Jehova-Jire.blogspot

Luke 15:11:32 He thu ka ngaihtuah run deuh lai, hman ni lawk khan kan fate school an sport dawn a. Ka fapa chu a phur hle mai. A nuin lukhum thar a lei sak bawk a, t shirt var nen, infiamna chi kekawr bul a bun a, mawza leh pheikhawk nen a intam at mai a.  Intlansiak a chak tawh ngang a ni ang, zingah khan inah vawi hnih vawi thum a thlan chhin hman a.  Tlan chak pawh a tum khawp mai. “A pa, chaw pawh ka ei teuh !” tiin min hrilh chamchi mai a ni. School chu an va kal ta ngei a, beisei angin thil a thleng ta lo a niang. A nuin min rawn phone a, “Lo ngaihven deuh te u, a tlei lo lutuk, a tap deuh pur reng mai,” a rawn ti. A lo haw chu kan lo zawt a, tlan chak a lang ta lo, lawmman lak a lang pha lo; an sports chu sawi hrehawm a ti ve hlein a lang.  “Naktukah chak deuhin ka tlan tawh dawn,” te a ti. Engnge thleng zawh lahin a sawi thiam vak bawk si lo.  Lawmman a rawn hawn lo tih chu kan hria. Thil chiang tak chu a tum angin thil a thleng lova, nuam a ti lo, ama hriat thiam c

“Chhûng zawng zawng chu in hmuh hun chuan amah chu a lo hnai tawh a, kawngka bul ngeihah a awm tih hria ang che u.” MT. 24:33. ENGTIN NGE KAN CHHAN ANG? Engtin nge kum 1914 aṭanga khawvêl dinhmun chuan Bible hrilh lâwknate a thleng famkimtîr mêk? Mihringte an sual zual deuh deuhna hian pawimawhna eng nge a neih? Tâwpna a hnai tawh hle tih chu engtin nge i ngaih? 1, 2. (a) Kan thil hmuh chu engin nge thunun mai thei? (b) Pathian Ram chungchângah eng nge kan hriat chian theih? *THILTHLENG* pakhat chu mita hmutute’n an hriat dân a inang lo thei hle tih i hre tawh mai thei a. Chutiang bawkin, mi chuan doctor a hmuh hnua doctor thusawi chiah chu hriat reng harsa a ti mai thei. A nih loh leh tuemaw chuan a bul maia awm a chabi emaw, a tarmit emaw chu a zawng hmu lo pawh a ni thei. Hêng dinhmun zawng zawng hian mi thiamte’n delna chi khat thil danga rilru pên avângia thil engemaw hmuh lohna, a nih loh leh theihnghilhna an tih nên inkûngkaihna a nei mai thei a. Chu chu kan

Hla phuahtu in… Tûn hi ṭawngṭai hun chu a ni Thlarau a ṭawngṭai hun chu  I ram leh kohhranin ṭawngṭai tûrin an ko che Tho la, Lalpa hnenah ṭawngṭai rawh. Ni e… keini Pathian nung ringtute hi tûn ang hun aia nasa a ṭawngṭaina hun kan hman tam hun tûr hi a awm dâwn chuang em ni?  Ringtute tân chuan chunglam vênna leh humhimna, thlamuanna leh awmpuina bâk beisei tûr a awm dâwn em ni? He kan ram engkim a intodelh loah he natna hi lo lut vaih teh se… kan ram chan hi a chau teh ang chu… hawh u… kan ram tân… i ṭawngṭai mawlh mawlh ang u. Mak êm êm chu maw… keini ringtu Pathian nung bia inti te hian he covid-19 lo hmachhawn tûr hian kan tisa lam a kan theih tâwk chu kan ti ve teh meuh mai. Mahse… kan thlarau nun lam pachhiatna tuaitharna lam leh he hrî avang hian a chhe ber lo tâwk dâwn ta ila eng nge ka thlarau dinhmun tûr tih lam hi kan ngaihtuah meuh pawhin a lang lo. Kan tisa himna tûr leh puar leh fânna tûr chhêk khâwl leh ngaihtuahin kan buai a, he hri leng mêk chung a thuneitu Pathian n

