Jehova - Jire (go to home page)

"LALPAN in a sak loh chuan, A satute chuan an thawk rim thlawn mai a ni: LALPAN khawpui a vawn that loh chuan, A vengtu chu a meng thlawn mai a ni." (Sam 127:1) Bible a kan hmuh ang hian, Lalpa nen kan tih loh chuan, kan hma lakna engkim hi a thlawn mai thin a ni. Hei vang hian "Lalpa i thu thu ni rawhse" ti chunga kawppui kan zawn hi a pawimawh a ni. Kawppui kan zawnnaah hian tu pawh hian kan sual vang pawh ni lovin, Pathian hi dah hmasaka "Lalpa i thu thu ni rawh se," tih nachang hi kan hre lo thin a ni.  A hmasa berah kan hmel duh zawng kan han zawng phawt a, a dawtah kan nungchang duhzawng kan han zawng leh a, a dawtah kan dinhmun (class) duhzawng kan han zawng leh a, tichuan a tawpah kan duh te chu tihlawhtling turin Pathian hnenah kan tawngtai chauh thin a ni. Kei mahni duhna chauh kan ngaih pawimawh avang hian a tawp a tawpah chuan, kan beidawnga, "Nupui pasal neih ka hun tawh, duh zawng ang diak diak tumah an awm hleinem" tii...

"Chaw dangral mai umin phe phe suh u, chatuana nun thlenga awm reng tur chaw, Mihring Fapain a pek tur che u chu, umin phe zawk rawh u; Pa Pathian chuan ani chu a chhinchhiah tawh si a,” a ti a, a chhang a."(Johana 6:27) Mi thenkhat hi tinge kawppui an thlan fuh loh thin le? Tiin i in zawt ve thin em? He zawhna hi chhang dawn ta ila, chhandan tur tamtak a awm ang. Thenkhat chuan tihian an chhan a rinawm: 1) A nu leh pa thu a awi loa, 2) Hmel a en lutuk a, 3) Sum a en lutuk a, 4) A in dah hniam lutuk a, 5) A hmanhmawh lutuk a. etc, an tih a rinawm a. Hengte hi miin kawppui a thlansualna chhanah chuan, dik pawh a dik viau ang.  Kawppui emaw, nun kawng emaw kan thlan sual chhan ber chu, "rei lote, chhung choa hlimna kan thlakhlel lutuk vang" a ni ti ila kan sawi sual lo ang. Kan Pathian thu chuan tihian alo sawi a,"Chaw dangral mai umin phe phe suh u" a ti. Hei hi a awmzia tak chu, ei ral theih thil mai mai um suh u a tihna a ni, tihian han sawi z...

"Chuvangin ka unau duh takte u, nghet takin, tihchet rual lohvin Lalpa hna thahnemngai taka thawk fovin awm rawh u, in thawhrimna chu Lalpaah chuan a thlawn ngai lo tih in hre si a."(I Korinth 15:58) Bible hi thlahnih chhung emaw, karkhat chhung emaw hi chuan, nitin chhiar hi a har lo a ni. A kum a kum khat tawp han chhiarte hi chu a har tawh a nga, dam chhunga nitin chhiar phei chu a buaithlak deuh tawh maithei a ni. Dam chhunga bible nitina chhiar dawn chuan, zinnaahte chhiar a ngai a nga, menrei deuh zan pawhin chhiar a ngai tho awm sia. Mahse, chutiang a nih pawhin a chhiar theih a ni, mi thenkhat chuan, an zinnaah bible chhiar hi an zak lo reng renga, chhiar hun thaah an ngai zawka, Airport, Bus Station, Train Station ah te an bible an phawrh chhuaka an chhiar thin a ni. Keini mizo kristian pachalte hian ngahnge kan kalna apiangah hian, bible kan chhiar zah bik ang. Hunbi insiama, tawngtai pawh hi, karkhat lekte chu tih a har lo, mahse a kum a kum emaw, damch...

