Jehova-Jire.blogspot

"Hmangaihnain a dawhthei a, ngil a nei bawk thin."(I Korinth 13:4a) Pathian hnena ka zawh chak em em chu "Misual i hmelma ka ni sia, tinge min chhanchhuak turin, i theihna zawng zawng i hman" tih hi. Ka zawhna hi mak tive leh chhawng kan awm takin kan sawi fiah a nge. Sual hrim hrim hi, Pathian hmelma a ni a, Adama leh Evi an bawhchhiat pawh khan, kan Pathian hian sual hi a haw ngang maia, a rang a rangin a hnawt chhuak a ni. Mahse, mihring fate chu a hmangaih sia, chuvang chuan thinlung na chungin a hmangaih tlat si avang chuan, Adama leh Evi pawh a ngaihtuah chhunzawm zel a. Chutiang ang chiah chuan, Pathian hian min hmangaih si, mahse a hmelma kan ni bawksi, tah chuan a theihtawp a rawn chhuah taa, min tlan turin a fapa mal neihchhun, van mipui zawng zawng zinga engkima tha ber chu a rawn tir ta a ni. Chu a fapa mal neihchhun chuan, a tir atang engmah tihsual nei lo mahsela, misual Pathian hmelmate tan chuan na tak leh mualpho takin kross ah a thi a n

"Tin, Isuan a zirtîrte hnênah, “Tu pawhin mi zui a duh chuan, mahni hrehawm pawisa lovin, a kraws puin mi zui rawh se."(Matthaia 16:24) Isua khan, a tir pang atangin  “Tu pawhin mi zui a duh chuan, mahni hrehawm pawisa lovin, a kraws puin mi zui rawh se," a tia. Pathian hnung zui hi a hreawm char char leh bet chawt chawtna a ni loa, mahse kan zui a nih chuan kan na ve dawn a ni. Van Lal fapa, Isua Krista ngei pawh khan a tuar nasa emai, Lal thutthleng atang ran thlengah transfer a ni, mahsela a kal a kal a, kross atang van Lal thutlengah a thu leh a ni. He kawng hi zawh ve turin min ti bawk a ni. Kross chu e nge kan tih chuan, "ralna hmun a ni", thuthlunghlui huna puithiamin halral thilhlan a hlan kha a kawk a ni. Chu halral thil hlanah chuan mahni inhlan ral turin min ti tihna a ni chu. Chu inhlanralnaah chuan, i chak zawk kalsanin i chak loh zawk tih a tul ang, i hlawkna tur ai i channa tur zawk i thlan pawh a ngai ang. Mahse maw, a duh anga nung thin leh ama

"Thununna pawm chu nunna kawngah a awm a, Zilhhauna hawisantu erawh chuan a tisual thin."(Thufingte 10:17)  Rev Smith Gerfield'a leh Pi Dorothy Gerfield'i te chuan an tupa James'a leh an tunu Martha'i te chuan, an zirlai an zirchhuakta ve ve bawka tiin, an hmakhua ngaihtuahin nupui leh pasal an zawna an neih dan tur chungchanga fuih an duh avangin leng turin an sawma. An chhungkua hi rawngbawltu chhungkua an nia, Jamesa leh Marthai te pa erawh pastor a niloa, company lian Nexzola hotu Chief Of Operation a ni thunga, mahse rawngbawltu rilrua thawk tlat thin a ni thunga, hei vang hian a dinhmun chelh pawh hi a chelh thei reng a ni. An tupa chu an fuih hmasaa, Bawiha James , Pastor nih tumin Doctorate of Divinity i zir chhuaka, bible college ah I thawk emaw, kohhran i enkawl emaw, pastor rawngbawl hna i thawk tihna a ni ve ve dawn a, hei vang hian Pathian duh dana kawppui i zawn a tul a ni, an ti a, tichuan an fuih mawlh mawlh a:  1) Dawhthei la,

"In sual a, kut thlak in tuarin chhel takin tuar mah ula, fakna engnge in hlawh thin?  Amaherawhchu thil in tihthat a, in tuarin chhel taka in tuar chuan chu chu Pathian lawmzawng a ni."(I Petera 2:20) Thil tha Pathian duh zawng ngei, hreawm ti chung chungin i ti em? Rawng i bawla, rawngbawlna chuan i nun a phuara, hun thawl pawh i nei hleithei lo em? Pathian duh zawng a nih avangin i inngai tlawma, chu vang chuan mi ngaihnep i hlawh em? Pathian duh zawng tih i hriat avangin, dik taka nun i tuma, i bul ami zawng zawng an dinchhuah laiin ila tlu sawp viau em? Lungngai suh ang che, vanah chhinchhiah a ni.  Kan Pathian hi, Pathian dik a nia, amah tihtute lawmman pek hmang leh, lawmman pek theihnghilh ngai lo tu a nia. Bei fat fat la, a hun takah Lalpan dinhmun tha a pe ngei ngei ang che.

