Jehova-Jire.blogspot

"LALPA chuan an kalna turah a hruai thin a, A duhzawng titute chu a veng thin."(Sam 37:23) Sam 37:23 na hi saptawng Bible KJV ah chuan "The steps of a good man are ordered by the Lord, And He delights in his way." Saptawng a, anihna ang tak chuan hetiang hi ani ang, "Mi fel kalna tur chu , Lalpa'n a ruat sak thin a, A kawngah chuan a lawm a." Kan mizo Bible ami nen hian a kawh chu a in ang reng tih a hriat awm e. Mi fel a tih awmzia hi "amah ringtu leh tihtute" an ni a, tunlai angah chuan "Isua chhandamna pawmtu leh a thu zawmtu te, an tihsual palh pawh a Isua khawngaihna ring a, insiamtha leh thin te hi, mi fel bible'in a tih te chu, an ni ang. Lalpa chuan mifel, amah tihtute chu "an kalna tur a ruat sak tak tak a, an kalna turah a hruai thin tak zet  bawk ani. Lalpa, i mithmuh a mi fel ka nih theih nan min pui la, ka nun hruaitu lo ni ang che. Ti ang o.

"Aw Pathian, nang chuan ruah tam tak i surtir a, I rochan chu, a chauh lai khan, i tinghet a."(Sam 68:9)   Kan chauh lai hian Pathianin min hlat emaw keimah niin kan hlat emaw kan ti thin a. Mahse, Pathianin min lo tinget zawk ani thin. Joba kha a chau ani, mahse khang a harsat lai leh a chauh ngawih ngawih lai khan zirtur pawimawh em em a zir chhuak a. Engmah anih loh zia leh Lalpa khawngaihna avang chauh a nung mai ani tih, a hmu chhuak ta a. Chutianga alo NGHEH hnuah chuan, Lalpa'n nasa zawk a malsawm tlak ani tih a hria a, a malsawm ta ani. Lalpa min tih nghetna atang chuan, chakna thar kan chhar chhuak thin alo ni. Lalpa, harsatna hmunah chau thin mah ila, min tinget ani tih hre tlat a, i thu chauh ka zawm theih nan min pui ang che. Ti ang o.

"I bul lamah tê mah la, I tawp lamah i lian ang."(Joba 8:7 ) Miin, Pathian a vawn tlat chuan, mi Mawl leh Rethei, Hrisel lo leh Theihna nei lo pawh ni se la, Dinchhuah hun a nei tho tho thin. Miin, Pathian a thlauh thlak chuan, eng ang pawh a, Fing leh Hausa, Chak leh Huaisen pawh ni se, tluk chhiat hun a nei tho tho thin. Pathian hi, mi rethei lamah a tang hrim hrim lo a, mi hausa a ho hrim hrim lo bawk. Lalpa chu,"AMAH TIH TU TE LAM A TANG THIN PATHIAN ANI A." Eng dinhmunah pawh ding ila, eng ang mi pawh ni ila, Lalpa Tih Tu kan nih hi a pawimawh ber ani. Hlawhtlin i duh chuan Lalpa tih rawh. Lalpa, nangmah tih tu ka nih theih nan min pui ang che. Ti ang o.

"Thirin thir a tihriam a, Chutiang bawkin miin a thian hmêl a tihriam."(Thufingte 27:17) Thufingte a kan hmuh ang hian mi thate kan hnaih tlat chuan, thirin thir a tihriam angin, kan that phah ve thei a. Mi tha lo kan hnaih tlat chuan kan chhiat phah ve thei bawk ani. Chuvang chuan "KAN HNAIH TUR MI KAN THLAN FIMKHUR A TUL ANI." Rinna kawng kan zawh hian, kalpui tur leh kan intihchak pui tawn tur te hi kan mamawh a, mahni a mal kal loh hi a tha a. Kan kal ho hian, kan lo intichak tawn thei thin ani. Engtik lai pawhin a "Eng zawnga nun thlir thiam mite" bula awm hi a tha a, tunlaiah chuan kan phone hmangin flim, hla, thuziak, video te kan hmu thei vek tawh a, hengah te pawh hian "Pathian thu leh kan BEISEINA min tihchak sak thei thil te" kan thlir tam a tha awm e. Sualin a hliam te, ruihhlo ti emaw thil dang hmanga sualin a hliam te, kan thlauhthla tur tihna ani lo a. Chung mite chu mahni a buaipui mai loin, Rinna kawnga kan kalpuite