"Mi zawng zawngin thil an tisual tawh vek a, Pathian ropuina an chang zo ta lo a ni; chung ringtute chu, Krista Isuaa tlanna awm avang chuan, a khawngaihnain athlawna thiam chantirin an awm a."(Rom 3:23-24) Pathian hmangaihna leh khawngaihna avang chauhin chhandam kan nia, amah kan rinna pawh hi chhuang thei kan ni lo, kan rinna te hi a tlem em em a ni. Pathianin min chhanchhuah a duh avangin min chhandama, tlingah min pawm a ni. Krista kan tan thia a thawh lehna hi kan tlin vena chu a ni. A awmzia takah chuan, Pathianin engkim min tihsak a ni. Min hmangaiha kan boral a phal loa, tichuan min chhanchhuana tur kawng a siama, a fapa kan tan min pea, a fapa Isua Krista chu Lal leh chhandamtu a pawm apiangte chu, tlingah a pawm ta a ni. Amah vekin a ruata, a mah vekin a pe a, amah vekin a pawm leh a ni. Keini hian, ka tih ka tih, ka thawh ka thawh tih tur kan nei lo, kan chhuan tur chu amah kan Pathian chauh a ni. Hei vang tak hian, ...

"LALPA chuan amah tihtute chungah chuan lawmna a nei thin, A ngilneihna beiseitute chungah chuan."(Sam 147:11) Pathian tih dan tha ber chu, amah chauha beiseina nghah hi a ni. Pathian chauha beiseina kan nghah chuan, a thu pawh kan zawm thina, kan tih bawk thin a ni. Tunlai tawngkam takin sawi ta ila, Pathianah chauh beiseina kan nghah chuan MLA, Minister leh thiltithei dangte tih lungawi kan tum loa, amah Lalpa zawk chu kan nunah a lungawi em tiin kan buai kan buai zawk thin. Amah chu kan engkim hnar a ni tih kan pawm avangin, kan nun danah a duh loh zawng a awm em tiin, kan zan mu turte hi kan inchhut thina. Mi chunga tihsual pawh kan hlauh tel thina, kan michhawrte emaw, kan ngaihnep zawng leh kan chhungkua a mi leh mi tupawh hnehsawh deuh hlek leh tawngkam naa kan tawngkhum pawhin nuam lo tihna min neih tirtu a awma, thupha kan chawi leh nge nge thin. Lalpa tih nun, Lalpa chauha beiseina nghahna nun hi, hahthlakna a awm a, Lalpa duh loh anga nun hlauhna kan neih avangin, ...

"Keimahnia Thlarau Thianghlim min pêk hmang hian kan thinlungah Pathian hmangaihna a chhûn luh tawh avângin, beiseina chu a tithlâwn dâwn si lo va."(Rom 5:5)" Pathianin kan beiseina hian min ti mualpho ngai lo a ni. Kan rilru in emaw, midangin emaw, Pathian i beisei ngawta i beisei thlawn a nge, i mualpho phah a nge, min ti maithei a ni. Chutiang chuan, min ti mahsela Pathian kan beiseina avang hian kan mualpho ngai lo a ni. Kan mualpho dawn dawn in kan hre maithei, kan hlawhchham dawn dawnin kan hre maithei e, chu bakah kan duh hunah pawh kan Pathian hi a thawk lo a ni maithei, a duh hunah tak min thawh sak thina, kan lo mualpho deuhthaw tawh a ni pawhin min thawhsak duh hunah a thawka, tichuan nasa zual zawkin min ti mawi leh thin a ni. Amah beiseitute mualpho a phal loh chhanchu, kan Pathian hian min hmangangaih vang a ni. Mahse, Pathiana beiseina zawng zawng nghah ngam  hi a har a, a zawng zawnga Pathian nget taka beisei ngam tur chuan, Thlarau Thianghlim...