"Ka thi lo vang, ka dam ang a, LALPA thiltihte chu ka hrattir zawk ang "(Sam 118:17)   Hmeichhe thiput kha, kum 12 lai dam thei loin a thi chu put lo sela chuan, damna beiseiin Isua a khawih lo a nga, damna a chang lo ang, Isua kha chhandamtuah a pawm lo a nga, vawiin niah a chanchin pawh kan hre lo ang.  Mahse, a thi a puta a dam thei loa, a thi a put miau avangin leh midang bula awm ve tlak loha an ngaih avang tak chuan a rukin Isua a khawih taa, a dam a, chhandamtu Krista chu a neih phah ta bawka, vawiin ni thlengin rinna chungchang kan zir dawn a nih chuan, hmeichhe thiput chanchin kha kan sawi tel loh chuan a kim thei ta lo a nih hi. Midel Bartimaia kha a mitdel lo sela chuan, "Isu Davida fapa min khawngaih rawh" tiin a au a au lo a nga, Isuan a mit khawihin a tih var sak lo bawk a nga. Mahse, a mit a del miaua, a mit a del avang tak chuan Isua a au a, Isuan a tidam taa, Bartimaia hmuh hmasak ber chu a Lal leh a Chhandamtu Krista Isua a ni taa. Pathian koh (au

"I thu hi ka ke atante hian khawnvar ani a, ka kawng atan eng a ni."(Sam 119:105) 1) I nuna thutlukna siam har i tih changin engtin nge i thih le? I chhungte leh i thiante i rawn a, nangmah ai an lo hre lo zawk bawk si thin tiraw! A chang hi chuan a buaithlak ani, thulukna siam dan hrelo mah ila kan siam a ngai tho tho thin si a.  Chutiang hunah chuan, Pathian hnenah thutlukna dik kan siam theihna turin tawngtaiin dil ila, Bible'ah kan hun tawn ang chi tawng an awm leh an awm loh ngaihtuah ila. Tichuan, Pathian duh dan ni bera kan hriat angin thutlukna i siam thin ang u.  Chutiang taka kan thutlukna siam kawnga, Pathian kan dah hmasa a nih chuan, thutlukna siam sual pawh loni ta ila, kawng dang min hawn sak leh dawn a ni. 2) Kal ngaihna hre loin i awm em? Pathian rawng i bawlnaah emaw, lehkha i zirnaah emaw, eizawnna hrang hrangah emaw kal ngaihna i hre lo em? Kal ngaihna eng kawngah pawh i hre lo a nih chuan, a ngaihna hria Pathian kan nei tih hi i hria ang u.  Kan sawi

"Tin, mipuite chu a hnena an rawn inkhawm laiin Isuan, "Tun lai chhuante hi chhuan sual an ni; chhinchhiahna an zawng a; nimahsela Jona chhinchhiahna chauh lo chu an hnenah chinchhiahna reng reng pek a ni lo vang."(Luka 11:29) "I rawng bâwl duh lo hnam leh ram chu a boral dawn si a; a ni, chung hnamte chu tihchhiat hlauhvin an awm ang."(Isaia 60:12)   Pathian rawng kan bawl duh loh avangin emaw, Pathian rawng kan bawkna tur lak ata kan tlanbo hian, a rawngbawl duh lotute leh a tlanboate hian kan tawrh phah thin. Ringtute hi rawngbawl tura koh vek kan nia, a then kohhranahte, mission field ah te, ministry ah te, chhungkuaahte, eizawnna ah te etc. Chung kan rawngbawlna chu thawk duh loa kan tlansan chu sawi loh, kan thawk meka kan inthlahdah hlek a nih pawhin, sualin rawngbawltute hi min beih reng avang hian, kan tawrh phah thin a ni. Jona pawh kha, Pathianin Ninevi ah a tira, kal duh lo chuan Tarsis lam pan tumin lawngah a chuanga, thlipui nasa tak a tleh avangi

"Mi dotute mit hmuhah ka hmaah hian dawhkan i buatsaih thin a: Ka lu hi hriak i thih tawh a, ka novah hian a liam reng a. "(Sam 23:5) Israel fate kha Kanaan ram an luh dawn khan an va enthlaa, Josua leh Kaleba tih loh kha chuan an hlauh em em a ni. Kanaan va enthlatute khan, anni lakah chuan khau ang lekin kan inhmu a, an ni pawhin khau ang lekin min hmu an ti a. Kaleba erawh chuan, "i han thawk thuai ang u khai, i han la ang u, kan ngam ngei ngei ang," a ti a.  Mipuite chuan, enthlatute thusawi an han hriat chuan an mangang nasa maia, an tapa,  "Aigupta ramah khan Pathianin min tihlum ta then sela aw! A nih loh leh thlalerah hian min tihlum then sela aw!" te kha an tia. Tichuan " Hotu i siam ang u khai, Aigupta ramah i kir leh ang u," te an ti hial a ni. Chutiang chuan an hmelma Lalpan anni hnena pek atiam sa te chu an hlauh avangin Pathian pawi an sawi taa, kanaan ramah chuan an lut ta lo a ni. Kha mi hunlaia awm ve ah chuan, Pathian ringtu pah