"Chuvangin, tu man mihringte chhuang suh se. Engkim hi in ta ani vek si a."(1 Korinth 3:21) Engkim inta a ni titu Krista hi kan ta ani a, ata pawh kan ni. A nuam apiang te, a hlimawm ber apiang te, lei hausakna te, hlawhtlinna te hi kan ta chauh tur ani lova. Natna te ,thihna te, phatsan te, hlawlhchhamna te, beidawn chang te, retheihna te, sawichhiatna, tiduhdahna, hmuhsitna, tlamchhamna te hi ringtu te tan pawh ani vek a. Mihringte tawrh atan a rapthlak ber leh hreawm ber ni ah kan ngaih te pawh hi, "Krista nen a tuar thiam apiangte tan malsawmna ah a chhang thin zawk ani." Lalpa, ka harsatna hi malsawmna ah ila chan tir dawn ani tih hriain, nangmah vuan tlat thei turin che in min pui ang che. Ti ang o.

  "A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u nia."(Matthaia 6:33) A ram leh a felna zawng hmasa zawk rawh u, a tih tak hi a awlsam zawngin sawi fiah ta mai ila. "Keimah min Nei hmasa phawt rawh u" a tihna ani ber a nga, engtin nge Lalpa chu kan neih ang? Tih hi zawhna a awm leh ta a, Bible ah chuan " In thinlung zawng zawnga mi zawn hunah chuan mi hmu ang" (Jeremia 29:13) tiin a awm a. Thinlung zawng zawng a zawn hunchhung leh zawn chin tur hi a in ziak lo a, kar 2 chhung emaw, kum 5 chhung emaw lam pawh a insawi lo a. Lalpa hi kan damchhungin "Kan Thinlung Zawng Zawng A Kan Zawn Reng A Ngai Ani." Chaw ei reng kan ngai ang leh chaw kan ei apiang a kan puar ang hian, Kan Thinlung Zawng Zawng a kan zawn apiang hian kan hmu thei thin a, kan zawn loh apiangin kan hlat thin ani. Chu tiang taka Lalpa kan Hnaih Tlat Chuan, A Ram Leh A Felna Zawng Hmasa Te kan ni a nga, Lalpa Neitu

"Kan buante hi tisa leh thisen an ni si lo, lalnate leh, thuneihnate leh, he thim chunga khawvel roreltute leh, van hmunahte thlarau sualho awmte an ni zawk e."(Ephesi 6:12)  Sual do emaw, Sual hnathawh beih let kan han tih hian, THARUMA han beih chiam tur pawh hi a awm hran lo a. Kan tawngkam hman hi, a rum lutuk a, rum deuh a beih tum tawk te pawh kan awm fo thin. Sual do dan tha deuh chu :   1) Inkhawm: Kan inkhawm hian, thu tha kan rilruah tuhin a awm thin a. Tin, Thlarau Thianghlim chu fakna ah a chen thin avangin, kan inkhawmna a Pathian fakna hla kan sak vang leh Pathian thu kan sawi bawk thin avang hian, kan inkhawmna ah hian Thlarau Thianghlim a cheng tlat a, kan hriat kher loh pawhin kan inkhawm phawt chuan Thlarau Thianghlim'in engtin emaw tak min lo khawih thin ani.                        Sual lama mi a tluk dawn hian, a hmasa berah a inkhawm peih lo thin a, sual chuan a chaw dawt pakhat tih chhum phawt a, zawi zawi a tiah dar a tum thin ani. 2) Ta

