Jehova-Jire.blogspot

Mithianghlim lâwr hi ringtute tan a awm dâwn loh chuan tûn a Isua kan lo rin hian awmzia a nei dawn lo va, Isua lo kal lehna hi mithianghlimte tân a ni dawn lo, thir tianga rorel turin a lo kal dawn a, Khawngaihna hunah hian Thlarau thianghlim tilungngai a tivuitute tân Pathian thinurna(Lalpa Ni) a lo la thleng dawn a, Isua thir tiang nen amah ring țha duhlotute tan a lo kal leh dawn ani. Ringtute chu min lawrtu tur Isua penticos ațang khan Thlarauvin kan hnenah a awm reng tawh zawk a(Johana 14:17,18), Paula'n Lalpa hmuak turin chhum zingah lâk chhohvin kan awm ang a tih ang khan kan hnena awm Thlarau Thianghlim hian chhum zingah Lalpa hmuak turin min chhoh pui dawn a ni(Tumah puitu tel lovin chhum zingah khian chhoh han tum chhin teh. Isua lo kal lehna(Second coming) chu amah kraws a khengbettute tan leh amah phatsantute tan leh tun huna ring duhlotute tan ani a, chu chu Lalpa Ni tih te, Pathian thinurna Ni ti te in Bible ah kan hmu a, Pathian thinurna tawngtu kan nih

Pathian hnena dilna chang kan hriat loh ṭhin chu ' A mi awmpuina( presence) / a chenchilhna'  hi ani.  Exodus 33: 16b  " Lei chunga mihring zawng zawngte hi kei leh i mite nên kan inthliar hranna tûr chuan ,  nang kan hnena i kal ṭhin hi a ni lo vem ni? "  tiin Mosia chuan Pathian hnenah an bula kal ve zel turin a dil ngawih ngawih mai ani.  # LALPA min awmpuina ( presence )  chhûngrilah hriat theih loh / feel theih loh chang  ka nei ṭhin a, chutiang ang hunah chuan ka mang a ang ru fo ṭhin. LALPAN min hriatfiah tir tak chu " Ka mamawh ber chu , thildang hmuh theih khawih theih thil , sum emaw silhfen emaw , ka thil dil min tih hlawhtling sak se tih lam ani lo.  A mi awmpuina( presence )/ chenchilhna zawk ani ka lo mamawh ber chu ni.  ' LALPAN min awmpui ani ' tih chhungril aṭanga kan hriatfiah chuan thla a muang a, min ti huaisen a, min ti chaka , ngaihngam takin min awm tir ṭhin.  Pathian hnenah dil tur ka hre lo, ka mamawh engkim min pe

Mi hlauhawmte thaw chu thlipui in bang a nam sawk sawk anga a lo awm laite hian, nang chu mi rethei tân kulhbing, pachhe mangan lai atân kulhbing, thlipui lakah inhumhimna, ni sa hliahna i ni si ṭhin a. ( Isaia 25: 4 ) LALPA chu mi vêngtu a ni a; Ka tlachham lo vang.  ( Sam 23:1 )  # LALPA , PATHIAN engkim ti tu , engkim neitu kan tlakchham loh phawt chuan, khawvel thil hmuh theih te nei lo mah ila, hmuh theih loh thinlungah chuan Rinna ah engkim neitu kan ni e.

Ngaihdamna hi thil pawimawh berte zinga mi a ni awm e. Pathian leh mihring inkarah a pawimawh ang bawkin, mihring leh mihring inkarah pawh a pawimawh a. Chhungkuaah pawh sengluh a nih loh chuan, inmihranna bak hmabak a awm thei lo. Ngaihdamna tel lovin‘Pathian mi‘a nih theih lo va, Ngaihdamna tel lovin chhungkua a khawsakho theih bawk hek lo. Kohhranhovah ngei pawh hian ngaihdamna tel lo chuan rawng a bawl ho hleih theih loh a ni.            Ngaihdamna chungchang hi Bible ah eng ang takin nge hman a nih a, eng ang taka hmun pawimawh luah nge a nih i lo en ho teh ang. Thlahtu Evi leh Adama te’n thil an tihsual lai khan ngaihdamna hi chelek a nih awm reng reng a lang rih lo va. “In ei chuan in thi ang, a tawh pawh in tawk tur a ni lo” tih a ni. A nih ang taka hman a nih chuan khawvel hian a dawl zo lova ,‘Bawhchhiatna fa’ kan lo nih phah zo ta a ni. Ngaihdamna chelek a nih loh avangin khawvel leh a chhunga awm zawng zawng te pawh chu Pathian anchhedawng kan lo ni zo ta a. Nat