I tihsual tawhna in a tina che em? Enge i tih sual chu? I sum lak luhna a dik lo em?  Mipathmeichitana lamah ami i tih sual?  Mi tam tak i bum a mi? Ruihhloah i buai ami? Isua lam i pan a nih chuan, eng ang pawhin tisual mah la ala pawm duh che asin. Sum lamah i tisual a nih chuan, i hausa laklawh tawh a retheih i hlau em, chu lo pawh sum lak luhnaa i tiam rual puite i hlau pawh a ni thei e. Hlau suh, retheih emaw, i intiam rual puite emaw kha hlau suh. Isuan a relfel thei asin, dik lo taka hausak ai dik taka retheih a nawm i rin zawk daih tawh kha, ni e Lalpa nen a nih phawt chuan nuam lo reng reng a awm lo ngei alawm. Bakah Lalpa nen nasa takin i thawk a nga, a hma ai i hausa zawk thei daih a sin. Tin, i sum lak luh dan a dik loa, black money emaw, smuggling  lamah i inhnamhnawih a nih phei chuan thawh puite an hlauhawm tih kan hre vek, chutiang pawh chu nise hlau suh. Lalpan nang leh i chhungkua a hum dawn che u alawm, nang aia smuggling khawih lian leh hmelma nei nasa Nicky Cruise&

Inṭhen leh mai tur a innei hi tumah kan awm ka ring lova. Duh ber leh hmangaih ber tawnga, hmangaiha NUPAA insiam kan ni ṭhin niin a langa. Kan han mu dûn a, kan han tho dun a, chaw kan han ei dun a, hna kan han thawk dun a, chhungkua kan han din dun a, zir tur a lo tam em em a. Kan duh dan ṭhenkhat paih a lo ngaia, kan kawppuite duh dan ṭhenkhat pawm (adopt) a lo ngai a.  Kan chhungte duh dan thlengin pawm sak zel a lo ngai ta a. Chhungkaw tharah chuan Nunphung a lo danga, Dan thar te a lo awma. Chawhmeh siam dante, chaw ei hun te, mut hun te, thawh hun te, TV a en duh zawng etc te a lo dang ta zel mai a. Ni tinin paih leh belh (minus leh plus) nun a nun a lo ngai ta a. Paih tur a tam in belh tur a tam bawk a.  Chuvangin, ṭhenkhat an thinrim a, an phun a, thinrimna tur an zawnga. Thil ho te te ah inhnialna tur an zawng khawma. A tawpah chuan "ka haw ang, ka chhuak dawn, haw rawh, chhuak rawh" tih te hian a hmawr an bawka. Chu ve leh "MÂK or SUMCHHUAH&qu

(John 3:3; 1:12&13;I Pet 1:23) Pianthar awmzia hi hrilhfiah kan mamawh ber pakhat chu a ni. Isua ngeiin, “ I pianthar loh chuan Pathian ram i hmu thei lo ang,” a ti a. Piantharna chungchangah Bible sawi dan lam en lova mahni pianthar dan anga pianthar thu sawi ta mai mai kan tam hle a;a awmzia sawifiah a tul phah ta a ni.Piantharna chu danglamna emaw ti ta mai lah kan tam.Danglama inhriat veleha piangthara inngai ta an awm thin.Danglamna tak anmahni ah an hmuh hma loh chuan piangthar lova inruat tlat lah bo lo. Anmahniah thil an hriat ngai loh an hriat tak avanga piangthar inti ta mai an awm bawk.  An mumang lama hrilhtu awm nia hriaa piangthar inti ta mai lah an awm.Camping, Campaign leh Crusade tea mipui hmaa ding chhuak a, inhlan ta ten piangthar emaw an lo inti rawl vei nen.t|awngtaina avanga dam ta te,mi thusawi avanga dam ta ten piangthar emaw an lo inti bawk si. Sakhaw ngaihsak avanga inkhawm thlah lo, sual anga lang laka insumten piangthar emaw an inti fo bawk.