"Kawr tin chhun khah a ni vek ang a, Tlang tin, mual tin, tihhniam a ni bawk ang; Kawng kawite a lo ngil ang a,Kawng bumbohte a lo rual bawk ang."(Luke 3:5)  Isua i nei em? Isua i neih chuan mo! Eng ang harsatna kawr ruamah awm mahla chhun khah ala ni ang.  Tlang ang maiin i hmaah harsatna leh buaina lo ding luah mah sela tihhniam ala ni ngei ang. I hringnun kawng zawh chu a kawiin a bumboh a ni maithei mahse tih rualremin ala awm ngei ang.  Isua neitu i ni a i beidawn chuan, Isua chiang zawkin ennawn leh la, Beidawng suh o "I Nun Ah Nasa Zawkin A In Puang Dawn Anih Kha." Isua i nei lo a neih i duh chuan tawngtai la "Isu Neih Che Ka Duh A Min Pui Ang Che," i ti dawn nia. Isu rohlu ber, hriat chian leh zual che hi ka duh tak zet a, min pui ang che. Ti ang o.

"Chutichuan Pathian nung chu kan rin avangin kan thawk rim a, kan bei hram hram a ni si a; ani chu ringtute chhandamtu a ni deuh ber mai."(I Timothea-4:10) He thu hi Paula'n Timothea a fuihna a ni a. Heta tang hian Paula te pawh khan phur tak te, nuam ti tak te'in rawng an bawl biklo tih a hriat theih a. Keini pawh "nuam kan tih chauh lai te, kan phur lai te, kan chak lai te chauh a Isua hnung zui tur kan ni lova. Kan chak loh ber lai te, kan phur loh ber lai te pawhin Isua hnung kan zui tlat a kan tih hram hram a ngai ani." Tin, rinna a kan lo thanlen zel nan leh kan rinna a lo chak thei nan Bible chhiar te, tawngtai te, inkhawm tlat te hi kan tih hram hram  a ngai a.  Kan tih hram hram a kan beih hram hram chuan keimah ni mai bak ah midang tan malsawmna kan lo ni thei bawk dawn a ni.

"Kei erawh chuan ka hrilh a che u, in hmelmate chu hmangaih ula, a tiduhdahtu che u chu tawngtaisak rawh u."(Matthaia 5:44) Kan thian tha te leh kan chhungte hi "i hmelmate hmangaih la, a tiduhdahtu che kha tawngtaisak bawk la," ti ila chuan mawl min ti ngawt ang. Keini pawhin midang hnen a chu tiang ang a ti tur a hrilh chu, tih tur awm angah pawh kan ngai lo ang. Mahse, Isua'n amah ringtu te chu ti turin min ti vek bawk si a, a awmzia tak hi kan chhut chian a ngai ani. Khawvel kalphung hrim hrim ah hian mi kan chunga an that chuan an chunga that chhuah hi ba ah kan inngai tlat thin ani. Sumdawnna hi a chhutchian nan han hmang ta ila, "kan chunga that chhuah ngai miah lo kha, an chungah that han chhuah ta tlat ila, min dawrh chu ba ah an in hre tlat a nga, chu mai pawh chu ani lo ang, an hmelhriat zawng zawng te hnenah pawh, an ni kha dawr rawh o! An fel teh a nia min tih duh hial a rinawm ani.  Lehkha kan zir ho na ah te, rawng kan bawl hona ah te, kan in

"A ni, nangmah nghaktu rêng rêng chu tumah mualphovin an awm lo vang: A vang awm lova vervek taka titute erawh chu mualphovin an awm ang."(Sam 25:3) Lalpa beiseia nghaktu reng reng hi, Lalpa'n an mualpho a phal ngai lo tak tak ani. Mihring leh mihring bawk te hi kan lo beisei fo thin a, kan chhungte, Minister te, Pastor te leh midang thiltitheiah te pawh kan innghat thin a, kan buai lehthin anih hi. LALPA A INNGHAH CHU, ATIRAH CHUAN LALPA HNATHAWH A LAN MAI THIN LOH AVANGIN, ATTHLAK ANG HIALIN A LANG A. MAHSE, A REI TIAL TIAL A, LALPA THAT ZIA A LANG NASA ZUAL ZEL A, A TAWPAH PHEI CHUAN LALPA A INNGHAT MI CHU TUMA TLUK PHAK LOH ANNI THIN ANI. (Tawngtai Dan Tur) Lalpa, midang tel miah loin, Nangmah chauh Beisei a Nghaktu che, ka nih theih nan min pui ang che. Ti ang o.