Mi piangthar, Chhandamna changtu ni si Pathian ram zauna tura Rawngbawl tum lo mi chu hnathawh nachang hre lo, mi thawhchhuahsa awmsa ringa nung ve tawp ang a ni. Pathian nena lengdunna tak tak i neih tawh chuan Bible chhiar lo leh ṭawngṭai lovin i awm thiam tawh lo vang. Bible i chhiar loh niin khawhar leh ruakin i in hria anga, kim lo riau ang ten i in hre tawh zawk ang.  Inkhawm te hi miten an peih lo ṭhin ani mai thei, Pathian nena in lengdun tawh phawt chuan inkhawm hi nuam iti leh em em tawh ang.    " Bible chhiar leh Ṭawngṭai  ka peih lo " , inkhawm ngai ziah hi ka ning" i la tih chhûng hi chuan Pathian nen inla lengdun lo ani.  # Pathian nena lengdunna tak tak i neih tawh chuan,  ngaihzawng i nei a, i bialnu/ bialpa i biak hun , in awmdun hun kha i nuam tih leh nghahhlelh ber a ni ṭhin ang khan Pathian nena inbiak hun hi i nuam tih leh i nghahhlelh ber ani tawh mai ang. # I chhia leh ṭha hriatna in  " A ṭha lo a ni " tih a hriat ngei thil ch

1. Ninevi Khawpui Ninevi khawpui hi Nimrod a din a ni a (Gen.10:6-12), Mesopotamia rama khawpui ropui leh hlui ber te zinga mi a ni. A hming awmzia hi Assyrian Nina or Ninua tih ațanga lak niin, Heb.ninʹe-ve tih chu “Sangha” tihna a ni a,“Sangha Khawpui ”tihna a ni mai awm e.  Khawvela khawpui hlui ber te zinga mi niin, thilhlui laichhuaktuten an chhut danin Ninevi khawpui hi BC 4500 vela din niin an chhut a. Thil laihchhuah zingah hian Ashurbanipa Library, Cuneiforms tablets 16,000 chuang zet a tel a, heng ațang hian Thilsiam leh Tuilet (history of the flood & creation) chungchang te bakah, hun kal tawh a sakhuana lam leh khawvel lam thil tam tak an hriat belh theih phah a ni. Assyria khawpui Ninevi hian an Lal Sennacherib (705 B.C – 612 B.C) hunlaiin a vanglai a tawng a.  Sennacherib Lalna a tawp hian Ninevi khawpui pawh a tluchhe ve nghal ang a ni. Ninevi khua hi Tigris lui chhak lam kamah a awm a. Acre 1800 a zau chhungah, leirawhchan (brick) a hung, mel 8 kual chhu

Thuhmahruai Ringtute hi kan mikhualna ram khawvela awm kan nih avangin, kan nundan, chetzia leh rilru put hmang chu khawvel mite (ringlo mite) nen danglam turin Pathianin min ngai a, min beisei a ni (Rom 12:1-3). Kan thiltih ţhat te, kan awmdan mawi te, kan ţawngkam leh chezia duhawm tak te an hmuh hunah ringlo mite rilru a hneh ang a, Pathian lam an lo hawi dawn a ni (Matt.5:13-16, Phil.1:27-29, 1Pet. 2:11-12). 👉🏻Mahse, thil mak tak chu, a chang chuan‘ringlo mite hi ringtute aia an ţhat zawk chang leh kawng dika min hruai zawk hun a tam‘tlat mai! Jona 1:1-17 kan chhiar chuan, hei hi a dik zia Pathian Zawlnei Jona chungah chiang takin a lang a ni! Jona hian Pathian nung chanchin chu ţawngkam leh chetziaa ringlo mite hnena hril tur a nih laiin, Ringlo mite zawk hian Pathian Zawlnei Jona hi an sawi harh a, kawng dikah an hruai zawk tlat a nih chu! Ringlo mi Lawng Captain in Pathian Zawlnei Jona a Hau! Tarsis pan tur Lawng chhuak chu thui pawh a kal hma in thlipuiin a nuai t