Ka naupan laiin hian Pi Leh Pute lo ah an feh ṭhin a. Tlai ah tlai thar an rawn phur haw ṭhin a. Feh kawng a thui chang leh an phur a rit dawn chuan an phurrit lo chhawk turin sikul ban ah kan lo hmuak ṭhin. An phur zawng zawng kan phur sak thei lova, mahse an phurrit kha kan chhawk zangkhai ṭhin a ni. Lo ah kan feh a, fanghmate, vaimim etc te phur ve kan chaka, a changin kan phur ve a, a changin kan ak haw ṭhin bawka. Kawng a thui deuh chuan kan lo hah ngei ngei ṭhin a. Kan chau lutuk hlau in Pi leh pu ten kan phur te kha min phurh/ak sakin min chhawk zangkhai bawk ṭhin. "Sikul banah min lo hmuak rawh u" ti a an sawi avangin ka nu leh pate an phurrit chhawk zangkhai turin kan hmuak ṭhina, an phur kha a lo zang ta ṭhin a ni. Lal Isuan... "Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u" (Mt 11:28) tiin ni tina kan phurrit min chhawk zang khai tumin min sawmin min ngenna, chhawk zangkhai kan duh

Ngaihdamna hi thil pawimawh berte zinga mi a ni awm e. Pathian leh mihring inkarah a pawimawh ang bawkin, mihring leh mihring inkarah pawh a pawimawh a. Chhungkuaah pawh sengluh a nih loh chuan, inmihranna bak hmabak a awm thei lo. Ngaihdamna tel lovin ‘Pathian mi’ a nih theih lo va, Ngaihdamna tel lovin chhungkua a khawsakho theih bawk hek lo. Kohhranhovah ngei pawh hian ngaihdamna tel lo chuan rawng a bawl ho hleih theih loh a ni. Ngaihdamna chungchang hi Bible ah eng ang takin nge hman a nih a, eng ang taka hmun pawimawh luah nge a nih i lo en ho teh ang. Thlahtu Evi leh Adama te’n thil an tihsual lai khan ngaihdamna hi chelek a nih awm reng reng a lang rih lo va. “In ei chuan in thi ang, a tawh pawh in tawk tur a ni lo” tih a ni. A nih ang taka hman a nih chuan khawvel hian a dawl zo lova , ‘Bawhchhiatna fa’ kan lo nih phah zo ta a ni.  Ngaihdamna chelek a nih loh avangin khawvel leh a chhunga awm zawng zawng te pawh chu Pathian anchhedawng kan lo ni zo ta a. Natna te, hlauhna te,

                                                                       (Rom 12:1,2)               👇🏻 BIBLE CHANG                    Rom 12:1  👉🏻Chutichuan unaute u, Pathian khawngaihna avang hian, inthawina nung leh thianghlim leh Pathian lawm tlak ni turin in taksa chu inhlanah ka ngen a che u; chu chu in rawngbawlna awm reng a ni.                 Rom 12:2  👉🏻He khawvel dan ang hian awm suh ula; Pathian duhzawng, a tha leh lawm tlak leh, that famkim chu in hriatfiah theih nan, in rilru athara awmin ] lo danglam zawk tawh rawh u.             👇🏻     👉🏻Kan ramah hian ringtu \ha leh entawn tlak, tam tak an awm lai hian mi \henkhat nunah hian ringtu nih avang emaw, piangthar emaw nih hnu hian danglamna miin an hmu em le? Chhan huai a har hle.  👉🏻Pathian thu chuan ringtute chu ‘lo danglam zawk tawh rawh u’ min ti a. Engvangin nge tih te, engtin nge tihte hi inzawh ngai tawh awm lo tak a ni a; mahse la hre lo ang hrim hian sawi nawn a ngai fo mai zawng a nih hi. Ringtute hi ringl

Chutichuan unaute u, Pathian khawngaihna avang hian, inthawina nung leh thianghlim leh Pathian lawm tlak ni turin in taksa chu inhlanah ka ngen a che u; chu chu in rawngbawlna awm reng a ni. Mizo Bible

Pathianin thil engkim mai hi a hun theuhah chuan mawi takin a siam tih Bible in min hrilh a.Siam chhan nei leh engemaw kawng bik atana piang kan ni.Mi chuangtlai deuh bik tura siam kan awm lo.Chumi man fuh a, thlang dik apiang chu mi vannei leh mi hlawhtling an ni.Chhiartu duhtak, tukhaw hriat loha lo  chhuak a,mual liam leh mai tura siam i ni lo. Nangmahah khan thiltih tum a nei a, nangmah ngei kha hmangin engemaw tihtum a nei a ni. Danglam bikna, hlut bikna tak i nei a, piang tawh leh la piang leh turte zingah nangmah ang pakhat mah an awm lo. Mi bik i ni a, insit reng reng suh. Kim ki taka inthup bo tumin tlanchhe bawk suh. “Fing taka awmtir chein i kalna kawng tur chu ka entir ang chia, ka mita enreng chung chein rem ka ruat sak zel ang che”, a tih kha. “Ni dang ang bawk a ni,a danglamna ka hre lo” i ti em ni? chhut chiang teh, hun hi a kal chak a sin.Lawmna thar nen a eng zawngin hmalam thlir la,beidawng  miah suh.Hlawhchhamna hi hlawhtlinna bulpui a ni tih hria la, be