"Pum chhûnga ka siam hmâ chein ka hria che a, Chhûl ata i chuah hmâ pawhin ka serh hrang che a, Hnamte hnêna zâwlneiah ka ruat tawh a che, tiin."(Jeremia 1:5) E nge aw, ka nih ang? I ti thin tiro! Isua ah hian, i nih tur zawng zawng a awm tawh ani. Nasa zawkin Isua en la, i nih theih tur chu amah ah chuan i hmu ang. Isua a i nihna ah chuan:- 1) Kalsan i ni ngai reng reng lo. 2) Mihring tumahin ngaihsak lo che mahsela, Lalpa'n a ngaituah che a, a ngaihsak reng che. A ngaihsak reng che tih i hriat theih nan, amah ah i awm a ngai ani. 3) Nu pum chhunga kan awm hmain, kan pianna hnam tur leh kan pianna chhungkua tur Lalpa'n a relfel tawh a, chu kan pianna chhungkua leh hnam chu Lalpa lama enge maw kawng zawng taka hruai turin theihna min pe sa tawh ani. 4) Kawvel mi zawng zawng pawh hian, theihna leh hlutna i nei lo ti mahsela, Bible thu Pathian thu chuan Theihna leh Hlutna i nei a ti che a, midang zawng zawng khan dawt an sawi anih kha.                             Sual 

"Ka fapa, ka thute i dawn a, Ka thupêkte i khawl khâwm a, Finna lama i beng i chhit a, I thinlung hriatna lam atân i pêk chuan; A ni, hriatna i auh va, Hriat thiam theihna pawh i auh chuan, Tangkarua anga i zawn a, Ro phûm ruk anga i zawn chuan, LALPA tih nanchang i lo hria ang a, Pathian hriatna chu i chhar chhuak ang."(Proverbs 2:1-5) Pathian tih chu enge ni? Pathian tih tih chu sual huat hi a ni a. Mahse ngati nge sual hi kan huat loh le? Ngati nge Pathian tih hi a harsat em em le? Pathian tih tih chuan sual kalsan mai nilo Thil tha tih a keng tel bawk a, ngati nge thil tha tih te hi kan harsat em em le aw?  A chhanna chu chang 1 na ah hian a awm : Ka thute i dawn a ka thupêkte te i khawl khawm a, alo ti a ni. Chutianga Pathian thu kan dawn nasat chuan chang 5 na ah Lalpa tih nachang ilo hria anga tih a rawn ziak ta chiah mai. Pathian thu chu ka dawn nasat chuan Lalpa tih nachang chu ka lo hre dawn a nih chu. Lalpa ka tihloh chhan chu Pathian thu ka lo dawng ng

" LALPA chuan finna a pe thin a, A ka atang chuan finna leh hriat thiamna a lo chhuak thin a ni."(Thufingte 2:6)                  Pathian hnenah Finna hi, Ama Rawng kan bawlna atan te,         Kan Chhungkaw enkawlna atan te, Lehkha kan Zirna atan te,                     Kan Hnathawhna atan te,  etc.         Kan nun engkimah hian dilnachang i hria ang u. Pathian atang finna hi a dawn theih a, Pathian ringtu kan nih chuan Bible hi a dik tih kan pawm vek a, Bible ah chuan Pathian atang Finna a dawn theih thu, a in ziak ngei tih hi kan hriat a, Pathianin amah tihtu te FINNA a pe thin tih hi kan ring tur pawh ani. Pathian ring lo mi te pawh hi an taimak phawt chuan, lehkha zirna ah leh eizawnna ah pawh an hlawhtling thei vek a.  Pathian tel loin kan hlawhtling thei tihna lam ani lo a, ringlo mite pawh Pathianin a phal vang a hlawhtling mai an ni. Ring lo mite an hlawhtlin theih chuan, ti nge hlawhtlin nan Pathian ka pan kher ang? tih zawhna hi a awm thei a. Pathian nen a engkim ti

