera a hmangaihna zawkna kha innghahna tlak a nih zia te pawh a chhar chhuah a rinawm. Petera chanchin sawi dawn chuan sawi tur a tam a nga, a dai ngamna hi, mibik nih tirtu pakhat a nihna lai hi han sawi mai ta ila. Petera nun en hi chuan, engkimah alo dai ngam zia a hriat theih a.  Hlawhchham ngei ngei tur pawhin a dai ngam tlat zela, chutia a dai ngamnaah chu...

"LALPA ah chuan chawl la, amah chu nghak fan fan rawh."(Sam 37:7a) Pathian i au a, engtin mah a chhanna i hre lo em? Hengtiang dinhmunah hian i ding a nih chuan, Lalpan amah la nghak turin a ti che tihna a ni thei. Kan thianpa lehkha thiam em em mai hi, a hna zawn kawngah a tluang loa, vawikhat phei chu MPSC combine exam a pe a, a rilru buai lutuk chuan a paper te chu alo submit theihnghilh a. Pathian a beisei si, rawngbawlin hun eng emaw chen kal tawh hialte a lo ni bawk nen, "ka beidawng tawh Pathian hian tih tur tal hi min hrilh se, ar vulh mai rawh min ti a nih pawhin ka ti ang" tiin beidawng takin min hrilh a. Chutiang ang deuh chuan, kan nun hrang hrang kan eizawnnaah te, fa kan enkawlnaah te, hna kan zawnnaah te, kawppui kan zawnnaah te mangangin kan awm em? Hetiang hi kan dinhmun a nih chuan, huaisen takin Lalpa i nghak ang u. Min pek tur a that viau chuan Lalpa hian, a dawngtu turte hi min sawizawi nasa thin a ni. Josepha nunte kha han en ta ila...

"Tin, LALPA rawngbâwl hi a tha lo awm anga in hriat chuan vawiinah hian tu rawng nge in bawl dawn thlang mai rawh u; in thlahtuten Lui rala a rawng an bawl thin pathiante kha nge, in luah ram Amor-hote pathiante kha? Kei leh ka chhûngte erawh hi zawngin LALPA rawng ania kan bawl dawn ni," a ti a."(Josua 24:15) Coronavirus len vangin, inhumhimnan kan chhuak thei lo ta sa sa, haw u he kan chhuah theih lohna hi, kan bula awm reng leh kan hmangaih ber kan chhungte tana thiltha tihna hunah hmang ila. Kan chhungte chhungah hmangaihna lan chhuah tir ang u. Chutianga kan tih chuan, hna kan thawh theih laia kan hmuh hman mang thin loh kan chhungte hian Lalpa neitu kan nih zia an hria a nga. Kan Pathian a rawng kan bawl sak a hi Pathian tak a nih zia pawh an hriat phah a nga, a rawng pawh an bawl chak ve thei hial a ni. Mahni in theuhah awm tur an ti bawka, inkhawm pawh kan thei lo bawk a, hawh u kan chhungkua'in inkhawm ang u. Hawh u, hun ren lek loin kan chhungte...

"Mei thiltihtheihna an timit a, khandaih hriam lam an pumpelh a, chak lohna ata chak taka siamin an awm a, indonaah chuan mi hrat khawkheng an lo ni a, hnam dang indo pawlte an tlanchhiattir a."(Hebrai 11:34) Pawl sang zawka kan kai dawn hian kan exam thina, kan exam hian kan class room ah kan awm tawh loa exam hall (room) ah kan thutna te chu sawn a ni, chu exam pass apiangte chuan pawl an sawn thin a ni. Kan sawi tel duh chu, exam nuam em em, exam nuih dur durna, exam awl veng vengna a awm ngai lo, kan exam chuan kan bei tang tang thin a, kan insuma, kan chak zawngte ti mai loin tih tur tul examna atana inbuatsaih chu kan ti zawk thin a nih kha. Tuna i dinhmun kha a harsa em? Tan tang tang a ngai em? Hah chung chung pawha, in phih harha beih leh thin a ngai em? Hetiang hi i dinhmun a nih chuan, "Lalpan hmasawn tir che a tum avangin, i dinhmun sawn sak chein a exam tir mek che a ni ang." Kha harsatna atang khan, i zirtur chu zir chhuak turin, theih tawp...