(Sam 103:1-4)     Aw ka nunna , LALPA chu fak la ka kawchhunga awm zawng zawng te u, a hming thianghlim chu fak rawh u. Aw ka nunna LALPA chu fak la, a thiltih \hat zawng zawng chu theihnghilh suh a ni chuan i khawlohna zawng zawng a ngaidam \hin a; I natna zawng zawng a tihdam \hin a; Boralna lak ata i nun chu a tlan \hin a; Ngilneihna leh lainatnate a khumtir \hin chia;     He sam ziak ah hian Pathian hmangaihna Lal Davida chunga lo thleng a ni a, Lal Davida hian Pathian in achunga, a thiltih zawng zawng hi a theihnghilh lova, a khawlohna zawng zawng a ngaidam a, a natna zawng zawng a tihdam sak a, boralna lakah a nun chu a tlan a, chu mai chu a la ni lo, thil \ha tin reng a chungah a thlen tir a ni tih a hria a, chuvangin Lal Davida pawh in  a nunhlui kalsan in nunthar nen LALPA rawng a bawl a ni. Pathian thu a har lai ber chu NUNPUI hi an ti \hin a, a dik viau mai. Thu leh hla a, rawngbawl hi a pawimawh em em a, mahse nun a lan tir hi a la pawimawh zawk a ni. Thu leh hla a rawngbaw

Bible a "Nu" hming lang zinga ka ngaihsan em em mai pakhat chu a duh huna nau hring thei lova, Fapa dila Pathian hnena taima taka ṭawngṭai ṭhintu Pi Hani-i hi a ni. Lalpan a ṭawngṭaina a pawm saka, Fapa, Samuela a pe a. Hnute hnek a ban ( kum 3 a tling hman ang em?) ve leh Biakin ah a hruaia, a dam chhunga Lalpa rawng bawl turin a fapa chu a petu Lalpa tan a hlan let leh ta a ni. A hnute hnek ban hun hi Bible ah a lang lova, kum 3 a pum hman tawh ang em ?  Engpawh nise kum 3 vela upa pawh chu lo nise la, Puithiam hna thawk thei tur khawpin engtin nge a Fapa kha Pi Hani-i khan a zirtir ṭhin ang le ? Nu leh Pate u, i in enlet ang u.  Fa engzat nge Lalpan min pek ?  Kum engzat chhung nge kan Fate kan enkawl tawh ?  Rinna kawngah kan hruai em ?  Kan fate Isua krista Rinna ah an awm em ? Pi Hani i chuan hnute hnek a ban thleng chauh a fapa Samuela kha a enkawl a, mahse Puithiam hna thawk thlakin a chher chhuak hman tlat mai a ni. Bible a Hmeichhe hming lang zingah chua

Vaimim kan tuh chuan thla li/nga hnu ah a rah kan seng thîn a. Buh kan tuh chuan thla 6/7 hnu ah a rah kan seng ṭhin a. Serthlum kan chîn chuan kum 5/6 hnu ah a rah kan seng ṭhin bawk. Kan thlai chin ṭhinte hi chu a rah hun tur kan chhuttin kan hre thei ṭhin a. Pathian hnena kan ṭawngṭaina erawh a rah hun tur tuman kan hre miah lo. Sam 126:5 ah .... "Mittui tla chunga tuhte chuan hlim takin an at ang" tih kan hmu a. He chang hian kan tuh rah, kan ṭawngṭai rah etc te kan la seng ve ngei dawn tih min hrilh a, a hun leh ni tur erawh a sawi tel tlat lo. A rah seng hun tur ngaihtuah aiin kan TUH RAH KAN SENG TAM ZAWK DAN TUR KAN NGAIHTUAH HI A ṬUL NIIN A LANG. Seng tam kan duh chuan kan thawk tam a ngai hmasa a. Rah ṭha seng kan duh chuan CHI ṬHA kan tuh a ngai bawk ang. Unau duhtak, eng rah nge i seng mek te kha ?  Tu tuh rah nge tuna i seng te kha ?  I rah seng mekte kha a tui em ?  I rah seng mekte kha hlimna nge thinurhna zawk ? I tawngtaina chhan in a awm em ?  I

"Thil tha tih i ning suh ang u; kan inthlahdah loh zawngin a hun takah chuan kan seng dawn si a."(Galatia 6:9)   Thuhriltu bung 3 ah khan engkim tan hun ruat kan hmua, pian hunte, thih hunte, phun hun leh pawi hunte pawh etc. Mahse kha thuah khan, "beidawn hun" hi zuk awm ve miah lo a, ni e kan Pathian hian beidawn hun hi a siam ve lo a niang a tiro. Kan Pathian rorel dan mak leh deuh mai chu, a fapa Isua a rawn thirh dan hi a ni a, khawvel ngamtu tur leh thlak dang lama chhandamtu tur, a fapa rawn tirh kha a chatuan remruatna a ni a. Chutiang mi a rawn tirh dawn chuan, mi lian pui chak em em tlang pawh chawisawn thei tur khawpa chak rawn tirh awm a nia, mahse chutiang chu rawn tir loin, mihring pangngai ang taksa pu, a bul tanna pawh nausen hmeichhe chawi seilen ngai kha a rawn tir tlat mai a. Chutiang chu a remruat a nih pawhin, mihring pangngai rau rauah khan thiltithei deuh chhungkuaa rawn pian tir kha  a awm ania, chu pawh ala ni lo, chhungkaw pangngaiah hausa