Thuhmahruai Assyria mite sual turu dan hrechiangtu mi tam tak chuan, an sualte sim a Pathian hnen lama an kir theih mai an ring ngai lo. Mahse, Assyria khawpui, a hunlaia khawvela khawpui lian ber ni hiala chhal Ninevi khuaa mite chuan Jona'n tlân pah a Pathian thu tawi te a sawi chu an bengkhawn a, an ngai pawimawh a, an sualte simin Pathian lam an hawi phah tlat a nih chu! Jona Pathian thusawi (preaching) chauh hi nge an nunah awmzia nei a, thildang a tel ve? tih lai hi rilru ah zawhna a lut nghalin ka ring, a pawimawh reng a ni. A chhan chu Pathian thu in “an ţhatna turin engkimin a thawhsak hlawm ţhin”tiin min hrilh tlat a (Rom 8:26-28), hmanraw dang pawh Pathianin a hmang tel thei tih a chiang a ni. Jona Thusawi Kha a Pawimawh Lutuk Pathianin Jona hnena tih tur a pek chu“Tho la, Ninevi khaw ropui takah chuan kal la, anmahni kalh in thu va sawi rawh” (Arise, go to Nineveh, the great city, and preach against it) tih a ni. Jona chuan Pathian duhdan ang takin thu ava

Sual hi engațangin nge kan teh a,eng hi nge suala kan ngaih chin niang le?  Ruk2,uirena,eirukna,thinrimna,inhauhna, a tam mai swisen chi pawh a nilo e. Heng zawng2 mai hi em ni suala kan ngaih ang le? Heng kan sawite hi sual chu a ni tehmeuh mai. Heng zawng² laka kan fihlim hian mifel varam kai tlak chu kan ni mai em? Sual laka kan inthiar fihlim țang2 a,rinawm taka thihtlenga kan awm țang² hi thiam kan channa ah kan ngai em? Jakoba 4:17 ah chuan, 'Chutichuan, tupawh thil tha tih tur hriaa ti si lo chu a tan sual a ni.' a ti a. Sual a vahan tam sawt em! Ringtu nunah chuan tihsual aiin tihloh sual hi a tam fe zawk a ni. Lal Isuan,"Tupawh hmeichhia ngaih chaka melh apiang chu uire ka ti"a ti a. Uire chu Isuan Vanram kailo tur list a a sawi a ni. Mi ang pangngai tan chuan a ngaihna a vang khwp ang. Kan eiruk loh a,langthei sual kan khawihloh avang hian kan thianghlim chuanglo a,Rulhût silfai ang lek kan ni tihna a nih chu. Mihring fak erawh kan hlawh ngei ang

Thupuan 7:13-14 "Tin, upa zinga pakhat chuan ka hnenah, “Heng puan var sinte hi tute nge ni a, khawi atanga lo kal nge an nih?” tiin mi bia a. Tin, kei chuan a hnenah, “Ka pu, nangma'n i hria alawm,” ka ti a. Tin, ani'n ka hnenah, “Heng hi hrehawm nasa tak ata chhuakhote kha an ni a, an puante Beram No thisena suin an tivar ta a." Kan chenna hi Khawvel ngang a ni a, thihnain a tlawh loh chhungkua pawh kan awm ãwm lo ve. Kan hmangaih leh kan duh ngawih ngawihte nen kan inthen zel mai chu a nia. A va lungchhiatthlak thin tak em! Ngaiin thlahlel êm êmin kan inthen a, mittui sur zung zung chungin kan inthlah liam thin a nih hi.  Thlahlel hle mah ila hemi khawvelah hian kan intawng tawh dawn si lo va, kan khua a har ngawih ngawih mai zawng a nih hi maw! Kan chettlatna hmun apiangah kan mitin (awm ta lo chu) a zawng ru reng a, kan bula awm turin kan suangtuah bawk a, anih loh leh khawi atangin emaw min lo thlir reng niin kan hria a, kan tap a, kan tah laiin min