"Chanchin Tha keimah avanga hrilh kimin a awm theih nan leh Jentailte zawng zawng chuan an hriat theih nan, Lalpa chuan mi tan a, mi tichak ta zawk a ni"(2Timothea 4:17a)     Bible chuan kan mal hunlai kan tihtur hetiang hian min hrilh a:     1. Midang te mamawh ngaihtuah sak rawh:  Mahni tan chauha thil ngaihtuah lovin midang te han ngaihtuah la an mamawh nia i hriatte chu tihsak i tum dawn nia. Tirhkoh Paula chuan midangte  hnena Isua chanchin tha hrilhna kawngah hma a la tlat a ni: 2 Timothy 4:17 "Chanchin Tha keimah avanga hrilh kimin a awm theih nan leh Jentailte zawng zawng chuan an hriat theih nan, Lalpa chuan mi tan a, mi tichak ta zawk a ni; tin, sakeibaknei kaa mi kha chhan chhuahin ka lo awm ta a ni." Chutia midang tana a nun a hmanna ah chuan Lalpa'n alo ti chak a, alo dinpui a, khawhar leh mal nia inhriatna hun a neilo a ni. 2. I Dam Chan Hria La, Chu Chu Um Rawh:  I hmaa i tihtur siam lawk emaw, i nuna i tih ngei tur i dam chhan (purpose) ah i ri

Thian tamtak chu i nei a mahse Pathianin i thian tur atana a ruat tak an nih loh chuan a pawt chhe thei hle che a ni.  "Tin, roreltuho thute zawng zawng chuan Stephena chu an en reng a, a hmel chu vantirhkoh hmel angin an hmu a." (Tirhkohte-6:15) Mi pakhat chuan ti hian a sawi a, kan hostel awmna ah chokaa rawngbawl turin mawhphurhna min pe a, chutia rawng kan bawl zo chu kan mawm vek a, kan sam te hi choka rim alo nam vek thin a ti. Chutiang chiah chuan kan awm tamna ang rawng hi kan lo kai thin. Stephena pawh hi Pathian bulah a awm tam em avangin vantirhkoh te hmel ang alo pu ta mai alo ni. Vantirhkoh te chu Pathian bula awm reng an ni si a.  Chuvangin thian thalo i kawm chuan an thilsual tih ang kha ti velo mah la an mize thalo tamtak i kai thin a ni.   Engtin nge thian diktak chu ka tawn ang? Zakaria(Baptist tu Johana pa) kha temple ah inthawiin Pathian hmaah a in lan a, ti chuan Gabriela a hnenah alo inlar ta a, chuta a rawn inpuan dan chu,  "Gabriela Pa

Vanram kai i inring em? He zawhna hi Kristian tamzawk chuan, "Ka hrelo le, Vanram Kai Chu Ka Inring Ve Deuh Tho" tiin an chhang ang.  Mahse vanram kan kai dawn leh kai dawnloh hi chianloh atan chuan a pawimawh lutuk tlat.  Kan hma hun tumahin kan hrelo a, mahse thuchiang leh 100% a la thleng dik chu hei hi a ni,"He Khawvela Mihring Lo Piang Tawh Phawt Chu Kan La THI Vek Dawn Tih Hi."  I thih huna i Thlarau kalna tur chu i"DAMLAIA I DUHTHLANNA" hian a hril dawn a ni. Chuvangin i nuna duhthlanna pawimawh ber i siam tur hi nakina ngaihtuah atan dah suh.  "Hriattirna chu hei hi a ni, Pathianin chatuana nunna min pe a, chumi nunna chu a Fapaah a awm a ni. Fapa neitu chuan nunna chu a nei a; Pathian Fapa nei lotu chuan nunna chu a nei lo."(1Johana 5:11-12 )  He Bible chang hian a sawi tum ber chu, Isua NEITU chu Vanramah a kai anga, Isua nei lotu erawh chu a kai lovang tih hi a ni.  Duhthlanna Chu I Kutah A Awm E! ISUA THLANG ANG CHE O!