I pian thar tur ka tih che hi mak ti suh. (Jn :3:7) Nikodema khan pawn lam aṭang chuan Isua kha a hrechiang ve hle niin a lang. Mahse, pawn lam atanga hriatna mai chuan Pathian ram a chang pha dawn lo tih Isuan a lo hril a.... Vanram kai nan  " PIANTHAR " a ṭul ziah uar takin Lalpa Isuan a lo hrilh a nih kha. Khami zana an in counselling kha a thlawn lo niin a lang.  A chhanchu, Isua a thih khan a vui turin Nikodema kha a rawn pen chhuak tlat ! A thu in hre ringawt ila, mi sawi hre ringawt ila, a taka Isua nen kan inzawm si lo chuan VANRAM KAWTCHHUAH AH HNAR IN KAN LA AWM NGEI NGEI DAWN A NI. Piantharna chu nundan emawh tih dan phung thlak kualna mai mai hi a ni lova, Isua Krista Rinna hi a ni a. Chumi Rinna chuan RILRU  a thlak danglama, Nunthar a pe ṭhin. Chhiartu duhtak, Lal Isua i ring tawh em ?  Lal Isua hi i chhandamtu atan i pawm tawh em ? Lal Isua nen in inzawm tawh em ? Isua Krista ringa mi a pianthar loh chuan VANRAM  a kai dawn lo a, hreh tak chungin ME

Anin a ngaihsak thin che u avangin in manganna zawng zawng ama chungah nghat vek rawh u. (I Pet 5:7) I rit phurh chu LALPA chungah nghat la, tichuan anin a tichak ang che; Mi fel chu engtikah mah tiihnghin a phal lo vang. (Sam 55:22) Mi felte chu an au va, tin, LALPA chuan a lo hria a, An manganna zawng zawngah chuan a chhan chhuak ta a. LALPA chuan thinlung lungchhiate chu a hnaih thin a, Rilrua inchhir apiangte chu a chhandam thin. (Sam 34:17-18) An manganna zawng zawngah chuan ani chu amangang ve thin a, vantirhkoih, a hmaa awm mi chuan, anni chu a chhanhim bawk thin a: a hmangaihna leh a khawngiahnain a tlan ta hlawm a; hmasâng ni zawng zawngah chuan anmahni a puain anmahni a pawm thin. (Isaia 63:9) Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u. Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi: tichuan, in thlarau tan chawlhna in hmu ang. Ka nghawngkawl chu a nuam a,

 In natnate ka tikiang daih ang - Isua Tin, LALPA in Pathian rawng chu in bâwl tûr a ni, tichuan I chhang leh I tui chu mal a sâwm ang a; tin, in zîng ata hri ka tikiang daih dâwn nia. (Exo 23:25) Tin, Isuan an hnenah, “Mi hriselte chuan daktawr an ngi lo va, mi bawrhsawmte zawkin an ngai a ni. (Lk 5:31) 1. I thla a muang em ?  2. Hlimna tak tak i nei em ?  3. Thih thlamuanna i neih tawh em ?  4. Hlauhna in i thinlung a la khat em ? Heng zawhna te hi AW tia i chhan chuan Doctor Isua i mamawh tihna a ni a, pan thuai la, anin a lo tidam dawn che nia.  Mangtha vek ule

1. I lawm zawng leh duh zawng ngawt kha buaipui lo la, Lalpa duh zawng enge tih ngaihtuah zawk rawh, chu chu i nunna atan a ṭha ang a, rah duhawm tak a chhuah zawk ang. 2. Pathian thu hi i ngaihven lo a nih chuan a van tla dawn ngawt tur a vang teh a nia, i awm mai mai kha thlarauvin i khat ngawt dawn lo tih hria ang che. 3. Sum tam tak aiin hmingṭhat hi thlan zawk tur a ni ti a thufingin a lo sawi ang khan i sum aiin i hming ṭhatna khan a daih rei zawk tih hria ang che. 4. Hmingṭhatna hlawh tur chuan beih fe a ngai a, hming chhe tur chuan vawi khat tih sual a tawk reng, i tih ṭhat tam tak aiin i vawi khat tih sual khan nghawng a nei thui zawk tih hria la fimkhur takin nung rawh. 5. Nun uluk nachang hriat loh hi inchhirna zakhua thlentu a ni a, siam ṭhat theih tawh loh hnua inhmuh chhuah hian kawngro a su tawh lo, se bo hnua se kawng khar ang chauh a ni, chuvangin i nun kha fimkhur pui hle rawh. 6. I zuan hmain i tlakna tur en chiang hmasa rawh, a nghawng tur thlir hmasa lovin engmah t