"Tichuan thil tha tih i ning suh ang u; kan inthlahdah loh zawngin a hun takah chuan kan seng dawn si a."(Galatia 6:9) Israel ramah chuan kum eng emaw zat ruah a sur tawh lo va, ruah a sur loh avang chuan thlai a to thei lo va, tam a tla a.  Pathianin zawlnei Elija chu Zarephath khuaah awm la, hmeithai pakhat chawm tur chein thu ka pe tawh a tia. Chu khua ava thlen chuan hmeichhe pakhat, tui a dil a, chhang pawh min pe rawh a ti a.  Hmeichhia chuan chhang ka nei lo, belah chhangphut tlemte leh sahriak tlemte chauh ka nei, chu chu ka fapa nen kan ei a nga kan thi mai ang a tia. Mahse, Elija chuan chhang tlemte mi rawn ken la, i fapa nen in ei dawn nia a ti tal a. Elija thu chu a awih a, chhang chu ava pe a, tichuan an chhang neih tlemte leh an hriak tlemte chu a kang thei ta reng reng lo mai a. Mahse, hmeithainu fapa chu a thi hlauh mai a, a fapa thih thu Elija a hrilh chuan, a fapa awmna lam chu Elijan ava pan a.  Pathian hnenah hmeithainu fapa nun lehna turin...

"Rei deuh mahse, nghak rawh; a lo thlen ngei dâwn avângin a tlai chuang lo vang."(Habakuka 2:3b) Israel ten tupui sen an thlen dawn khan, rala fiah taka tupui sen an hmuh theih tawhah pawh Pathianin Mosia ala be reng reng lo, tuipui sen an thlenna tur kilometer khat vel lek a nih hnu pawh khan tuipui sen tih chah chu sawi loh Pathianin Mosia ala be chuang reng reng lo. Chutiang a nih lai chuan, an hnunglamah Aigupta sipai ho an sakawr tawlailir tha ber leh chak ber chunga chuangin chak takin Israel fate kha an rawn um bawk si. Israel fate thlabar tur zia chu kan hrethiam mai awm e, tichuan tupui sen a dai a an dai phak tawh hnuah chauh, a hun takah chuan Lalpan Mosia, tuipui sen chunga a tiang lek turin a tia, tichuan tuipui sen a in then ta a. Israel fate mananna nasat tur zia chhut hi chuan, Pathian laka an vui kha an thiamawm khawp mai, mahse beisei tur awm reng reng alan loh hnu thlenga Pathian ring tlattu Mosia erawh Lalpan a hun takah tih dan tur a hrilh hma...

"Tin, heti hi a ni ang a, annin mi koh hma pawhin ka chhâng ang a; thu an la sawi lai mek pawhin ka bengin ka hria ang."(Isaia 65:24) Valentine's Day a ni dawn a, kan college campus ah chuan party lian vak lo zirlai tan bik siam a ni dawn a, nidang chu ni sela ka eng theng thawngah mah a thawh awm loh teh lul nen, Valentine's day leh party tih vel ka lawm loh thin em avangin ka thiante pawhin Kaity Stone (Lungtumi) min ti nghe nghe thin reng a. Mahse, tun tum hi chu kan college ah star ka nei ve a, chu party ah chuan kal dun puiah min sawm se ka ti em em a, Pathian hnenah pawh ka star chuan min rawn sawm theihna turin ka dil hial a ni. Ni e, kan college ah hian hmel huat loh pahnih ka nei a, pakhat chu tuna ka star ngawih ngawih Peter Wilson-a a ni a. Ani hi sport a thei a, lehkha lamah erawh a laihawl vel a ni a. Pakhat zawk chu Mark Jones-a a nia, ani hi sumdawng lian fapa a nia, lehkha a zir nasa em em a , sunday'a a inkhawm leh kan campus ministry ...

Mark 2:17    Tin, Isuan chu chu a lo hria a, an hnenah chuan, “Mi chakte chuan daktawr an ngai lo va, mi bawrhsawmte zawkin an ngai a ni; mi fel takte lam tura lo kal ka ni lo va, mi sualte zawk lam tura lo kal ka ni,” a ti a. Pathian hian kan sual avang hian kan boral a phal ngawt lo va, misualte boral tur ngaingam lovin a thisen hlu takin min tlan a, a ta-ah min siam ta zawk a ni. Chu'ng a tlansa misualte lam tur chuan a lo kal leh ang. Nang pawh a tlan tawh che a, a ngaidam tawh che a nia.