KA HRINGNUN Felna kawnga kal theilo ka nih avangin. Aman Felna kawngah min hruai a.   Chawlh duh mah ila, ka chawlh theihloh avangin, Amah bawkin, Chawlhna tuikamah min chawlhtir thin a. Hlim ka duh a. Ka hlimpui zawng hi Lalpa ten zawng ber anih avangin, khawvêlah mualpho leh zakin min siam a. Amah chauh chu ka hlimna anih theih nan ka țap a. Ka țah chhan lah Mahni in khawngaih vang ani zel mai si a. Tholeh thlarau chuan  ka hringnun chu trap tur ani tih min hriattir a. Ka thlarau,a angchhunga min thuhruk sak thuin tisa țap mai mai chu a chhuk en thiam țhin.       Jehova - Jire Issac Hc Laltlanhlua

Thufingte 8:13 Lalpa țih chu sual huat hi a ni. Lalpa hi kan țih tak² em? Sual hi kan haw tak² em, tih hi mahni țheuh in enfiah teh ang u. Sual haw tur chuan sual hi enge a nih tih hi kan hriat hmasak a țul a ni. Ephesi 2:10 ah, Thilțha ti atan Krista Isuaah siam kan ni,tih kan hmu a.  Mahse,chu2 harsa kan tih em² a ni lawi bawk si a. Chutak chu ni sawi ka duh chu. Inkhawm aia khawmloh thlang tlat tu te,Bible chhiar aia chhiarloh thlang tlat tu te,Țawngțai aia țai loh thlagtu te,Tlawm harsa ti tlat tu te,a tam lutuk sawivek sen pawh a ni lo.  Heng zawng² nun kawltu hi nang leh kei hi kan nia. Kan chhungah hian a awm tlat a ni. Chu2 a ni kan huat tur chu. Miin i pawi an sawi a nangmaha tilêt ve chak tlattu kha i huat tlat chuan tih lêt veloh kha a ni mai. Nangmaha Țawngțai peihlo tlat tu kha i huat chuan țawngțai kha a ni mai. Amah aia thildang thlang tlat țhintu nangmah a mi ngei kha a ni huat tur chu. Sual hi a hla lo teh a nia. Lalpa țihnain miin sual a kalsan țhin si a.

Misual sim lo chuan chatuan ram a luah thei lovang. Sual rêng rêng chuan chatuan ramah hmun a nei dâwn bawk hek lo. Chuvangin misual Chhandamtu Isua Krista chuan sim duh apiangte chu lãwm takin A ṭanpui ṭhîn. A thisen chu misual tân a far sî a.  Engtin nge mihring chu Pathian laka a fel theih ang? Engtin nge misual chu tihfela a awm theih ang? Krista zarah chauh hian Pathian leh thianghlimna nen inremin kan awm thei a; mahse Krista hnênah chuan engtin nge kan kal ang? Pentekos nî a mipuiin an sualte an lo hriatchhuah a, “Enge kan tih tâk ang?” tia an zâwt ang bawk kha tunlaite hian an la zâwt zêl a ni. Petera chhanna hmasaber chu, “Sim rawh u,”  (Tirhkohte 2:38)   tih hi a ni. Chumi hnu lawkah, “Chuvangin in sualte thaibo a nih theih nân, sim ula, hawikir leh rawh u,”  (Tirhkohte 3:19)  a ti bawk. Simna hian sual vanga lungngaihna leh sual hawisanna a fãwmkêm a. Sualna hi a sualzia kan hmuh loh chuan kan bansan thei lovang; sual chu thinlung taka kan hawisan loh chuan nunah hian dangla

He hla ropui tak phuahtu John Newton hi July 24, 1725 khan John Newton Sr. leh Elizabeth te fapa neihchhun ni turin Wapping, London-ah a lo piang a, amah hi Bristish Lawngkhalhtu leh Anglican kohhran hruaitu ti a hriatlar a ni bawk. A tir chuan chhungkaw pangai tak atanga seilian nimahse Kum 7 mi lek a la nih laiin vanduaithlak takin a nu in Tuberculosis natna vangin a boral san hlauh mai a, a pa lah lawngkhaltu a nih avangin hnathawk a a zinbo reng a ngai a, Newton chu a nun a khawhar thin hle. Sikul pawh kal mumal hman lovin kum 11 a tlinin a pa hnen atangin lawng khalh a zir tan ta a. A lo tleirawl chho a enkawltu nei lo na na na chu a nun khawharna chhawk zangtu emaw tiin kawng diklo a zawh chho ta tlat mai. A pa hnen atanga a tal hran hnu phei chuan eizawnna duhawm loh tak kawng zawh chho in Africa ramah bawih hralhin a sumdawng chho ta a. A nun khawharna hnemtu emaw tiin khawvel lamah nuam a tawl nasa hle a. Zu leh sa nen, mipat hmeichhiatna chenin a hun hlu tak