"Tin, Davida chuan, "Chungho chu um ila ka la umpha ang em le?" tiin LALPA a zawt a. Ani chuan a chhâng a, "Um rawh, i umpha ngei nge ang a, i chhanchhuak vek ngei ngei ang," a ti a."(1 Samuela 30:8) LALPA A INNGHAT CHUNGA MIDANG TE LEH MAHNI CHHUNGKUA TE CHHANCHHUAH TUMTU CHU LALPA'N A BEIHPUI ZEL THIN ANI. In Chhungkua Leh I Mi Chhanchhuah Duh Te Chu Hmelmain Salah Alo Man Tawh Em? Davida kha ral bei tura a chhuah hlanin, an awmna Ziklag chu hmelma ten an lo hal a, an nupui fanaute pawh SALAH an lo hruai ani.  Davida leh a ho te chu nasa takin an tap a, tap hleithei tawh lo khawpin an tap a. Davida chu Lalpa ah a INTICHAK a, Lalpa a rawn ta a, Lalpa'n va um la, i umpha ang a, in nupui fanaute chu in chhanchhuak thei ang tiin a hrilh a. Davida leh ami te chuan an um ta a, an umpha a, an hneh bawk a, an nupui fanaute pawh chu an chhanchhuak ta ani. In Chhungkua Leh I Mi Chhanchhuah Duh Te Chu Hmelmain Salah Alo Man Tawh Ani Maithei e! D

"Aw, i thatna, nangmah tihtu tana i khawl khawm chu, a va ropui em! Mihring fate mithmuha nangmaha rinna nghatte tana i tihsak chu."(Sam 31:19) LALPA A RINNA NGHATTE CHUAN, AN NUN AN SIAMTHA THIN A, LALPA'N THIL ROPUI TAK TE A TIHSAK THIN ANI. Pathian a RINNA NGHAT kan tih hian, Pathian awm rin ringawt lam anilo a, Pathian chu ei leh in chungchangah te, mamawh zawng zawng chungchangah te, thih leh dam chungchang ah te engkimah Lalpa a innghahna hi ani. Mi thenkhat chuan "ka tawngtai a min chhang lo a" an ti thin, tawngtai ringawt a, a thu zawm leh chuan loh pawh hi, Lalpa A Rinna Nghat ala ni pha lo. Lalpa a Rinna Nghat Tak Zet Tu Te Chuan Lalpa THU AN ZAWM THIN , Israel te kha thilsual an tih a, Lalpa'n a hrem thin laite pawh khan, Israel fate khan maichamah Lalpa tan thil hlan an hlan reng thin a, mahse a thu an zawm loh avangin an dilna a chhang lo mai ani lo a, a hrem hial anih kha. Lalpa a RINNA NGHAT tak tak te chuan, ENGKIMAH LALPA DUH DA

Davida chuan a chiahhlawhte hnênah, "Naupang chu a thi ta elo?" a ti a. Tin, anni chuan, "Thi ta," an ti a. Chutichuan Davida chu lei ata chu a tho va, a insil a, hriak a inthih a, a puante a inthlak a; tin, LALPA inah a kal a, Pathian chibai a bûk a; tin, a in lamah a kal leh a, tin, chaw a han lam a, ahmaah chuan an hlui a, a lo ei ta a.(2 Samuela 12:19b-20) LALPA HNEN A KAN TAWNGTAINA HLAWHTLIN NA TURIN THEIH TAWP CHHUAH HI A PAWIMAWH ANI.  Mi thenkhat chuan Ka Tawngtaina Ah Ka Thlen Tawh A, Lalpa'n A Hre Tawh, A Thu Thu Ani Mai, an ti a an awm vel mai mai thin ani. Ni e, harsatna kan tawhin kan buai chung chung tur chu ani lo a, A CHHANNA LEH HLAWHTLINNA KAN HMUH HMA CHU LALPA HNEN A THLEN, KAN CHAWL TUR ANI LO BAWK. Davida khan Uria nupui Bedsebii duh lo chung a uire a, tichuan Pathian in an inkara naute piang tur chu ka la dawn a ti a. Tichuan, Davida'n Lalpa zahngaihna dilin naute Lalpa'n a laksak lohna turin Pathian hma ah tlawmtakin a tawng