"Chutichuan, chhumpui nasa tak ang thlirtuten min hual vel avang hian, min tihnawk apiang leh sual keimahnia bet tlat chu i dah ve ang u, tin, Isua, kan rinna siamtu leh tifamkimtu lam chu enin, kan hmaa intlansiakna tur awmah chuan chhel takin i tlan zel ang u."(Hebrai 12:1) Football inkhelah hian, inkhel hmuhnawm ber chu, a tira chaklo zawkin an lehthal leh hi a ni thin a ni. Brazilian thalai pathum Fernanda, Jose leh Lucas, te chu Barzil team tha tak Vitoria ah telin, Brazil league lian "Brazilian Championship A" an khela, an coach Brenoa hi pa dangdai em em a nia, players tha pangngaia engemaw zah duh tho thin mahsela, midangin players thaa an ngaih lem loh te hi a duh tlat thina, a chang chuan a tihsual phaha, a chang chuan a chak pui bawk thin. Brazil football ngaina tute mak tih tur hrim hrim emaw, tih mai turin tun tum an league khelhah pawh hian, discipline nei chhia leh khelh that nei tlem em em mai, Lucas'a chu an team captain ah a hmang t...

"LALPA i thununa i dan i zirtirte chu an nihlawh e, Mi sualte tlak nân hum laih zawh hma chu, Mangan niah i hahchawlhtir dâwn si a."(Sam 94:12-13) Mi nun tluang em em chhungkua tha si, nei pangngai bawksi, hmingchhiatna nei bawk silo te hi, han thlir hi chuan, awh mai an va awl tak em! Heng chhungkuate hi mihring mai an nih ve avang hian, an lo chak reng bik hauh loa, an zingah hian Lalpa avanga tluangchhote pawh an awm teh meuh mai, heng chhungkaw zingah hian Lalpa avang ni lemlo vannei ve hrim hrimte pawh an awm ti ila kan sawi sual lo ang. Eng chhungkua pawh nise, Lalpa an vawn tlat loh chuan, nun kawng kawiah hian sut tur a awma, eng anga tluang thin pawh hi, Lalpa nen an kal loh chuan, chu kawngkawia sut tur chu an sua, a ri bura an chuai zui nghal mai thin.  Chungte chu hmuha han thlir hian, Lalpan chungte chu kan tawh ve loh natuara, kan fimkhur theih nan, kawng chhukchhoa minlo hruai thin avang hian, "ka lawm e", kan ti leh thin zawng a nih hi. K...

"Tin, Isuan a zirtîrte hnênah, “Tu pawhin mi zui a duh chuan, mahni hrehawm pawisa lovin, a kraws puin mi zui rawh se."(Matthaia 16:24) Isua khan, a tir pang atangin “Tu pawhin mi zui a duh chuan, mahni hrehawm pawisa lovin, a kraws puin mi zui rawh se," a tia. Pathian hnung zui hi a hreawm char char leh bet chawt chawtna a ni loa, mahse kan zui a nih chuan kan na ve dawn a ni. Van Lal fapa, Isua Krista ngei pawh khan a tuar nasa emai, Lal thutthleng atang ran thlengah transfer a ni, mahsela a kal a kal a, kross atang van Lal thutlengah a thu leh a ni. He kawng hi zawh ve turin min ti bawk a ni. Kross chu e nge kan tih chuan, "ralna hmun a ni", thuthlunghlui huna puithiamin halral thilhlan a hlan kha a kawk a ni. Chu halral thil hlanah chuan mahni inhlan ral turin min ti tihna a ni chu. Chu inhlanralnaah chuan, i chak zawk kalsanin i chak loh zawk tih a tul ang, i hlawkna tur ai i channa tur zawk i thlan pawh a ngai ang. Mahse maw, a duh anga nung t...