"Ka Pathian chuan a vântirhkoh a rawn tîr a, sakeibaknei ka te a tichîp a, engmah mi tina lo ve," a ti a. Tichuan, lal chu a lâwm ta êm êm a, Daniela chu pûk ata lâk chhuak tûr thu a pe ta a. Chutichuan, Daniela chu pûk ata an la chhuak a, na lai rêng rêng amahah a awm lo va, a Pathian a rin tlat avângin."(Daniela 6:22-23) Pathian lam kan hawi avangin kan tuar tawh em? Pathian nen kan thei ang tiin harsatna kan hmachhawn tawh em? Daniela'n kan zawhna pahnih hi min han chhan sak teh se! Daniela... Lal Daria a lal laiin ka Pathianin, nasa taka min chawimawi avangin lal hnuai chiah a lu ber ka ni a, chuvang chuan min thiktu an lo awm a. Dan siamin min tal awhtir an tum ta a, lal nilo chibai buk chu sakeibaknei puk a paih luh tur tiin, lal chu biak bumin dan an lo siam ta a. Chu dan chu an siam tih ka hriat ve leh,  Pathian hmaah ka kun a ka tawngtai ta nghal a,  ka tawngtai thin tih an hriat chuan, sakei puk ah chuan min paih luh theih nan lal chu an va hrilh a, lal chu

"Tuin nge thiam loh chantir ang? Thia kha Krista Isua chu a ni si a; a ni, tho leh ta zawk a, Pathian ding lama awma min sawisaktu bawka kha a ni."(Rom 8:34) TU NGE ISUA NGAM TAWH Le!!!! An vuakna hruihrual kha khawiah nge tun ah a awm? A ral tawh!!! A lu chhun nan a, hling lukhum an khum tir, hling lukhum kha khawi ah nge a awm? A ral tawh!!! An khenbehna thing kross kha khawiah nge a awm? A ral tawh!!! A kut leh ke an kilh behna thirkhen kha khawiah nge a awm? A ral tawh!!! Nih leh, a kheng bettu te zawng zawng kha khawiah nge an awm? An ral tawh!!! Thah an tum ber Isua Krista Kan Lalpa hi khawiah Nge A Awm Ve Thung? VANAH PA PATHIAN DINGLAMAH RO A REL!!!!! Tu Nge Ngam A, Isua Hi Tu Nge Ngam Tawh? Tihna khan, Isua kha thang ang a, tal Awh tir  an tum a. Mahse!!!! Tihna... Kan Lalpa Isua Krista'n A AWK ZAWK CHE. Isua chuan amah ringtu, amah a awm tlat te chu, vanah Pa Dinglamah A Sawi Sak A Ni. Amah a awm te chu, khawvelin an ngam thei em? Thei lo e!!! Ti nge

Nangni thawkrim leh phurrit phur zawng zawng te u, ka hnenah lo kal ula keiman ka chawlhtir ang che u.  Ka NGHAWNGKAWL bat ula, ka hnenah zir rawh u, thuhnuai rawlh leh rilrua inngaitlawm tak ka nih hi, tichuan in thlarau tan Chawlhna in hmu ang. (Matthew 11:28-29) Isua'n chawlhna a sawi chu ama 'Nghawngkawl' bahpui chu a ni. Heta nghawngkawl hi a tawng bulah chuan 'Zugos' tih a ni a, chu chu lawi pahnihin lei leh nana an inbah tawm thin nghawngkawl sawina hi a ni. Chutiang an hman chuan lawi pahnih te tha kha hmunkhatah kalrualin a tang ruala, awlsam takin lei an let thei ta thin a ni.  Lal Isua chuan a nghawngkawl bahpui turin min sawm a ni. Eng ang harsatna lei nge i leh, eng ang hlauhna hun nge i paltlang a, eng ang taka dinhmun khirh leh tihbaiawm ah nge i awm mek?  I leileh mek lai chu mite tan a ho in an ngainep a ni maithei mahse tupawn eng lei emaw tal hi chu mahni tawka harsa kan tih em em hi kan let mek vek a ni. Chu chu Isua'n thawhpui ch