Hla phuahtu in… Tûn hi ṭawngṭai hun chu a ni. Thlarau a ṭawngṭai hun chu I ram leh kohhranin ṭawngṭai tûrin an ko che. Tho la, Lalpa hnenah ṭawngṭai rawh. Ni e… keini Pathian nung ringtute hi tûn ang hun aia nasa a ṭawngṭaina hun kan hman tam hun tûr hi a awm dâwn chuang em ni? Ringtute tân chuan chunglam vênna leh humhimna, thlamuanna leh awmpuina bâk beisei tûr a awm dâwn em ni? He kan ram engkim a intodelh loah kan thenawm ram leh khawvel Sorkar an buai em em a… kan ram chan hi a chau teh ang chu… hawh u…kan ram tân leh khawvel thlamuan thei nan… i ṭawngṭai mawlh mawlh ang u. Mak êm êm chu maw…keini ringtu Pathian nung bia inti te hian he khawvel buaina engpawh tawk i la lo hmachhawn tûr hian kan tisa lam a kan theih tâwk chu kan ti ve teh meuh mai. Mahse… kan thlarau nun lam pachhiatna tuaitharna kan  neilo avang hian a chhe ber lo tâwk dâwn ta ila eng nge ka thlarau dinhmun tûr tih lam hi kan ngaihtuah meuh pawhin a lang lo. Kan tisa himna tûr leh puar leh fânna tû...

"Ngai teh u, vawiinah hian in hmaah malsawmna leh ânchhia ka dah a; LALPA in Pathian thupêkte tuna ka pêk che u hi in zawm chuan, malsawmna."( Deuteronomy 11:26-27 )  Mi tamtak chuan, malsawmna chanchintha (prosperity gospel) hi a awm lo ang hial leh kalsualte thu lak dan maiah an ring thin. Mahse, kan Pathian thu kan bible ah hian, a malsawmna kan dawn theih dan tur tam tak a inziak a ni. Chutih rual chiah chuan, Pathian tum ber erawh kan khawvel nun nawmsakna leh hausakna lam a ni loa, kan thlarau chhandama a awma, vanah ro kan khawl zawk chu a ni. Kan hriselna, kan thilneih, kan chhungte zawng zawng pawh hi kan thlarau chhandama a awm theihna turin, kan Pathian hian min laksak tha a ti a nih chuan, min laksak hreh lo ang. Chutiang khawp chuan kan thlarau chhandamna hi kan Pathian hian a ngai pawimawha, chutih rual chuan kan tisa lam pawh hi min thlahthlam chuang lo a ni. Kan bible chang tarlan Deuteronomy 11:26-27 ah hian chiang em em in a inziaka, "Pathi...

"Hmu theia kal lovin, rinnain kan kal zawk si a"(II Korinth 5:7) Pathian atanga chakna leh thiltihtheihna nei tur hian a lang lo lam kan ngaih pawimawh zawk a tul thin a ni. Pathian atanga damna chan kan duha kan tum bawk a nih chuan, a lan danah eng ang pawhin na mah ila, "Lalpan min ti dam a ni" tih chu kan natna ai pawha kan rin zawk hial theihna tur khawpin kan rinna chuan mahni leh mahni inhneh tir kan tum a pawimawha, chutiang turin, a ri a kan sawi chhuah reng pawh a tul a nga. Thlarau lama chakna chuan, pawn lama chakna a thlen thina, Thlarau lama chak lohna chuan pawn lamah chak lohna a thlen bawk thin a ni. Pathian hnenah hna emaw, kawppui emaw, kristian chhungkua emaw, engpawh dil ila, kan kutah kan thil dil chu ala awm hma hauhin, Pathianin min pe ngei tawh a ni, tih inhriatna kan neihtheihna turin, mahni leh mahni kan inhneh a ngaia. Chutianga kan inhneh theihna tur chuan, Pathian hnenah kan dila chu min pek avangin lawmthu kan sawi fo a paw...