"Nimahsela ani chu kan bawhchhiatnate avângin hliamin a awm a, kan khawlohnate avângin vuak thitlinin a awm a:kan thlamuanna tûr thununna chu a chungah a tla a; a vuakna vualtea tihdamin kan awm ta."(Isaia 53:5) Miten dawtin an phuh chea, thiamthu i sawi thei si lo em, I dikna zawkah dik lo zawk ang maia thuphachawi i ngai em, Hah taka i beih hnuah hlut loh leh hmuhhmaih i ni em, Isua Krista ser kha han en chhin teh, tah chuan damna i va hmu ang, damna i hmuh chhan tur chu maw, "A tihsual ni miah loah, kei ni misualte avangin, 1) Dawta phuh a ni a, a thiamthu a sawi thei lo, a thiamthu sawi sela chuan, nang leh kei hian thiam kan chang dawn si lo, tawngkam khata khawvel siam chhuaktu kha, nang leh kei tan hian a ka a ang ngam lo, a thiam chhan theihna tura ang ngam lo a ni lo, nang leh keiin thiam kan channa tur zawkin a ni a an ngam loh ni, a tlawm ta a ni, a tlawm a ni. 2) Nasa taka vuak a nia,   Hling lukhum a khuma, 3) Kross ah mualpho takin khenbeh a nia

I Tluk Lai Pawhin, Kaitho Tur Che'in A Hnai Reng "Mi fel chu vawi sarih tlu mah sela, A tho leh zêl ṭhîn; Mi suaksual erawh chu chhiatnain a tiboral ṭhîn."(Thufingte 24:16) Naupang hi kal a zirlai chuan, a tlu a tlu thin a ni, chutia a tluk chuan a bulah a nu leh a pa an lo ding thina, a tluk apiang chuan an kai thoa, kal leh rawh bawihte kal leh rawh an ti thin. Chutiang ang chiah chuan kan tluk hian, kan Pathian hian min kaithoa, kal leh rawh min thin a. Pa hian a fa kal zirtir chu, a tluk apiangin, a kawnghrenin a vaw nghal ngai lo, a kai tho zawk thin a ni. Keini pawh hi, kal kan zira kan lo tluk palh hian, kan Pathian hian min vaw ngai loa min kaitho leh thin zawk a ni. Ke a kala, tlu leh thil tha tih duha suala tluk hi thil hran daih a nia, entirnan kan hmang nasa lutuka, kan sawi pawlh lo chauh tawh te hian a hriata. Chutih rual chuan, Lalpaa a thinlung dah thintu chu, kea mi a tlua atho leh thei thin ang hian, sualah tlu palh mahsela a tho leh thei thi

SAM 42:11 Aw ka nunna, engah nge i kun reng? Engah nge ka chhûngah hian i buai ni? Pathian beisei rawh; amah chu ka la fak dâwn si a, Ka hmêl tidamtu leh ka Pathian chu. Hringnunah hian hlimna hlu ber kan tih hi eng nge ni ang le? Eng thilin nge chu hlimna hlu ber chu rawn thlen ta ang? Beiseina reng reng awm tawh lohna hmuna kan ngaihtuah phâk miah loh beiseina rawn thleng thut ṭhin hi a hlimawm dân a rilin, a mi deh dân pawh a thûk riau ṭhin. Samuel Smiles-a chuan beiseina chu ‘êng mâwi tak; kan harsatna thim chhah tak rawn chhun êng tu’ niin a sawi a ni. Beiseina nei tawh lo nunah beiseina thar êngin (k)an nun a rawn chhun ên riai riai hian mihring nunah hlimna hlu ber chu a thleng mai awm mang e. Sam ziaktuin a nunna chu kun reng lo tûrin leh buai lo va Pathian beisei tûrin a ti a ni. Pathiana kan beiseina chu êng mawi tak; kan zin kawng thim tak zawh mêk atâna chakna min petu leh êng a ni ṭhîn.