"Ka ngaihtuahte hi i ngaihtuahte a ni si lo va, i awm dante chu ka awm dan a ni hek lo, LALPAN a ti." (Isaia 55:8) Pathian hi a mak em em a, a hmanrua pawh a mak a, a chetdan a mak a, hriatthiam a har thin.  Zawhna tamtak zawh chak hi a mimal tak pawhin ka van ngah tak em. Engvangin nge ka chungah hengte hi i thlen tir tia han list thlak teuh mai hi ka chak thin a ni. Ka phu reng reng loh malsawmna min pek chang a tam a. Ka phu ve nia ka hriat min pek miah loh chang pawh a tam. A chang chuan ka hlawhchham ngei dawn a nih hi ka ti a, hlawhtlinna min pe lawi si a. A changin ka hlawhtling ngei dawn e ka ti a, mahse hlawhchhamin ka awm leh si thin. Engkim mai hi Pathian remruatna a nih si chuan kan Pathian hi a mood fuh leh fuh loh a zirin kan chungah ro a rel ta mai emaw tih a awl hle a ni. Mahse Isaia bung 55:8 ah hian Pathian kawng hi a mak a ni tih a inziak a, kan kawngte hi Pathian kawng a ni lo.  Hlawhchham nia kan inhriatte hi hlawhtlinna dang tha zawk min pek ...

"Hmangaihnain a dawhthei a, ngil a nei bawk thin."(I Korinth 13:4a) Pathian hnena ka zawh chak em em chu "Misual i hmelma ka ni sia, tinge min chhanchhuak turin, i theihna zawng zawng i hman" tih hi. Ka zawhna hi mak tive leh chhawng kan awm takin kan sawi fiah a nge.  Sual hrim hrim hi, Pathian hmelma a ni a, Adama leh Evi an bawhchhiat pawh khan, kan Pathian hian sual hi a haw ngang maia, a rang a rangin a hnawt chhuak a ni. Mahse, mihring fate chu a hmangaih sia, chuvang chuan thinlung na chungin a hmangaih tlat si avang chuan, Adama leh Evi pawh a ngaihtuah chhunzawm zel a. Chutiang ang chiah chuan, Pathian hian min hmangaih si, mahse a hmelma kan ni bawksi, tah chuan a theihtawp a rawn chhuah taa, min tlan turin a fapa mal neihchhun, van mipui zawng zawng zinga engkima tha ber chu a rawn tir ta a ni. Chu a fapa mal neihchhun chuan, a tir atang engmah tihsual nei lo mahsela, misual Pathian hmelmate tan chuan na tak leh mualpho takin kross ah a thi a ...

"LALPAN in buh in chungah te, in kutkawih zawng zawng chungahte malsawmna chu thu a pe ang a; LALPA in Pathianin ram a pêk che uah chuan mal a sawm ang che u. In hnena chhia a lo chham tawh angin LALPA chuan ama tana hnam thianghlimah a tinghet ang che u, LALPA in Pathian thupêkte in zawm a, a kawngte in zawh phawt chuan."(Deuteronomy 28:8-9) Bible kan en chuan, Israelte chhuan (generation) ah, Lalpa biak ngai pawimawha dah hmasa thintu an awma, chung chhuante avang chuan Lalpan a thatna a lantira an hnam tan thutiam tamtak a neia, chungte avang chuan an hnam chu tuna an nih ang hi an nih theih phah a ni. Tun thleng hian, khawvel chawimawina sang ber Nobel Prize dawngtute zingah hian Israel tlah an intlar put thinna chhante, Forbes'in billionair a thlana Israel tlah an intlar put thin chante, khawvel rawngbawltu ropui bik an sawia Israel tlah an awm put thinna chhan hi heng worship generation ho'in nasa taka Lalpa an lo biak thin vang a ni, ti ila kan sawi...

"Thununna pawm chu nunna kawngah a awm a, Zilhhauna hawisantu erawh chuan a tisual thin."(Thufingte 10:17) Rev Smith Gerfield'a leh Pi Dorothy Gerfield'i te chuan an tupa James'a leh an tunu Martha'i te chuan, an zirlai an zirchhuakta ve ve bawka tiin, an hmakhua ngaihtuahin nupui leh pasal an zawna an neih dan tur chungchanga fuih an duh avangin leng turin an sawma. An chhungkua hi rawngbawltu chhungkua an nia, Jamesa leh Marthai te pa erawh pastor a niloa, company lian Nexzola hotu Chief Of Operation a ni thunga, mahse rawngbawltu rilrua thawk tlat thin a ni thunga, hei vang hian a dinhmun chelh pawh hi a chelh thei reng a ni. An tupa chu an fuih hmasaa, Bawiha James, Pastor nih tumin Doctorate of Divinity i zir chhuaka, bible college ah I thawk emaw, kohhran i enkawl emaw, pastor rawngbawl hna i thawk tihna a ni ve ve dawn a, hei vang hian Pathian duh dana kawppui i zawn a tul a ni, an ti a, tichuan an fuih mawlh mawlh a: 1) Dawhthei la, nghakth...

"Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan."(Johana 3:16) He chang hian chhandamna lo awmdan hi, a sawifiah deuh vek mai a! Ti ila kan sawi sual awm lo e, he chang atang hian lehkhabu eng emaw zah a ziah theih hial a nga, mahse tawi tein sawi fiah han tum ta ila. 1) "Pathianin khawvel a hmangaih em em a" Pathianin khawvel kha, a nih ang angin a hmangaih a, khawvel leh a chhunga mihringte hi kan sual ang ang hian, min hmangaih hle a. 2) "Chutichuanh a Fapa mal neih chhun a pe a" Pathianin khawvel sual tak mai chu, a hmangaih tlat mai sia, khawvel chuan a dan bawhchhiain boralna lam chu a thlang zawka, a boral ngei dawn bawka. Chu khawvel suala tlu boral tur chu, Pathianin a hmangaih tlat si avang chuan, a boral a phal loa, khawvel chhandam tur chuan"A Fapa mal neih chhun a pe a". Chu a Fapa kan Lalpa Isua Krista chuan kha...

"Aw ka nunna, engah nge i kun reng? Engah nge ka chhûngah hian i buai ni? Pathian beisei rawh: a hmêla damna avângin Amah chu ka la fak dawn si a."(Sam 42:5 ) Bible chang tarlan khi, Davida sawi niin hriat a ni a. Bible ah hian Pathian mi tamtak chanchin kan hmu thei a nga, mahse Davida ang renga Pathian hnaih tum mi hi an vang viau awm e. A tihsual pawhin, Lalpa lakah a tisual a ni tih a hriaa Lalpa hmaah thupha chawiin a kun vat thina, a lawm lahin Lalpan lawmna a pe a ni tih a hriaa, Lalpa hmaa kun a thulh chuang loa. A nun a hniama, a lungngaihin Lalpa atanga chakna dawn tumin Lalpa hmaah a kun tlat bawk thin a. Israel lal dangte leh khawvela lal dangte chu, an lungngaihin mahni intihhlim an tuma, khawvel ennawmte an zawng thina, zu leh sa ah te hlimna an zawnga, mipat hmeichhiatnaahte lawm an tum bawk thin a ni. Chungahte chuan reilote chu hlimna an hmu ve mahna, mahse Lalpaah an hlimna leh lawmna chu a innghah loh avangin, nun ruak leh khawhar takin an nun a...

"In sual a, kut thlak in tuarin chhel takin tuar mah ula, fakna engnge in hlawh thin? Amaherawhchu thil in tihthat a, in tuarin chhel taka in tuar chuan chu chu Pathian lawmzawng a ni."(I Petera 2:20) Thil tha Pathian duh zawng ngei, hreawm ti chung chungin i ti em? Rawng i bawla, rawngbawlna chuan i nun a phuara, hun thawl pawh i nei hleithei lo em? Pathian duh zawng a nih avangin i inngai tlawma, chu vang chuan mi ngaihnep i hlawh em? Pathian duh zawng tih i hriat avangin, dik taka nun i tuma, i bul ami zawng zawng an dinchhuah laiin ila tlu sawp viau em? Lungngai suh ang che, vanah chhinchhiah a ni.  Kan Pathian hi, Pathian dik a nia, amah tihtute lawmman pek hmang leh, lawmman pek theihnghilh ngai lo tu a nia. Bei fat fat la, a hun takah Lalpan dinhmun tha a pe ngei ngei ang che. (Tawngtai Dan Tur) Lalpa, hreawm mahsela i duh zawng a nih vanga harsatna tuar hram hramtu te chu nangin i lawma. A hun takah lawmman duhawm tak i pe thin a ni tih hi ka hriat renga, ...