"LALPA tihna chu finna bul a ni a; Chutianga ti apiangte chuan hriat thiamna tha an nei a: Amah fakna chu kumkhuaa awm tûr a ni."(Sam 111:10) Hriatthiamna nei tur chuan fin a ngai a ni. Pathian atanga hriattiamna nei mi chu rawngbawlnaah a ni emaw, kawppui neih kawngah a ni emaw, hna thawh kawngah a ni emaw, hna zawn kawngah a ni emaw, an ding chhuak vah zel thin, tih hi kan hre vek awm e. Hriattiamna nei tur chuan finna neih a ngaia, finna nei tur chuan Pathian tih a ngai a ni. Tunlai khawvela kan hmuh mai theihah chuan, Pathian neitu leh Pathian tihtu, Billy Grahama hi entirnan han hmang leh ta ila. Billy Graham kha mi rethei fa a ni, kawppui zawn kawnga rilru na taka awm tawh mi a nia, fa sual nei thin mi a nia, Pathian nena inpawhna tak tak nei ngai lo mi a ni.  Mahse, Pathian nen an in tawnga, chu a Pathian chu a tih em em taa. Tichuan, a Pathian rawngbawl tur chuan theih tawp a chhuaha, nupui atan Pathian tih mi Lalpan a pea, a fate pawh sual ve thin mahsela

Piantharna diktak hre fiahtu tan chuan hlauh ai mahin a lo hlawkthlakzia an hre zawk a, an in chhir lo khawp mai.  An nun a fel bik diak diakin thil an ti sual tawh lo bik tihna em ni? Nilo e, piantharna chu chutiang a ni lo. Lehkhabu ziaktu pakhat chuan ti hian a sawi a, “pianthar hi ka lo hlau a, ka lo duh lo, a chhan chu ka tih thin zawng2 sualna te kalsan vek a lo ngai a nga, thil fel hlir ka tih a ngai tawh anga, ka tlin dawn lo, ka duh lo,” a lo ti a. Mahse chu pa vek chuan a pianthar hnu ah tihian a sawi leh a, “piangthar ka lo ngaih dan kha a lo ni hauh lo mai, piangthar born again kan sawi hian kan standing, a in thlak zawk a lo ni.  Isua kan accept chiah khan Pathian fa ah vuah kan ni a, a roluah tu ah siam kan ni nghal bawk a, Ama family ah leh a van mi ah pawm kan ni nghal zawk a lo ni, hei hi piangthar kan tih kan lo hlauh ṭhin em em chu a lo,” a ti a ni. A dik taka, piangthar born again kan tih hian kan piantirh nihna Adama thlah, Setana fa dinhmun ata Isua ri

Ka manganin LALPA chu ka ko thin a, Ka Pathian ka au thin. Ani chuan a biak in atang chuan ka aw a hria a. A hmaa ka au thawm chu abengah a lût ta a. (Sam 8:6 ) Pathian hian a mite hrehawma kan awm hi a hmu a, a hria a, min ngaihsak loh vang ni lovin, min hmuin min hre reng mahse, kawng engkim hi min tihsak a tum lo. Kan tana tha tur tawk min pe a, kan phu tawk chawimawina min khum tir mai a lo ni. Pathian laka vui thinte reng reng hian Pathian hi chhiahlawh enin an en thin tlangpui. Duh duh hunah an ko a, an lungngaih mangan laitein an au thin a, mahse, an hlim lainite hian an theihnghilh leh si thin.  Chu mihringte inang lo tak mai mize hrechiang em emtu amah Pathian bawk a nih vangin kan phu tawkin thil min tihsak zawk a lo ni. Mihringte chu luhlul tak leh rilru bulbai nei lo tak mai hi kan ni a, tawngtainaa kan dil zawng zawngte hi min pe vek ta se, A petu zawk chu kan theihnghilh leh thuai dawn a, chu tluka kan tana nun khawhar chu a awm dawn loh vangin, chu nun chu ka

I PATHIAN TAWK TURIN INPEIH RAWH He thu hi Pathian thu awih tha duhlo Israel te Lalpan a zilhna a ni a (Amosa 4:12). kan Bible hi han keu ila a bu pumpui maiah hian Isarelte chanchin hian hmun a luahkhat vek ti ila a sual tam awm lo ve, Zawlnei Isaia, Jeremia, Ezekiela bu te han chhiar hian a hnam thlan laka Lalpa dawhtheihzia leh a thungrulhna thu leh khawvel hun tawpna tur tak tak chanchin kan hmu a, Israel ho kha Hmeichhe hur nen an tekhina Ezekiela buah phei chuan chipchiar tak a ni.  Hmeichhe pasal nei khawpkham lo mipa dang melh uire leh nawhchizuar ang maiin an sawi a ni. A nilahtaka, Pathian nung awm renga, Milem Pathian biak duhna an neite tlat te kha, Kanaan ram anluhna tur kalkawngah serhtanloh Hit, Paris, Hiv, Moab, Amon, Edom, Sidon hote chu nupui pasalah in nei tur a nilo a, in faten an hmeichhia te an pâwl tur a nilo tih a ni a, (Ex 34:16; Deut 7:3-4) Solomona ngei pawh khan thupek a bawhchhia, an nula te a hmangaih tlat si a, thupek a nih chhan pawh an milem