"Kan beisei thurin hi a nghin lohna turin i pawm tlat ang u, thutiamtu chu a rinawm si a."(Hebrai 10:23) Thurin kan tih hian, kohhran hrang hrangin kan thurin kan neih hi emaw tih mai a awl a. Hebrai 10:23 in thurin a tih hi chu, Pathian kan rinna zawk hi a nia, Pathiana kan rinna a nghin lohna turin eng pawh kan chungah thleng sela, kan Pathianah hian beiseina i nghat tlat ang u, thu min tiamtu kan Pathian hi a rinawm sia, a tihna a ni ti ila kan sawi sual awm lo e. Pathian rinchhana nun kan tuma, kan nun zawng zawngah kan Pathian hmel tih lan kan tuma, mahse dinhmun khirh lutuka kan lut palh hlauh a ni thei e, chutiang pawh chu ni mahsela kan Pathianin amah kan la ring reng a ni tih a hriat theihna turin, kan dinhmun khirh chhungah hian kan theihna hmun apiangah leh kan theih dan tawk zelin leh kan theihna mi apiangah kan Lalpa hmel chu i ti lang zel ang u. Kan beisei thurin chu kan Pathian a ni a, kan Pathian chu chhandamtu leh chhanchhuaktu a nia, a du...

"Rinnaah chuan in awm emaw, nangmahni ngei inchhin thin ula; nangmahni ngei in fiah thin rawh u. A nih loh leh, nangmahniah Isua Krista chu a awm tih nangmahni ngeiin in hre fiah lo vem ni Duh loh in nih nghal loh chuan."(II Korinth 13:5) Eng pawh ti ila, 1) Pathian rawng kan bawl emaw, 2) Hna kan thawk emaw,  3) Fa/naupang kan enkawl emaw, 4) Nupa in chhungkua kan din chho mek emaw, 5) Kawppui kan zawng emaw, 6) Tu neiin chhungkaw pa ber leh nu ber kan ni emaw, 7) Association ah hotu kan ni emaw, 8) Inhlawhfa hniamte kan ni emaw, 9) Sumdawng dinhmun kang hleithei lo kan ni emaw, 10) Dinhmun thaa ding mek kan ni emaw, Rinnaah kan awm em tih hi kan inchhut nawn fo a tul a ni. Rinnaa awm tih awmzia chu, Pathian kan rin avang leh amaha kan innghah avangin a duh angin nun kan thlang tihna a ni. Mihringte hi kan nghet loa, kan bul ami ten thil dik tawk lo an tih an tih chuan ti ve duh mai thinte kan nia. Heng hi kan khawvel ze kentel a nih avang hian, mahni kan fimkhur...

"A kotu che u chu a rinawm a, tih pawh a ti bawk ang."( 1 Thessalonians 5:24) Tisual pheng phungin kan tihsual man kan seng nawk nawk chang a awm a, thlemna leh sual do zawh loh chang a awm fo, kan tihtur kan tih loh avanga buaina tawh chang lah a tam, kan tihtur kan tih pawha chapona suala tluk changte nen mahse "min kotu zawk hi a rinawm em avang hian kan tluk hlen hi a phal ngai lo a ni." Philippians 1:6 Nangmahnia thil tha ti tantu khan Isua Krista ni thlengin a tifamkim zel dawn, chu ngei chu ka ring tlat si a. Bul min tansaktu, he khawvel eng hmu tura kan nu leh pate, kan pi leh pute, kan pi te pi leh kan pute pu intawntirtu Pathian hian kawng laklawhah min kalsan mai dawn lo a ni. Min hruai zel dawn a ni. "I khawngaih Kross kawng zawhin, i rawngbawl lamtluang ka chhui,  Kawng nuam leh hahdam changte pawh thin;  Kawng hahthlak leh raltia min hruai niah pawh hianin,  I rinawm zia min hmuhtir leh thin."