"Tin, a hnenah an va kal a, an kaitho va, "Zirtirtu, zirtirtu, kan boral dawn hi le," an ti a. Tin, ani chu a lo harh a, thli leh tuifawn chu a hau ta a; tin, a bang a, a reh ta mai a."(Luka 8:24) LALPA TI MAWI LEH ZUAL TU CHU, BEISEI LOH DAN LEH BEISEI PHAK BAK A, A CHE THIN HI ANI. A thawnthu chu kan hre tawh a nga, Isua leh a zirtir te kha lawngah khan an chuang a, lawng mei lamah Isua alo muhil a, thlipui leh tuifawn chuan lawng chu a ti pil lek lek a, zirtir te chuan Isua an kaitho a, an kaihthawh dawn lai chuan zirtir pakhat chuan "Zirtirtu, Kan Boral Dawn Hi Le" a ti ani. Isua chu, a rawn tho a, Thlipui leh Tuifawn chu a rawn hau reh ani. Zirtir te khan Thih an in ring tawh ani, "kan boral dawn hi le" tih awm zia tak chu, kan tih vek dawn hi le tihna ani. Harsatna kan han tawk a, Lalpa kan chhungkua a chhiat dawn hi le, tiin kan rilru a beidawng thin. Eizawnna ah kan buai a, Lalpa ei leh bar tur nei lo khawp a kan awm dawn hi l

"In nun theih nan that lohna zawng lovin, thatna zawng ula: tin, in sawi angin, LALPA sipaihote Pathian chu in hnenah a awm ang. "(Amosa 5:14) THATNA ZAWNG THINTU CHU, A CHUNGAH THATNA VEK A THLENG THIN. Thatna zawn a, pawimawh ber chu, Lalpa thatna zawn hi ani a, a dawt ah chuan Lalpa'n kan chung a Thil Tha a tih te zawn chhuah a hriat reng hi ani a, a dawt leh ah chuan mahni Dinhmun a that zia zawn chhuah hi ani a, a dawt leh ah chuan Engkim thlengah hian a thatna lai zawn hi a ni a, a dawt leh ah chuan Midang thatna an that lohna ai a zawn hi a pawimawh leh a, Engkimah Leh Thil Zawng Zawng Ah Lalpa Vanga A Thatna Zawn Zel Hi A Pawimawh Ani. Bible thu a kan hmuh ang hian, "Thatna zawng ula, in sawi angin, Lalpa sipaihote Pathian chu in hnenah a awm ang," a ti a. In sawi ang a tih awmzia hi, "A theih ang Lalpa'n min awmpui dawn alawm," kan tih ang chi hi anih a rinawm a.  Chutiangin awlsam lo mahse, nun a kal ngai chiah angin kal se,

"Tin, Isua kraws kiangah a nu leh a nu laizawn, Mari, Klopa nupui leh Mari Magdalini an ding a." (Johana-19:25)  Kross kiangah khan Isua hmangaihtu te an kal khawm a, khaw hran hran ami pawh ani ang, an chhuahna leh an dinhmun pawh a in ang lo ang mahse, Isua an hmangaih theuh a, hmangaih inang chu "Isua an Khenbehna Hmun Kross" kiangah khan an kal khawm ani. Isua hi kan thlan ber ani tawh ta rau rau, Kross kiangah hian awm tlat ang o. Isua Kross kiangah chuan Isua hmangaih ve thotu, kan hmangaih thuhmun pui tur Pasal emaw, Nupui emaw a rawn la kal ang, Thawhpui tur te, Thian tha te, Chhungkua te, Engkim mai Lalpa'n mamawh min tih apiang chu KROSS KIANGAH chuan a rawn kal ngei ang. Mi tamtak an tlukna chhanchu an Lunglen vang ani thin, Isua hnena kan nun kan pek hian kan awmna hmun a inthlak avangin, kan nun hlui leh kan thian hluite, kan nun dan te ngaih a lunglenna a awm duh em em a, chu lunglenna hmanga beihna chuan mi tam tak chu a hneh thin ani

"Tin, LALPA rawngbâwl hi a tha lo awm anga in hriat chuan vawiinah hian tu rawng nge in bawl dawn thlang mai rawh u; in thlahtuten Lui rala a rawng an bawl thin pathiante kha nge, in luah ram Amor-hote pathiante kha? Kei leh ka chhûngte erawh hi zawngin LALPA rawng ania kan bawl dawn ni," a ti a."(Josua 24:15) Coronavirus len vangin, inhumhimnan kan chhuak thei lo ta sa sa, haw u he kan chhuah theih lohna hi, kan bula awm reng leh kan hmangaih ber kan chhungte tana thiltha tihna hunah hmang ila. Kan chhungte chhungah hmangaihna lan chhuah tir ang u. Chutianga kan tih chuan, hna kan thawh theih laia kan hmuh hman mang thin loh kan chhungte hian Lalpa neitu kan nih zia an hria a nga. Kan Pathian a rawng kan bawl sak a hi Pathian tak a nih zia pawh an hriat phah a nga, a rawng pawh an bawl chak ve thei hial a ni. Mahni in theuhah awm tur an ti bawka, inkhawm pawh kan thei lo bawk a, hawh u kan chhungkua'in inkhawm ang u. Hawh u, hun ren lek loin kan chhungte