"Tin, Thoma hnenah chuan, “I kutzungin han khawih la, ka kutte en rawh; i kut han ban la, ka nakah zen rawh; ring lovin awm suh la, ring rawh,” a ti a."(Johana 20:27 )  " Tin, Lu Ruh an tih hmun chu an thlenin, chutah chuan kraws-ah an khengbet a, mi sualte nen, a ding lamah pakhat, a vei lamah pakhat."(Luka 23:33)  Manchester Victoria station ah chuan, Mark Parkera chu, Syria buaina investigation hna an thawh zawh hnuah,  London ah report a pe a, a pek zohin an khua Manchester ah chuan haw turin a rawn thleng a. Thlawhna a, a ho loh chhan pawh a, thianten HS (rail chak chi) in rawn haw turin a tih vang a ni a, station ah an in hmu khawm thei a nga an ti a. Marka hi an thian hoin, u en deuh a an en ani a, an ngaina hlawm em em a. Station ah chuan alo thleng a, an thian pakhat Philip Clarka hian, station cloak room ah, a hna pawimawh document a ken nual avangin, a laptop leh document chu a dah a. Tichuan, "Mark England Knight" tih banner hi a keng a, train

Lehkhabu dangte i chhiar chuan hriatna an pe che anga, Bible i chhiar erawh chuan i nun a tidanglam ang. Chu nun thar ngei chu nia mi tam takin an zawn an zawn țhin chu. Thlamuanna te, hlimna te, lungawi zel theina nun te, engkima lawm na te Lalpan a pe dawn che nia. "Chu chu ka hreawmnaah pawh ka Thlamuanna a ni, I thu chuan mi tiharh ta si a. (Sam 119:50)

"Thil engkim tan hunruat a awm a." (Thuhriltu 3:1) Helai changa hunruat tih hi sap tawng chuan season tih a ni. Season chu kan hre theuh awm e. Eng season mah hi a kum hlun lo a ni, kum tluanin nipui emaw, fur emaw thlasik emaw a ni ngai lova, a inthlak thin a ni. Kan chang tarlan hian engkimin season (hunruat) a nei a tih hi vawn reng ava pawimawh tak em aw! Harsatna, beidawnna, lungngaihna kan tawk a nih pawhin chung chu season chauh a ni, a kumhlun dawn lo a ni. Nunna nei leh nei lo te pawh hian inthlak hun an nei vek a. Chuvangin tunah hian ngaihzawng tur i hmu zo ve lo pawh a ni thei a, i hmuh ve pawn i tluang ngai lo a ni thei, emaw hna te i zawng a i hmu thei lo pawh a ni thei a, i hriselnain a kiamsan che pawh a ni thei, chhungkaw nuam takah i awm lo a ni thei a, i rethei pawh a ni mahna mahse hei hi hre tlat rawh khang kha a ni reng dawn lo, hun ruat season chauh a ni a, a liam mai hun a lo la thleng ang. Beiseina, nunna, siamtharna, hlim leh lawmna kawl

"Chutichuan Simon Petera hnenah a lo kal a. Ani chuan, “Lalpa, nang emin ka ke i sil dawn em ni?” a ti a. Isuan a hnenah, “Ka thiltih hi tunah i hre lo; nimahsela nakin hnuah i la hria ang,” a ti a, a chhang a."(Johana 13:6-7) Pastor pakhat hi a awm a, a bial chhungah chuan pa pakhat fing em em mai, tumahin Pathian lam hawi tura an hrilh hleihtheih loh hi a awm a. Chu pa chuan, hnatha tak a nei a, khawtlang zah pawh a kai a, a hna pawh a thawk thaa, engkim dik taka a tih avangin mi dik ni siin, an khawsak kawngah pawh mi bakin an lang mawi a. Sunday school erawh a thulh ngai lo thung a, Pathian a neilo tih fiah taka a lanna chu, zirtawp zanah zu a inthin a, a ruih zan erawh hi chuan thenawm kawngveng ten a rui tih an hriat turin thawm nei ngailo mahsela, a chhungte nasa takin a ti mangang thin a, chu bakah bible chhiar leh tawngtai hi a tulna a hre lo a ni. Chu bial lo vawng tawh pastor te leh kohhran upate chuan, tih ngaihna tak pawh an hre lo a, midang a tibuai chuang hlein